2 Timote 1:12 - Gabri Maja

¹² Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 1:12 ပူးပေါင်းရင်းမြစ်များ

Matɨyo 12:21

Te wɔɔ gɨ da kalaŋ ga ɗaŋ Kɨya ɗɔɔge ɨrɨmedɨge cayi.»

Matɨyo 24:36

«Ama kɔl gɨ ojɨ cay wɔlɛdi bɨ, tɨwadi bɨ le, ungo pɨna nɛŋ sɨla naŋ. Ka-ƴɔbɛ ga daa sɨlage naŋ bɨ, Kuroŋ sɨla naŋ bɨ, ama na Kɨye bayi pɨna hayi ƴɔbɨ ba sɔlɛ.

Matɨyo 7:22

Wɔlɛ gɨ ni bon̰ kɔl le, kondɨwadi kalaŋ kɨya tɔgɔŋge yɔ hɨn̰: “Ba-gulɔŋ, Ba-gulɔŋ!” Kɛ, ni ya-kɔl-gɨ-Kumu-ba-yɔɔ dan̰ gusondɨn̰ naŋ ga? Kɛ, ni taya turnɔn̰əŋ ga ɨsɨndəŋ dan̰ gusondɨn̰ naŋ ga? Kɛ, ni laa belin̰əŋ kunda dan̰ gusondɨn̰ naŋ ga?»

Kɔl-gɨ-Ɗari gɨ Lug wal 10:12

«Aŋ yəgɨŋ daa waŋ na cɨndi: Wɔlɛ gɨ kan kɨya kayde kɔl le, kɔl gɨ kan kɨya bɔyɛ a cay kalaŋ ga cay ƴaa di nee le, kɨya osɨwa tɔgɨ ɗɨn̰ cay kɔl gɨ Kumu kɨya bɔyɛ a cay kalaŋ ga ɨsɨndəŋ ga cay ƴaa-di-gumu di Sɔdɔm.

Kɔl-gɨ-Ɗari gɨ Lug wal 23:46

Jesu dor noy daa, dan̰ tumoyi di daa ye hɨn̰: «Banɨ, ɨŋ ɗen̰ turnonɨ duroy kobɨn̰ gɨŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Kɔl-gɨ-Ɗari gɨ Ja̰ wal 17:15

Ɨŋ ɨngɨrɨn̰ na gɨ ji na tɨrage coŋ duroy kalaŋ ga cay gɨsəŋ gaŋ naŋ. Ama na ɗe an̰ na cɨbɨ cɨndɨn̰ cayge ɗe bugoŋge kobi Haban̰ Ba-lɔɔ ɨsɨna naŋ.

Kɔl-gɨ-Ɗari gɨ Ja̰ wal 6:44

Ungo pɨna wo̰ kɨya ɓale ɨrga gusɨnɨ dɨle gɨ Banɨ gɨ ba gɨyigəŋ, sɨrgi ɨrgan̰ gusɨnɨ le unɔ. Bɨ ungo gɨ na ɨre gusɨnɨ le, ɨŋ kɨya boyi lɨbii a wɔlɛ kagadi gɨŋ.

Gɨye-lɔɔ 13:46

Kɨɗɨn̰ ga nee le, Pol dan̰ Barnabas yege kɔl dan̰ cɨn̰-bandɨ yen̰ge hɨn̰: «Kumu ojɨ gɨ kɨŋ na ba ja kɔl koyi cay wase pa dɨm. Ama hɨn̰ gɨ kɨŋ ba jɨbɨ sɛdɨ coŋ bɨ, kɨŋ sol sɔmɛ-bɨra gɨ dan̰ cɨndɨgɨŋ hɨn̰ hɨnga ga uja caygɨŋ naŋ wo̰ bɨ le, na toy di hɨn̰ wo̰ ma haw kɛ na, ni kɨya bɨle gusɨni gusi kalaŋ ga toyge na Jubɨ naŋ le.

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Gɨye-lɔɔ 7:59

Kɨɗɨn̰ ga kan worɨn̰dege Etɛn na, ban ol Kumu ye hɨn̰: «Ba-gulɔŋ Jesu, ƴaa turnonɨ.»

