2 Timote 2:14 - Gabri Maja

¹⁴ Gɨlge hɨnga ga kɛ le, ɗe kuduroyge hɨn cay nee. Halage tumoy Kumu ɗe kan ɗe bɔjɨn̰ɛ ojɨn̰ cay kɔl nɔm baa. Kɨya wa bɔjɨn̰ɛ gɨ nee le, kɨya andaŋ hɨnga naŋ, ama kɨya mɔndɛ na kan ga ka-jɔɔdi.

2 Timote 2:14 ပူးပေါင်းရင်းမြစ်များ

Matɨyo 16:26

Hɨn̰ gɨ ungo na ɨran̰ dan̰ hɨnga wɔɔ ga a cay gɨsəŋ gaŋ nɔm ma na mɨnda gusi coŋ na, kɨya andii na wa ga? Naŋ le, na wa ma ungo kɨya bee kɨya ƴon̰ ban̰di gusi ga?

Gɨye-lɔɔ 13:10

bɨ ban yey hɨn̰: «Ji na ungo gɨ terɨn̰ walɨn̰ kuduron̰ bɨ, ba-jɨba bɨ, ji na kurɨn̰ Haban̰ bɨ, ji na ba-baa gɨ da hɨnga ga dan̰ durɔ ɗɨngar bɨ, kɛ ji gɨ ɗɔɔ kɔngɨdɛ gɨyəŋ gɨ dan̰ durɔ ɗɨngar gɨ da Ba-gulɔŋ le baa naŋ ga?

Gɨye-lɔɔ 15:24

Ni je gɨ kalaŋ ga pɨna wo̰, na sayge duroyni kɛ orge mɔndɛ kuduroygɨŋ bɨ, dorge turnoygɨŋ bɨ, dan̰ kɔl yɔɔdɨge. Ama kalaŋ ga nee le, na ni ba-aye noyni bɨge ojɨn̰ cay kɔl gɨ nee le naŋ bɨrɨŋ.

Magtubu di Pol wal bɨn̰ kalaŋ ga Rɔm 14:1

Ungo gɨ ɨrɨmedi usa a te aye kudurɔ gɨŋ naŋ ƴee le, ƴɨmayigɨŋ gusɨgɨŋ dɨle bɔyɛ kɔl a cay ɨrɨmedi gɨŋ.

Galad 1:7

Leen̰ cɨndi na, Kɔl-gɨ-Ɗari gɨ ɗaŋ unɔ, ama ɨŋ yəgɨŋ kɔl gɨ nee le hɨn̰ wo̰, na kɨya cay kalaŋ ga ka-tɔbɨdɛ kɔl duroygɨŋ. Kan geyge bɨle kɔl gɨ ɗari gɨ da Kɨris le ɗaŋ.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

2 Tesalonigɨ 3:6

Karmɨnɨ ga ban̰aŋ dan̰ ga kandɨ, ni ay noyni bɨgɨŋ dan̰ guson̰ Ba-gulɔŋ Jesu-Kɨris: Dɨragɨŋ gusɨgɨŋ sɛdɨ coŋ gusi kurɨndɨna gɨ ani ani gɨ woy kuŋ cay gusi gɨŋ bɨ, gɨye-lɔɔdi ɨra pɨna dan̰ hɨnga ga ni gɨle ga ni gɨlii naŋ bɨ.

1 Timote 1:4

ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

1 Timote 1:6

Kalaŋ ga pɨna ɗege kardi hɨnga ga ɗari ga nee le coŋ bɨ, andɨn̰ge boy man̰e-kɔl gɨ da kɔl ga kalɨn̰ wo̰ dugo gaŋ.

1 Timote 4:8

Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.

1 Timote 5:21

Ɨŋ olɨn̰ tumoy Kumu bɨ, tumoy Jesu-Kɨris bɨ, tumoy ka-ƴɔbɛ ga daa nii ga torgege bɨ, ji laa hɨnga ga ɨŋ ba gɨlɨn̰ kɛ le dɨle bɔɔ te ungo pɨna naŋ bɨ, dɨle lɔɔ hɨnga pɨna kɨya dorɨn̰ cɨn̰ ungo naŋ bɨ.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

2 Timote 1:6

Na toy di hɨn̰ wo̰ ma, ɨŋ hɨn kuduron̰ cay hɨnga ga Kumu bɨn̰ kalɨn̰, kɨɗɨn̰ ga ɨŋ ɗen̰ kɔbɔŋ can̰ le. Hɨnga ga ni bee kalɨn̰ le woy na hɨn̰ tɨwa wo̰ kuduron̰, kuɗa gɨ ji lama kubo daa ɗe ƴee.

2 Timote 2:16

Ama ji na, are-kɔl ga badɨ dugo gɨ ɨra dan̰ aye kudurɔ pɨna naŋ le, ƴɨma gusɨn̰ cay nee coŋ. Kɨya gɨ na kan ga arge kɔl nɔm ga hɨn̰ wo̰ le, kɨya ɗɔɔge gɨye-lɔɔ gɨ bugoŋ pɨna dan̰ Kumu dḛ dḛ coŋ jɨn̰ tumɔ tumɔ.

2 Timote 2:23

Ama ɗa man̰e-kɔl ga badɨ badɨ coŋ bɨ, dɨngali coŋ bɨ. Kɨya wa ji sol gɨ kɨya ɨrgan̰ dan̰ bɔjɨn̰ɛ.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

Titɨ 3:1

Ji hɨn kuduroyge a cay kɔl gɨ ojɨ cay dɔbɛ ca dugo tumoy ka-dɔrɛ tumoy kalaŋ bɨ, ka-dɔɔ cay ƴaa bɨ, cay kɔl gɨ ni jɔɔ bɨ, ɗe na ƴomɨn̰ge cay tɨbayge cay lɔɔ hɨnga ga ɗari pɨna pɨna nɔm bɨ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

2 Pɨyɛr 1:13

Ama ɨŋ ba baa dan̰ cɨnɨ ƴee na, na gɨye-lɔɔnɨ gɨ ɨŋ hɨngɨŋ gɨ kɨŋ na sɨman̰-bɨra daa daa cay hɨnga nɔm ga nee le.