2 Timote 1:14 - Gabri Maja

¹⁴ Gama gɨle hɨnga ga kuɗa ga gɨlɨn̰ge bɨ, been̰ge kobɨn̰ bɨ le ɗɔmɔmɔ, dan̰ gɨyəŋ gɨ da Turnɔ ɗe-kuduroy-bɛrɛ di woy kuduroynagɨŋ.

2 Timote 1:14 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:11

Hɨn̰ gɨ hɨnga wɔɔ ga cay gɨsəŋ gaŋ kɛ le, kɨŋ na aya laan̰ gɨye dan̰ kuduroygɨŋ ga pɨna naŋ na, na waŋ ba kɨya ɓale bogɨgɨŋ hɨnga wɔɔ ga cɨndi le kobɨ gɨŋ ga?

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

Magtubu di Pol wal bɨn̰ kalaŋ ga Rɔm 8:9

Ama kɨŋ-gandi na, kɨŋ gura na dan̰ gɨyəŋ gɨ da ɨrɨme gɨ da kuyoŋdi-gusɨgɨŋ naŋ. Kɨŋ gor na dan̰ gɨyəŋ gɨ da Turnɔ ɗe-kuduroy-bɛrɛ, kɨya wa Turnɔ di da Kumu som a kuduroygɨŋ. Hɨn̰ gɨ ungo na ɨran̰ dan̰ Turnɔ di da Kɨris naŋ na, ban na gɨ da Kɨris naŋ.

1 Korɛ̰t 3:16

Kɨŋ na ƴaa-di-da-Kumu, lee gɨ Turnoy Kumu som kuduroygɨŋ le kɛɛ, kɨŋ sɨla wo̰ naŋ ga?

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

1 Korɛ̰t 9:17

Hɨn̰ gɨ ɨŋ na laa gɨye gɨ nee le kɨya gɨ naa kuduroy geye hɨnge ƴɔbɨ na, ɨŋ orɨn̰ dan̰ gɨyəŋ gɨ ni wɔɔ hɨnga ga ni cay kɔbɔŋ. Ama na gɨye gɨ bəŋge kɔbɔŋ bɨ, na nɨywa gɨ canɨ bɨ.

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

Galad 2:7

Ama kan solge gɨ tumɔ Kumu naa ba bɔgɔŋ gɨye tɔgɛ bɛrnɛ kɔl-gɨ-Ɗari bɨn̰ kalaŋ ga toyge na Jubɨ naŋ le kɔbɔŋ ɨŋ-bandi, hɨn̰ gɨ ban ba been̰ gɨye gɨ ni tɔgɛ bɛrnɛ kɔl-gɨ-Ɗari bɨn̰ kalaŋ ga toyge na Jubɨ kobɨ Pɨyɛr wo̰ bɨ le.

Epɛs 2:22

Kɨya bugoŋ gɨ kɨŋ bugoŋ pɨna dan̰ Kɨris le, Kumu bəgɨŋ pɨna dan̰ ka-aye kudurɔ ga ɗaŋ, ɗe gɨ agɨŋ na bɨlɨn̰ hɨn̰ ƴaa di Kumu som nee dan̰ gɨyəŋ gɨ da Turnɔ.

Epɛs 5:18

Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

Kɔlɔs 4:11

Josɨwe gɨ kan teeyige Justus le kalɨn̰ ma ləgɨŋ lapɨya bɨ. Duroy Jubɨn̰əŋ ga ayge kuduroyge bɨn̰ Jesu le, na kan ƴɔbɨ ba lɔɔge gɨye danaŋ ojɨn̰ cay dɔɔ-ƴaa di da Kumu. Na kan ba dɔbɛge bandɨ kuduronɨ gɨɗaŋ.

1 Tesalonigɨ 5:19

Bayegɨŋ Turnɔ di da Kumu naŋ.

1 Timote 1:11

Kɔl gɨ ni gɨle gɨ nee le, bugoŋ pɨna dan̰ Kɔl-gɨ-Ɗari gɨ bəŋge kɔbɔŋ bɨ gɨl gusoŋ-tɔgɛ gɨ da Kumu gɨ orɨn̰ dan̰ tumoy wolwa bɨ.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 2:2

Hɨnga ga naa ji ba tɨrabɨ gusɨnɨ cɨn̰ tɨmon̰ ga kondi le, bɨga kobɨ kalaŋ ga kuduroyge pɨna ga ɓalge gɨlɨn̰ kalaŋ ga ɗaŋ jɨn̰ tumɔ bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.