2 Timote 1:7 - Gabri Maja

⁷ Kɨya wa Kumu bɨnagɨŋ na Turnɔ di ni hɨndarɨn̰ cɨn̰ ungo naŋ. Ama dan̰ gɨyəŋ gɨ da Turnɔ ɗe-kuduroy-bɛrɛ le, ban bɨnagɨŋ tɔgɨ bɨ, geye bɨ, ƴɔmɛ gusɨna osɨwa cay hɨnga gaŋ bɨ.

2 Timote 1:7 ပူးပေါင်းရင်းမြစ်များ

Kɔl-gɨ-Ɗari gɨ Lug wal 10:19

Sɨlagɨŋ! Ɨŋ bɨgɨŋ dan̰ dɔnɔ di ni ɗɔdɨrɨn̰ cay kari dan̰ ɗɨsɨni dugo bɨ, ɨŋ bɨgɨŋ dan̰ dɔnɔ di ni ɗorin̰ cay ɗe-baadɨgɨŋ Sidan dugo bɨ. Hɨnga pɨna ga ɨsɨni ga kɨya loogɨŋ unɔ bɨ.

Kɔl-gɨ-Ɗari gɨ Lug wal 15:17

Ɨni na, ban ay te ɨrɨme a cay hɨnga ga ba leeyi bɨ, yen̰ gusi hɨn̰: “Kalaŋ ka-lɔɔ gɨye wɨyan̰ge mɨna a da banɨ, diige hɨn̰ gɨ kuduroyge gey wo̰ ma ɨŋ-bandi ma maŋ marɨn̰ kuroŋ won̰ wo̰ ga?

Kɔl-gɨ-Ɗari gɨ Lug wal 24:49

Sɨlagɨŋ! Ɨŋ-bandi, ɨŋ kɨya gɨygɨn̰ dan̰ hɨnga ga Banɨ ba ye gɨ ɗi na kɨya lɔɔ bɨgɨŋ le. Ama kɨŋ-gandi na, kɨŋ sɨma cay ƴaa-di-gumu dɨŋ kɛ, bɨrɨŋ gɨ ɗe dɔnɔ di da Kumu gɨsɨn caygɨŋ.»

Kɔl-gɨ-Ɗari gɨ Lug wal 8:35

Kalaŋ andaŋge kɨya sɔlɛ-hɨnga ga ba pɨde le. Kan ɨrgage bugoŋge gusi Jesu bɨ, wayge ungo gɨ turnɔ ga ɨsɨndəŋ ba andaŋ gusi le som dugo tumoyi. Ban dobɨ badɨge bɨ cɨndi ɨre ɗɛrɛrɛ nee bɨ, ɨni na hundɔrɔ leege.

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Gɨye-lɔɔ 26:11

Ɨŋ kobɨ kardi ƴaa-daye-di-da-Jubɨn̰əŋ pɨna pɨna, gɨlɨn̰ ka-bɔgɛ kuduroyge cay Kɨris cɨn̰-gɨle-cɨn̰ bɨ, ɨŋ si tɔgɨ cayge ɗe kan na yagɨdan̰ ban gɨ kan bee kuduroyge cayi le bɨ. Kuduroy-ɨlwa tɨnge di ba ləŋ cayge le, lee gɨ ɨŋ mal cay tɨbayge bɨrɨŋ andɨn̰ a cay ƴaa ga gɨmdəŋ ga ɗaŋ gaŋ.

Gɨye-lɔɔ 26:25

Ama Pol jɨga dɨbi cay nee yey hɨn̰: «Ba-dɔɔ cay ƴaa gɨ kuɗa Pɛstus, ɨŋ sɨwaga naŋ. Kɔl gɨ ɨŋ ba dor kɛ le, na kɔl gɨ cɨndi bɨ, na dɔrɛ kɔl gɨ da ungo gɨ gɨrɨn̰ cayi woy dan̰ durɔ bɨ.

Gɨye-lɔɔ 6:8

Etɛn na ungo gɨ ɗarwa di da Kumu bɨ, dɔnɔ di da Kumu bɨ, ƴee gusi pɨl pɨl. Ban lee hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli ga gɨmdəŋ duroy karɨn̰ Ɨsɨrayɛl bɨ.

Gɨye-lɔɔ 9:22

Ama tɔgɨ da Sol a kɨɗɨn̰ tɔgɛ bɛrnɛ dɨŋ or cɨndo tumɔ tumɔ. Kɨɗɨn̰ ga ban gɨlɨn̰ Jubɨn̰əŋ ga Damas arɨn̰ cərərə gɨ Jesu naa Kɨris ban gɨ Kumu dorii le na, kan waage kɔl gɨ ni yɔɔ naŋ.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

1 Korɛ̰t 2:4

Kɔl hɨnge bɨ, tɔgɛ bɛrnɛ tɨnge bɨ le na dan̰ gɨyəŋ gɨ da kɔl gɨ ni cɨn̰-muɗɔlɛ gɨ da kalaŋ naŋ, ama na dan̰ dɔnɔ di da Turnɔ di da Kumu gɨ gɨl jɨn̰ doŋ gɨ kɔl hɨnge naa kɔl gɨ cɨndi.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Kɔlɔs 1:8

Ban yeni kɔl gɨ ojɨ cay geye gɨ Turnɔ ɗe-kuduroy-bɛrɛ bɨgɨŋ.

Əbɨro 2:15

Ama Jesu ma hɨn̰ wo̰ na kɨya dorɨn̰ kalaŋ nɔm ga sɔmɛ-bɨra koge nɔm na a te guyɔŋdu da hundɔrɔ tɨma dɨŋ bogɨge daa.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 4:18

Hɨn̰ gɨ nana sɨlagɨŋ geye gɨ da Kumu na, na kɨya hundɔrɔgɨŋ naŋ. Geye gɨ duroŋ cɨrɛɗ le tay hundɔrɔ gusoo coŋ. Hundɔrɔ sayga na gusi ɨrɨme gɨ da hale gɨ ji kɨya wɔɔ. Ungo gɨ ba hundɔrɔ le duroŋ cɨrɛɗ a te geye gɨŋ naŋ ƴee.