2 Timote 1:2 - Gabri Maja

² Na ji-bandi kuronɨ Timote gɨ ɨŋ geyɨn̰ tɔgɨ, ma maŋ wal magtubu di kɛ le bɨn̰. Kuɗa gɨ Bayna Kumu dan̰ Ba-gulondɨna Jesu-Kɨris laage ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 1:2 ပူးပေါင်းရင်းမြစ်များ

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 12:19

Ay kɨŋ ga ɨŋ lee-toygɨŋ. Ɗagɨŋ baa gɔjɛ-baa cay gusɨgɨŋ kogɨŋ kɨŋ-gandi gaŋ, ɗagɨŋ kuduroy-hɔmɛ di da Kumu ɗe lee gɨye kɔɔ, kɨya wa walge a duroy Magtubu di da Kumu dɨŋ yege hɨn̰: «Na ɨŋ-bandi ba kɨya gɔjɛ-baa, Na ɨŋ-bandi ba kɨya bɨn̰ kalaŋ pɨna pɨna nɔm, Cay kobɨge dan̰ gɨyəŋ gɨ da gɨye-lɔɔdɨge.» Na Ba-gulɔŋ ba yɔ.

1 Korɛ̰t 4:17

Na toy di hɨn̰ wo̰ ma, maŋ gɨyɨn̰ dan̰ Timote gusɨgɨŋ le. Ban na kuronɨ gɨ ɨŋ lee-toyi tɔgɨ gɨ ɨre a cay tɨbayi dɨŋ te Ba-gulɔŋ. Hal ga ɨŋ kobɨ kardɨge a te bugoŋ pɨna dan̰ Kɨris le, ban kɨya hɨne kuduroygɨŋ cay nee. Na hɨnga ga ɨŋ gɨlɨn̰ kalaŋ duroy Ka-Daye gaŋ nɔm le.

Pilib 4:1

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kɨŋ ga ɨŋ lee-toygɨŋ, tabɨlaŋdi jɔgɛ solgɨŋ ləŋ tɔgɨ. Kɨŋ ga ɨŋ lee-toygɨŋ, kɨŋ na gusi-mɔwa tɨnge bɨ, jagɨwa tɨrɨmbala kange bɨ, ɨrgɨŋ usa hɨn̰ wo̰ le kɔ a te bugoŋ pɨna gɨŋ dan̰ Ba-gulɔŋ.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 2:1

Naa hɨn̰ wo̰ na, kuronɨ, ɗarwa di Jesu-Kɨris ba lee dan̰ kan ga bugoŋ pɨna danayi le, ɨr cay nee usa.

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

3 Ja̰ 1:4

Kɨɗɨn̰ ga ɨŋ je gɨ karmɨnɨ na gorge a te gɨyəŋ gɨ da kɔl gɨ cɨndi gɨŋ na, hɨnga ga nee le bəŋ gusi-mɔwa di ɗɨn̰ hɨnga nɔm ga a cay gɨsəŋ gaŋ.