2 Timote 1:8 - Gabri Maja

⁸ Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 1:8 ပူးပေါင်းရင်းမြစ်များ

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Lug wal 9:26

Hɨn̰ gɨ ungo na daa dasi, kɨɗɨn̰ ga kan na tɨga gusoŋnɨ bɨ kɨɗɨn̰ ga kan na dɨra kɔl hɨnge bɨ na, ɨŋ-bandi Kurɨn̰-ungo le, ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a tɨnge bɨ, dan̰ asɨn̰a da Banɨ bɨ, dan̰ asɨn̰a da ka-ƴɔbɛ ga daa nii ga woyge dan̰ cɨndɨge bɨ.

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Kɔl-gɨ-Ɗari gɨ Ja̰ wal 19:35

Ungo gɨ ba dor kardi hɨnga ga nee le, sol hɨnga ga nee le dan̰ cɨndi, lee gɨ tɨmon̰ toy or pɨna dan̰ kɔl gɨ cɨndi: Ungo gɨ nee le sol gɨ ɗi na ye na kɔl gɨ cɨndi ɗe gɨ kɨŋ-gandi kalɨn̰ ma kɨŋ na bɨgan̰ kuduroygɨŋ cay kɔl gɨ cɨndi gɨ da ba-lɔɔ tɨmon̰ le.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 8:36

Walge duroy Magtubu di da Kumu dɨŋ yege hɨn̰: «Kol can̰ ji-bandi na, Ni woy kɨbɨ tɨma dɨŋ dan̰ te kɨɗɨn̰, Bɨrɨŋ ɗɔbɛ gɨ da tɨwa bɨ. Leenige leen̰ hɨn̰ gamge ga ni dɨɗe wo̰ bɨ.»

Magtubu di Pol wal bɨn̰ kalaŋ ga Rɔm 9:33

hɨn̰ gɨ Magtubu di da Kumu ba ye hɨn̰: «Sɨlagɨŋ ɨŋ kɨya ɗɔɔ oru a cay ƴaa di Sin̰o dɨŋ, Na oru gɨ kɨya dɔgɛ tɨban̰ ungo bɨ, Na garma gɨ kɨya lɔɔ gɨ ungo kɨya bɔɔ bɨ. Ama waŋ waŋ gɨ na bɨga kuduroyi, A cay oru gɨ nee gɨŋ le na, dasi kɨya dooy naŋ bɨrɨŋ.»

1 Korɛ̰t 1:6

Na toy di hɨn̰ wo̰ ma, tɨmon̰ di leege a cay Kɨris le, dobɨ sarna gag gag a kuduroygɨŋ.

2 Korɛ̰t 6:7

kɔl gɨ cɨndi gɨ ni ye bɨ, dɔnɔ di da Kumu bɨ. Hal gɨ dan̰ durɔ ɗɨngar ma na hɨnga ga ni wɔrɨn̰ɛ kani ga ni orɨn̰ a kobɨni gɨ bara gɨŋ bɨ, a kobɨni gɨ masa gɨŋ bɨ.

Epɛs 3:1

Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ.

Epɛs 3:13

Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Pilib 3:10

Ɨŋ wɨraŋde na ɗe gɨ aŋ na solɨn̰ Kɨris bɨ, dɔnɔ di da bɔyɛ lɨbe koyi bɨ. Ɨŋ wɨraŋde na ɗe gɨ aŋ na bugoŋ pɨna danayi boy cɨn̰-gɨle-cɨn̰ toyi dɨŋ bɨ, ɗe aŋ na gɨlɨn̰ hɨn̰ ban wo̰ boy tɨmaydi dɨŋ bɨ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Kɔlɔs 1:11

A duroy tɨwa nɔm na, kuɗa gɨ Kumu bɨgɨŋ tɔgɨ a duroy hɨnga nɔm, dan̰ gɨyəŋ gɨ da dɔnɔ di orɨn̰ dan̰ gusoŋ-tɔgɛ koyi ɗe agɨŋ ɓalɨn̰ ƴomɨn̰ kuduroygɨŋ duroy gɨwase gɨŋ nɔm bɨ, dɨbɨn̰ ɗugoygɨŋ bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Tesalonigɨ 3:4

Lee gɨ kɨɗɨn̰ ga ni ba ban̰ duroygɨŋ ƴee le, ni ni yəgɨŋ tumɔ gɨ hɨnga ga ni gɨle-cɨn̰ na kɨya loogɨŋ. Na hɨnga ga nee le ba lɔɔ gusɨge, lee gɨ kɨŋ sol kuɗa.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

2 Timote 1:10

A boy tɨwa di na ba somɨn̰gɨŋ nee haw kɛ le, ban gɨl ɗarwa toyi dan̰ caga gɨ da ungo gɨ ba-poɗɨnagɨŋ. Ban na Jesu-Kɨris. Jesu mondɨ dɔnɔ da tɨma coŋ dan̰ gɨyəŋ gɨ da Kɔl-gɨ-Ɗari. Ban haŋgɨ cay sɔmɛ-bɨra gɨ kɨya mundoŋ naŋ.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 1:16

Kuɗa gɨ Ba-gulɔŋ sɨla cɨn̰-n̰age di da kalaŋ ga a duroy ƴaa di da Onesipɔr dɨŋ, kɨya wa ban dɔbɔŋ bandɨ kuduronɨ daa daa. Dasi dayi kɨya cay dangay tɨnge naŋ bɨ.

2 Timote 2:3

Ji kalɨn̰ ma, laa tabɨ hɨn̰ asɨgar gɨ da Jesu-Kɨris gɨ kuduroy pɨna gɨ kuɗa.

2 Timote 2:8

Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.

Wasɨn̰a 1:2

Ja̰ lee tɨmon̰ di da hɨnga nɔm ga ban sol dan̰ cɨndi le naa Kɔl gɨ da Kumu bɨ, na tɨmon̰ di Jesu-Kɨris lee bɨ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»