2 Timote 1:10 - Gabri Maja

¹⁰ A boy tɨwa di na ba somɨn̰gɨŋ nee haw kɛ le, ban gɨl ɗarwa toyi dan̰ caga gɨ da ungo gɨ ba-poɗɨnagɨŋ. Ban na Jesu-Kɨris. Jesu mondɨ dɔnɔ da tɨma coŋ dan̰ gɨyəŋ gɨ da Kɔl-gɨ-Ɗari. Ban haŋgɨ cay sɔmɛ-bɨra gɨ kɨya mundoŋ naŋ.

2 Timote 1:10 ပူးပေါင်းရင်းမြစ်များ

Kɔl-gɨ-Ɗari gɨ Lug wal 11:36

Hɨn̰ gɨ kuyoŋdi-gusɨn̰ nɔm na sɨma duroy asɨn̰a gɨŋ bɨ, kɨway gusɨn̰ pɨna kalɨn̰ ma, na sɨma duroy dɨlɨm dɨŋ naŋ bɨ na, kuyoŋdi-gusɨn̰ nɔm kɨya wɔyɛ duroy asɨn̰a dɨŋ, hɨn̰ lamba di asɨn̰ wo̰.»

Kɔl-gɨ-Ɗari gɨ Lug wal 13:7

Ɨni na, ban yen̰ dan̰ ba-ame yagedi suru le ye hɨn̰: “Sɨla! Labɨde ɓal ɨlge sɨbɨ gɨ ɨŋ ɨre gudɨrga mal wɔɔdi tuguyoŋ le, ama ɨŋ wa wɔɔdo pɨna nɛŋ naŋ bɨrɨŋ. Sɨroo dɨboo coŋ! Kɨya wa ma maŋ kɨya ɗɔɔ ƴɔɔ kɨɗɨn̰ kalɨn̰ wo̰ dugo ga?”

Kɔl-gɨ-Ɗari gɨ Lug wal 2:11

Labɨde kan wɔɔge Ba-pɔɗɛ kalaŋ a cay ƴaa di da Dabid, ban na Kɨris ban gɨ Kumu dorii le bɨ, ban na Ba-gulɔŋ nee bɨ.

Kɔl-gɨ-Ɗari gɨ Ja̰ wal 1:9

Kɔl le, na kɨɗɨn̰ asɨn̰e gɨ cɨndi. Ban ɨrga a cay gɨsəŋ gaŋ, lee gɨ kɨɗɨn̰ asɨn̰ cay kalaŋ nɔm.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 4:42

Bɨ kan yen̰ge tama le hɨn̰: «Haw kɛ na, ni-gandi ni bee kuduroyni cayi na kɨya cay kɔl kɛɛ gɨ me ye ƴɔbɨ naŋ. Ama na kɨya gɨ ni-gandi gusɨni, ni je kɔl koyi dan̰ sɨmayni bɨ, ni sol leen̰ cɨndi gɨ ban na ba-pɔɗɛ-kalaŋ nɔm ga cay gɨsəŋ gaŋ bɨ.»

Kɔl-gɨ-Ɗari gɨ Ja̰ wal 5:40

Ama kɨŋ kan̰ ɨrga gusɨnɨ ɗe gɨ agɨŋ na wan̰ sɔmɛ-bɨra gɨ dan̰ cɨndɨgɨŋ gɨ cɨndi coŋ.

Gɨye-lɔɔ 13:23

«Kumu andɨn̰ dan̰ ba-pɔɗɛ a te wɨn̰je gɨ da Ɨsɨrayɛl na a te wɨn̰je gɨ da Dabid gɨŋ hɨn̰ gɨ ban ba ye gɨ ɗi na kɨya lɔɔ bɨge le, ban na Jesu.

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 3:31

Naa hɨn̰ wo̰ na, kɛ dan̰ gɨyəŋ gɨ da aye kudurɔ le ni bɨle gasɨn̰-kɔl gɨ da Moyis leen̰ hɨnga ga kalɨn̰ wo̰ dugo ga? Cə, na hɨn̰ wo̰ naŋ bɨrɨŋ. Na nee dɨm ma, mani boo tɔgɔɔ cay mɨgaa ƴee.

Magtubu di Pol wal bɨn̰ kalaŋ ga Rɔm 6:6

Na sol gɨ haldɨna gɨ ɨlgi le ma dan̰ Kɨris pɨna a cay sɨya-gɨ-dagɨli gɨŋ ɨni, ɗe hal gɨ da ɨsɨna gɨ nee le mundoŋ coŋ, ɗe ana na won̰ gɔyɔŋ ga da ɨsɨna coŋ naŋ ɨni.

1 Korɛ̰t 15:26

Ba-baa gɨ karu gɛs gɨ kan kɨya mondii coŋ le, na tɨma.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

2 Korɛ̰t 5:4

Na cɨndi kɨɗɨn̰ ga na ba som a te dabaŋdɨna gɨ a cay gɨsəŋ gaŋ kɛ ƴee le, na dor ule na kɨya gɨ na woy na duroy hɨnga ga nɨn̰wadɨge ɗɨn̰ togɨynagɨŋ gaŋ. Ho’o, na mala na gɨ ɗe kuyoŋdi-gusɨna gɨ a cay gɨsəŋ gaŋ kɛ na unɔ naŋ. Ama na orɨn̰ na dan̰ n̰agedi dɔbɛ kuyoŋdi-gusɨna gɨ a gɨɗɨgɨ-Kumu gɨŋ, ɗe hɨnga ga ba kɨya mare coŋ le, sɔmɛ-bɨra gɨ dan̰ tumoyi na ƴa cayge sɨmbaɗ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

Epɛs 1:18

Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge,

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

2 Tesalonigɨ 2:8

Na wɔlɛdi gɨ nee le ma, Ba-Kuduroy-Ɨndɨwa le kɨya gɨle gusi bɨ, Ba-gulɔŋ Jesu kɨya dɨɗii dan̰ habe gɨ kɨya andaŋ kɨbi bɨ, dan̰ dɔnɔ di da cagadi bɨ.

