2 Pɨyɛr 3:9 - Gabri Maja

⁹ Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.

2 Pɨyɛr 3:9 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 13:11

Kɨŋ sol tɨwa di na ba somɨn̰gɨŋ nee nɔm: Na tɨwa di kɨŋ kɨya son̰ te kuŋ gaŋ ɨni. Kɨya wa haw kɛ na, pɔɗɛ mɨnde danana ɗɨn̰ wɔlɛ gɨ na ba an̰ kuduroyna bɨn̰ Jesu.

Magtubu di Pol wal bɨn̰ kalaŋ ga Rɔm 13:12

Son̰do baa mɨnde gɨ kɨya ayaŋ lee gɨ kɨɗɨn̰ ga woli baa mɨnde. Hɨn̰ wo̰ na, tɨragɨŋ gɨye-lɔɔ gɨ da dɨlɨm gusɨgɨŋ coŋ bɨ tɨban̰gɨŋ hɨnga ga ni wɔrɨn̰ɛ ga da asɨn̰a gusɨgɨŋ.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

Magtubu di Pol wal bɨn̰ kalaŋ ga Rɔm 9:22

Hɨn̰ gɨ Kumu na gey lɔɔ naa hɨn̰ gɨ da ba gaɗe ɨmbɨlɨn̰ wo̰ na, kɛ ji-bandi na dolɨn̰ na wa nee ga? Ban gey gɨ kalaŋ na sɨla kuduroy-hɔmɛ toyi bɨ, dɔnɔ toyi bɨ. Ama haw kɛ na, ban ƴom kuduroyi dɨbɨn̰ ɗugoyi gɨɗaŋ, a cay kan ga kuduroyi ba homii cayge ga gamge na mundoŋ le.

1 Timote 1:16

Ama Kumu sol cɨn̰-n̰age hɨnge. Na toy di hɨn̰ wo̰ ma, Jesu-Kɨris gɨlɨn̰ ɗarwa toyi jɨn̰ doŋ, kɨya canɨ ɨŋ-bandi gɨ ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm. Kɨris lee wo̰ na kɨya ɗon̰ hɨnga ga ni gɨle kɨya cay kan ga kɨya bɔgɛ kuduroyge cayi gɨ ni wan̰ sɔmɛ-bɨra gɨ dan̰ cɨndi.

1 Timote 2:4

Ban gey gɨ kalaŋ nɔm na pɨɗage bɨ, ɨran̰ge bɨrɨŋ sɨlan̰ge kɔl gɨ cɨndi kuɗa bɨ.

Əbɨro 10:37

Kɨya wa Magtubu di da Kumu ye hɨn̰: «Baa tɨwa lam wo̰ ƴee, baa lam wo̰ ƴɔbɨ na, Ban gɨ ojɨ gɨ kɨya ɨrga le, kɨya caga. Ban kɨya aye cayi naŋ.

1 Pɨyɛr 3:20

Duroy na ojɨ na cay turnoy kalaŋ ga tumɔ ka-baa ga da Kumu, kɨɗɨn̰ ga Kumu dɨbɨn̰ ɗugoy ƴee boy wɔlɛ gɨ Nɨwe gaɗɨn̰ koburo gɨ gumu taa taa hɨn̰ ƴaa wo̰ le. Na kalaŋ lagɨɗe wo̰, lee gɨ nɔm toge dɨŋ na kalaŋ margɨm ƴɔbɨ, ba andaŋge boy koburo gɨ gumu taa taa gɨŋ le, poɗɨn̰ge kɨbɨ kaŋ ga kondi.

2 Pɨyɛr 1:4

Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.

2 Pɨyɛr 3:15

Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.

Wasɨn̰a 2:21

Ɨŋ ɗe tɨwa boo ɗe na bɨlɨn̰ haldo. Ama hɨndi gey bɨle haldo ojɨn̰ cay yɔyɛ gɨ dan̰ gangɨ ca le naŋ.