2 Pɨyɛr 3:3 - Gabri Maja

³ Hɨnga ga ojɨ gɨ kɨŋ kɨya sɔlɛ cay wase ba kɛ: A kagadi wɔlɛ gɨŋ na, kalaŋ ka-lɔɔ hɨnga ga tabɨlaŋdɨge woy kuduroyge kɨya andaŋge. Kan kɨya asɨgɨŋge,

2 Pɨyɛr 3:3 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 12:48

Ungo gɨ na kan̰aŋ bɨ, gey kɔl hɨnge naŋ bɨ le, ban way ba bɔyɛ kɔl cayi ɨni: Kɔl gɨ ɨŋ ba ye le, kɨya bɔyɛ kɔl cayi, a wɔlɛ kagadi gɨŋ.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

2 Timote 3:1

Hɨnga ga ojɨ gɨ ji gɨ sɔlɛ kuɗa ba kɛ: Boy wɔlɛ gɨ te kɨɗɨn̰ kɨya ayaŋ na, hɨnga nɔm ga osɨdəŋ kɨya lɔɔ gusɨge.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

2 Pɨyɛr 1:20

Tumɔ pa dɨm na, ojɨ gɨ kɨŋ sɨla hɨnga ga ba kɛ kuɗa: Kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ ma walge duroy Magtubu toyi dɨŋ le, ungo gɨ ba ɓale dɔrɛ duroyi dan̰ cay gusi koyi unɔ.

2 Pɨyɛr 2:10

Naa wo̰ na leen̰ cɨndi, kalaŋ ga ka-kɔbɛ tabɨlaŋdi hɨnga ga mɨdagi ga leege bɨ, ka hagɨre dɔnɔ di da Ba-gulɔŋ bɨ le, ban kɨya lɔɔge hɨnga ga homi. Ka-gɨlɨn̰ kalaŋ hɨnga ga cɨndi naŋ ga nee le, kan na kalaŋ ga hɨndarage hɨnga naŋ bɨ, ka-dɔrɛ n̰ərə bɨ. Ka-ƴɔbɛ ga daa nii ga ojɨ gɨ ni dɨbe gusoŋ-tɔgɛ cayge le kalɨn̰ ma, kan hɨndarage kardɨge naŋ, ama yagɨdɨgege.

1 Ja̰ 2:18

Ay, karɨnɨ, na somgɨŋ na a wɔlɛ kagadi gɨŋ ɨni. Tumɔ, kɨŋ je gɨ ba-baa gɨ da Kɨris na kɨya caga. Ama haw kɛ na, ka-baa ga da Kɨris kondɨge ɨrgage bugoŋ ɨni. Dan̰ gɨyəŋ gɨ nee le na, na solgɨŋ gɨ na somgɨŋ na wɔlɛ kagadi gɨŋ ɨni.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Magtubu di Jud wal 1:18

Kan yegɨŋge hɨn̰: «A kagadi wɔlɛ gɨŋ le, kalaŋ ga kɨya sɔgɛge Kumu kɨya sɔge bɨ, lɔɔge hɨnga ga kuduroyge gey ƴɔbɨ, na hɨnga ga jɨbɨ Kumu sɛdɨ coŋ.»