2 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris gɨ dan̰ gɨyəŋ da kuduroy geye gɨ da Kumu. Beege gɨye gɨ ni tɔgɛ bɛrnɛ gɨ ojɨ cay sɔmɛ-bɨra gɨ dan̰ cɨndi gɨ Kumu ye gɨ ɗi na kɨya bɨni le kɔbɔŋ. Ni way sɔmɛ-bɨra gɨ cɨndi gɨ nee le, na kɨya cay bugoŋ pɨna dan̰ Jesu-Kɨris.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Titɨ 3:4

Ama kɨɗɨn̰ ga ɗarwa di da Kumu ba-poɗɨnagɨŋ bɨ, geye koyi gɨ ojɨn̰ cay kalaŋ bɨ gɨl gusi doŋ ɨni na,

Əbɨro 10:32

Kuɗa gɨ kuduroygɨŋ hɨn a cay hɨnga ga ləgɨŋ cay wase le. Kɨɗɨn̰ ga kɔl gɨ cɨndi gɨ da Kumu ba haŋgɨ cɨndɨgɨŋ le, a boy wɔlɛdi gɨ nee gɨŋ le, kɨŋ way tabɨ kondɨ kardi nee. Ama kɨŋ ɨre osu kɨbɨ kɨmbɨl gɨŋ le.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Pɨyɛr 1:11

Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.

2 Pɨyɛr 1:3

Na cɨndi, Kumu bɨnagɨŋ hɨnga nɔm ga na or n̰agedɨge na kol dɔnɔ toyi, ɗe ana na somɨn̰gɨŋ-bɨra bɨ, leen̰gɨŋ gɨye lɔɔ gɨ bugoŋ pɨna dan̰ Kumu bɨ. Ban Kumu lee gɨ na solgɨŋ gɨ ban teenagɨŋ na dan̰ gɨyəŋ gɨ da gusoŋ-tɔgɛ koyi bɨ, na dan̰ gɨyəŋ gɨ da tɔgɨ toyi bɨ.

2 Pɨyɛr 2:20

Kan ga solge Jesu-Kɨris gɨ na Ba-gulondɨna bɨ ba-pɔɗɨna bɨ le, ɗege hɨnga ga mɨdagi ga a cay gɨsəŋ gaŋ coŋ. Ama hɨn̰ gɨ kan na jɨga ɗa gusɨge bɨn̰ hɨnga ga mɨdagi ga nongɨrdɨge ɗaŋ bɨ, dii cayge ɗaŋ coŋ bɨ na, sɔmɛdɨge gɨ kagadi gɨŋ le, kɨya ɨsɨna tɔgɨ ɗɨn̰ gɨ tumɔ ƴee.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

2 Pɨyɛr 3:2

Ɨrɨmgɨŋ a cay kɔl gɨ ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge yege tumɔ le bɨ, cay te tumɔ da Ba-gulɔŋ bɨ Ba-pɔɗɛ kalaŋ bɨ ga ka-gɨre-gɨye kagɨŋ gɨlgɨŋge le bɨ.

1 Ja̰ 1:2

Ban gɨ na sɔmɛ-bɨra le, gɨl gusi lee gɨ ni solii dan̰ cɨndɨni bɨ, ni lee tɨmon̰ toyi bɨ. Na toy di hɨn̰ wo̰ ma, ni tee bɛrnɛ di da sɔmɛ-bɨra gɨ dan̰ tumoy gɨ tumɔ som na gusi Bayi pa dɨm ma gɨl gusi bɨni ƴee le, bɨgɨŋ.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

Wasɨn̰a 18:1

Kardi nee na, ɨŋ sol ba-ƴɔbɛ gɨ daa nii gɨ ɗaŋ sayga gɨɗɨgɨ-Kumu gɨŋ gɨsɨngɨ dugo. Togii kondɨ bɨ asɨn̰adi lee gɨ kɨɗɨn̰ asɨn̰ a cay gɨsəŋ gaŋ bɨ.

Wasɨn̰a 2:7

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu ba yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii wɔɔdi hɨya gɨ ungo na da na kɨya sɔmɛ-bɨra. Hɨya gɨ nee le woy na a Paradɨs di da Kumu dɨŋ.»

Wasɨn̰a 20:14

Ɨni na, ƴomge tɨma bɨ, dɔɔ-ƴaa da tɨma bɨ, beegege duroy kuraydi tɨwa dɨŋ. Kuraydi tɨwa le na tɨma di cay sɔɔ le.

Wasɨn̰a 22:14

Tumoy wolwa kɨya wɔyɛ kol cay kalaŋ ga pɨlge badɨge kage ga sɨngɨɗɨdəŋ. Kɨya wa badɨge kage na arɨn̰a na, kan kɨya wɔɔ gɨyəŋ gɨ ni andɨn̰ duroy cay ƴaa-di-gumu dɨŋ bɨ, dɨn̰ge wɔɔdi hɨya gɨ ungo na daa na kɨya somɨn̰-bɨra bɨ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.