2 Pɨyɛr 3:7 - Gabri Maja

⁷ Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.

2 Pɨyɛr 3:7 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Matɨyo 11:22

Na ban ma, aŋ yəgɨŋ daa waŋ: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay ƴaa di Tir dan̰ Sido̰ coŋ.

Matɨyo 11:24

Na ban ma, aŋ yəgɨŋ daa waŋ: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cɛɛ me-hɨndi Kapɛrnɔm le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay ƴaa di Sɔdɔm coŋ.»

Matɨyo 12:36

Ɗe aŋ yəgɨŋ: Wɔlɛ gɨ Kumu kɨya bɔyɛ kɔl le, waŋ waŋ kalɨn̰ ma, kɨya dɔrɛ te kɔl nɔm gɨ wɨyan̰ gɨ ni yɔ naŋ gɨ ban ye tumoy Kumu.

Matɨyo 24:35

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Marg 6:11

Ma hɨn̰ boy kɨɗɨn̰ ga pɨna kalaŋ na ƴɨmagɨŋge gusɨge naŋ bɨ, jage kɔl kogɨŋ naŋ bɨ na, kɨŋ andaŋ a kɨɗɨn̰ ga nee gaŋ le coŋ bɨ, ɗagɨdagɨŋ bundu di cay tɨbayigɨŋ dɨŋ ɗɨga ɗɨga dɨran̰ naji togɨŋ bɨgagɨŋ cayge ɗe gɨl gɨ kan na lee ɨsɨna tumoy Kumu.

Kɔl-gɨ-Ɗari gɨ Ja̰ wal 12:48

Ungo gɨ na kan̰aŋ bɨ, gey kɔl hɨnge naŋ bɨ le, ban way ba bɔyɛ kɔl cayi ɨni: Kɔl gɨ ɨŋ ba ye le, kɨya bɔyɛ kɔl cayi, a wɔlɛ kagadi gɨŋ.

Magtubu di Pol wal bɨn̰ kalaŋ ga Rɔm 2:5

Ama dan̰ gɨyəŋ gɨ da kuduroy-osɨwa ton̰ bɨ, mɨye-daa ton̰ bɨ le, ji hogɨ kuduroy-hɔmɛ da Kumu bee can̰ gamɨn̰ wɔlɛ bɔyɛ kɔl. Wɔlɛdi gɨ nee le Kumu kɨya bɔyɛ kɔl cay kalaŋ dan̰ gɨyəŋdi doŋ waŋ.

1 Korɛ̰t 3:13

Kumu kɨya andɨn̰ dan̰ gɨye-lɔɔ gɨ da kalaŋ pɨna pɨna cɨn̰ tɨwa dɨŋ. Wɔlɛ gɨ ni bon̰ kɔl kɨya lɔɔ gɨ ɗe kan na sɨla gɨye le, kɨya wa wɔlɛ gɨ nee le kɨya te hɨnga nɔm daa na dan̰ tɨwa bɨ, na tɨwa ba kɨya gɨwase gɨye gɨ da kalaŋ pɨna pɨna bɨ.

Pilib 1:28

Kɨŋ ɗɔɔ hundɔrɔ loogɨŋ kol cay gɨye-lɔɔ gɨ da kalaŋ ga ka-wɔrɨn̰ɛ danagɨŋ le naŋ. Gɨ nee le, kɨya bɨle wɔyɛ na hɨnga ga ni gɨle ga kan na woy naa a te gɨyəŋ gɨ ni mundoŋ gɨŋ bɨ, kɨŋ na woy naa a te gɨyəŋ gɨ ni pɔɗɛ gɨŋ bɨ. Ungo gɨ ba poɗɨgɨŋ na Kumu.

2 Tesalonigɨ 2:3

Ɗɔɔ gɨ ungo dan̰ jɨba toy nare cɨndɨgɨŋ naŋ pa pa. Kɨya wa tumɔ pa dɨm ma ɗe wɔlɛ gɨ da Ba-gulɔŋ na bugoŋ na, naa wa wa kalɨn̰ ma, kalaŋ kɨya jɨbe kɔl gɨ da Kumu sɛdɨ coŋ pa dɨm ma kardi nee, Ba-Kuduroy-Ɨndɨwa gɨ ba kɨya mundoŋ yɔd coŋ le, kɨya gɨle gusi doŋ ƴee.

1 Timote 6:9

Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

Əbɨro 12:29

Kɨya wa Kumu kona na tɨwa di pam kɨɗɨn̰.

