2 Timote 2:16 - Gabri Maja

¹⁶ Ama ji na, are-kɔl ga badɨ dugo gɨ ɨra dan̰ aye kudurɔ pɨna naŋ le, ƴɨma gusɨn̰ cay nee coŋ. Kɨya gɨ na kan ga arge kɔl nɔm ga hɨn̰ wo̰ le, kɨya ɗɔɔge gɨye-lɔɔ gɨ bugoŋ pɨna dan̰ Kumu dḛ dḛ coŋ jɨn̰ tumɔ tumɔ.

2 Timote 2:16 ပူးပေါင်းရင်းမြစ်များ

1 Korɛ̰t 15:33

Ɗɔ cɨndɨgɨŋ nargɨŋ naŋ: «Ƴɔmɛ pɔgɨn̰ɛ dan̰ kalaŋ ga haldɨge ɨsɨn le kɨya mɔndɛ hal gɨ ɗari gɨ da ungo.»

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

1 Timote 1:9

Kuɗa gɨ na sɨla gɨ Kumu be gasɨn̰-kɔl na kɨya cay kalaŋ ga dan̰ durɔ ɗɨngar naŋ. Ama na kɨya cay ka-lɔɔ hɨnga ga dan̰ gɨyəŋdɨge naŋ bɨ, ka-baa bɨ, ka-lɔɔ ɨsɨna bɨ, ka-lɔɔ terɨn̰ bɨ, ka-bugoŋ dan̰ Kumu cay hɨnga ga woy dan̰ cɨndɨge naŋ bɨ, ka-dɨɗe ban̰an̰ge dan̰ ƴon̰iige bɨ, ka-dɨɗe kalaŋ bɨ,

1 Timote 4:7

Ama dɔrɛ te hɨnga ga toyge bɨ cayge bɨ unɔ bɨ, dɔrɛ kɔl da kandɨ ga əsɨdəŋ bɨ le, jɨbɨge sɛdɨ coŋ. Ama ji tɨraba na gɨye-lɔɔ gɨ bugoŋ pɨna dan̰ Kumu.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 2:14

Gɨlge hɨnga ga kɛ le, ɗe kuduroyge hɨn cay nee. Halage tumoy Kumu ɗe kan ɗe bɔjɨn̰ɛ ojɨn̰ cay kɔl nɔm baa. Kɨya wa bɔjɨn̰ɛ gɨ nee le, kɨya andaŋ hɨnga naŋ, ama kɨya mɔndɛ na kan ga ka-jɔɔdi.

2 Timote 2:21

Ungo gɨ na dɨran̰ gusi mɨra kɨya cay kɨni gɨ nee le na, ban kɨya bɨləŋ na kɔjɛ ga woy kɨya gɨye gɨ da wɔlɛ gɨ ni kɨdɨrɛ bɨ, gɨ doriige sige dan̰ cɨndi bɨ, gɨ woy na kɨya loon̰ gɨye gɨ da Ba-gulondi gɨ ƴomge cay tɨbayi kuɗa ojɨn̰ cay gɨye nɔm gɨ kuɗa bɨ.

2 Timote 3:13

Ama kalaŋ ga ɨsɨndəŋ bɨ, ka-nare kɨɗɨn̰ bɨ, kɨya lɔɔge hɨnga ga ɨsɨni dan̰ cɨndɨge tumɔ tumɔ bɨ, kan kɨya nare kamdɨge bɨ, kɨya nare gusɨge koge gaŋ bɨ.

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Titɨ 1:14

kuɗa gɨ kan lun̰doŋge kardi lɛngɛ lɛngɛ di sayga a duroy Jubɨn̰əŋ gaŋ naŋ bɨ, kobɨn̰ hada di da kalaŋ ga bɨlge kardige bɨn̰ kɔl gɨ cɨndi naŋ, naŋ bɨ.

Titɨ 3:9

Ama male te hɨnga ga kalɨn̰ wo̰ bɨ, dɔrɛ te wɨn̰je bɨ, man̰e-kɔl bɨ, gaŋgɨde kɔl cay gasɨn̰-kɔl gaŋ bɨ le, hɨnga ga nee le nɔm na hɨnga ga kɨya andaŋ hɨnga naŋ bɨ, na hɨnga ga kalɨn̰ wo̰ dugo bɨ. Ji ɗɔɔ ba dɨbe kɨbɨn̰ boy nee naŋ.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

2 Pɨyɛr 2:2

Kondɨwadi kalaŋ kɨya kɔbɛge kardɨge kɨɗɨn̰ yɔyɛ gorɨn̰ daa gaŋ le bɨ, kɨya cay kalaŋ ga nee le, kan kɨya yagɨdege te gɨyəŋ gɨ da Kɔl gɨ cɨndi kol cay gɨye-lɔɔdɨge bɨ.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 13:3

Caa di pɨna duroy caa da kɨmana le orɨn̰ dan̰ dɨraŋ hɨn̰ gɨ tumɔ kan na wal naa tumoyi ma ɨyado na jon̰ wo̰. Kalaŋ ga a cay gɨsəŋ gaŋ nɔm kɔl kayige, lee gɨ kan say kobɨ kardi kɨmana le.