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 9:33

hɨn̰ gɨ Magtubu di da Kumu ba ye hɨn̰: «Sɨlagɨŋ ɨŋ kɨya ɗɔɔ oru a cay ƴaa di Sin̰o dɨŋ, Na oru gɨ kɨya dɔgɛ tɨban̰ ungo bɨ, Na garma gɨ kɨya lɔɔ gɨ ungo kɨya bɔɔ bɨ. Ama waŋ waŋ gɨ na bɨga kuduroyi, A cay oru gɨ nee gɨŋ le na, dasi kɨya dooy naŋ bɨrɨŋ.»

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

1 Korɛ̰t 3:13

Kumu kɨya andɨn̰ dan̰ gɨye-lɔɔ gɨ da kalaŋ pɨna pɨna cɨn̰ tɨwa dɨŋ. Wɔlɛ gɨ ni bon̰ kɔl kɨya lɔɔ gɨ ɗe kan na sɨla gɨye le, kɨya wa wɔlɛ gɨ nee le kɨya te hɨnga nɔm daa na dan̰ tɨwa bɨ, na tɨwa ba kɨya gɨwase gɨye gɨ da kalaŋ pɨna pɨna bɨ.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

Pilib 3:10

Ɨŋ wɨraŋde na ɗe gɨ aŋ na solɨn̰ Kɨris bɨ, dɔnɔ di da bɔyɛ lɨbe koyi bɨ. Ɨŋ wɨraŋde na ɗe gɨ aŋ na bugoŋ pɨna danayi boy cɨn̰-gɨle-cɨn̰ toyi dɨŋ bɨ, ɗe aŋ na gɨlɨn̰ hɨn̰ ban wo̰ boy tɨmaydi dɨŋ bɨ.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

1 Tesalonigɨ 2:16

Ni-gandi ni tee bɛrnɛ bɨn̰ kalaŋ ga toyge na Jubɨ naŋ ɗe na poɗɨn̰ge, ama Jubɨn̰əŋ ga nee le narnige coŋ. Hɨn̰ wo̰ na, kan kɨya dɨɗe kɨbɨ hada gɨ da ɨsɨna koge yɔd. Ama kagadi gɨŋ na, kuduroy-hɔmɛ di da Kumu ba cayge.

1 Tesalonigɨ 5:4

Ama kɨŋ-gandi karmɨnɨ ga ban̰aŋ dan̰ ga kandɨ, kɨŋ na boy dɨlɨm dɨŋ naŋ ɨni, ɗe wɔlɛ gɨ nee le andaŋ cayna dus hɨn̰ gɨ da ba-hase wo̰ naŋ.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 1:14

Gama gɨle hɨnga ga kuɗa ga gɨlɨn̰ge bɨ, been̰ge kobɨn̰ bɨ le ɗɔmɔmɔ, dan̰ gɨyəŋ gɨ da Turnɔ ɗe-kuduroy-bɛrɛ di woy kuduroynagɨŋ.

2 Timote 1:16

Kuɗa gɨ Ba-gulɔŋ sɨla cɨn̰-n̰age di da kalaŋ ga a duroy ƴaa di da Onesipɔr dɨŋ, kɨya wa ban dɔbɔŋ bandɨ kuduronɨ daa daa. Dasi dayi kɨya cay dangay tɨnge naŋ bɨ.

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 2:18

Haw kɛ na Jesu ɓal jɨbe te kan ga hɨnga gɨybɨge, kɨya wa ban kalɨn̰ ma hɨnga ga ni gɨybe naa gɨybii bɨ, ban sol cɨn̰-gɨle-cɨn̰ bɨ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

1 Pɨyɛr 4:16

Ama hɨn̰ gɨ ungo na sɨla cɨn̰-gɨle-cɨn̰ kɨya gɨ ban naa ungo gɨ ba-kɔbɛ Kɨris na, ɗɔɔ gɨ dasi doyi naŋ. Ama kuɗa gɨ ban hɨrama Kumu kɨya guson̰ ba-kɔbɛ Kɨris gɨ ba ye cayi le.

1 Pɨyɛr 4:19

Naa hɨn̰ wo̰ na, kan ga solge cɨn̰-gɨle-cɨn̰ kɨya ɨre gɨ kan ɨre kardi kuduroy-geye gɨ da Kumu le, kuɗa gɨ kan ɨr kɨɗɨn̰ lɔɔ ɗarwa dɨŋ dan̰ tumoyge bɨ, ayage kuduroyge gɨ cɨndi bɨn̰ Kumu gɨ ba ɗɔɔ hɨnga nɔm bɨ, ba-lɔɔ te tumoyi di ban ay bɨ le.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.