2 Pɨyɛr 2:9

Hɨn̰ gɨ na wɨya hɨn̰ wo̰ na, ni sol gɨ Ba-gulɔŋ ɓal dɔrɛ kalaŋ ka-lɔɔ hɨnga ga dan̰ durɔ ɗɨngar kɨbɨ hɨnga ga ni gɨybe gaŋ bɨ, ɓal game kalaŋ ga ka-lɔɔ hɨnga ga dan̰ durɔ ɗɨngar naŋ kɨya lɔɔge hɨnga ga homi a wɔlɛ gɨ ni bon̰ kɔl gɨŋ bɨ.

2 Pɨyɛr 3:10

Wɔlɛ gɨ da Ba-gulɔŋ le, kɨya ɨrga na hɨn̰ gɨ da ba-hase wo̰. Wɔlɛdi gɨ nee le, gɨɗɨgɨ-Kumu dan̰ noy hɨnga ga pɨna wo̰ ga ye lee hundɔrɔ tɔgɨ kɨya kaɗɨn̰a bɛɗ. Hɨnga ga Kumu ɗege ga tɨwa woy boy nee le, kɨya mundoŋge coŋ bɨ, cay gɨsəŋ dan̰ hɨnga nɔm ga boy nee, kɨya unɔge coŋ bɨ.

2 Pɨyɛr 3:12

Gamagɨŋ bɨ, sɨbɨrgɨŋ wɔlɛ caga gɨ da Kumu bɨ. Wɔlɛdi gɨ nee le, kan kɨya mɔndɛ gɨɗɨgɨ-Kumu na dan̰ tɨwa bɨ, hɨnga ga Kumu ɗege ga tɨwa di daa woy boy nee le, kɨya mundoŋge coŋ bɨ.

1 Ja̰ 4:17

Na hɨn̰ wo̰ ma, a wɔlɛ gɨ ni bon̰ kɔl gɨŋ le, na kɨya hundɔrɔgɨŋ naŋ. Kɨya wa geye gɨ da Kumu duroŋ dan̰ durɔ cɨrɛɗ gusɨnagɨŋ bɨ, na orgɨŋ a cay gɨsəŋ gaŋ kɛ, gɨlɨn̰ na hɨn̰ gɨ da Jesu-Kɨris wo̰ bɨ.

Magtubu di Jud wal 1:7

Kuɗa gɨ kuduroygɨŋ hɨn a cay gɨsəŋ ga Sɔdɔm bɨ Gɔmɔr bɨ, cay ƴaan̰əŋ ga gɨmdəŋ ga bongi nee bɨ. Kalaŋ ga boy nee leege hɨnga ga ɨsɨni hɨn̰ ga da ka-ƴɔbɛ ga daa nii ga nee le bɨ. Kan dɨbɨge gusɨge coŋ boy ajɨba dɨŋ, lee gɨ ban̰aŋ won̰ge dan̰ kamdɨge ban̰aŋ kɨya cay gusi-mɔwa toge. Kan wayge hɨnga ga ni gɨle-cɨn̰ kɨya cay ɨsɨna koge. Hɨnga ga ni gɨle-cɨn̰ kage le, na tɨwa di ba kɨya ƴɔɔ dan̰ tumɔɔ bɨ, hɨnga ga leege le bɨləŋ na sɨman̰ kɔl kɨya cay kalaŋ nɔm bɨ.

Wasɨn̰a 17:11

Kɨmana gɨ a boy wɔlɛ gɨ tumɔ gɨŋ woy nee ma haw kɛ unɔ le, bugoŋ pɨna dan̰ kɛrɨmbɛlɛŋ ga jurgum le, ban kɨya dɔɔ-ƴaa hɨn̰ kɨlma gɨ cay margɨmdɨge wo̰. Ama Kumu ojɨ gɨ ban na gɨ ɔrɛ naa kɨɗɨn̰ ga ni mundoŋ gaŋ.

Wasɨn̰a 17:8

Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.

Wasɨn̰a 20:11

Kardi nee, ɨŋ sol kali-tɨrɨmbala di gumu di bɛrɛ bɨ, ungo gɨ ba sɔmɛ cay nee bɨ. Cay gɨsəŋ bɨ gɨɗɨgɨ-Kumu bɨ gɨrege muɗɔg tumoyi coŋ bɨ, ungo waa cay tɨbayge naŋ.

Wasɨn̰a 21:1

Kardi nee, ɨŋ sol gɨɗɨgɨ-Kumu dan̰ cay gɨsəŋ ga hɨrɨwa. Gɨɗɨgɨ-Kumu dan̰ cay gɨsəŋ ga tumɔ kaɗɨn̰ge coŋ bɨ, kuray gɨ gumu taa taa unɔ coŋ bɨ.