2 Pɨyɛr 3:2 - Gabri Maja

² Ɨrɨmgɨŋ a cay kɔl gɨ ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge yege tumɔ le bɨ, cay te tumɔ da Ba-gulɔŋ bɨ Ba-pɔɗɛ kalaŋ bɨ ga ka-gɨre-gɨye kagɨŋ gɨlgɨŋge le bɨ.

2 Pɨyɛr 3:2 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:70

Na hɨnga ga nee le ma, Ban naa ye koldɨge jɨne hayi ni ba je le. Ban ɗe kɔl le na kɨbɨ ka-yɔɔ-kɔl-gɨ-Kumu-ba-yɔɔ Ga na kalaŋ kayi ga woyge dan̰ cɨndɨge.

Kɔl-gɨ-Ɗari gɨ Lug wal 24:27

Ɨni na, Jesu dor te kɔl gɨ ojɨ cayi, gɨ kan walge duroy Magtubu di da Kumu dɨŋ. Ban ay toy a cay magtubu da Moyis dɨŋ bɨrɨŋ, andɨn̰ duroy Magtubu di da ka-yɔɔ-kɔl-gɨ-Kumu-ba-yɔɔ nɔm.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 3:18

Kumu ye tumɔ dan̰ noy ka-yɔɔ-kɔl-gɨ-Kumu-ba-yɔɔ nɔm, gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰. Na hɨnga ga nee le ma ban lee ɗe or kɨɗɨn̰dɨge gaŋ.

Gɨye-lɔɔ 3:21

Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

Galad 6:2

Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

Epɛs 3:5

Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi.

1 Timote 6:14

Ji bɨga kɔl cay te tumɔ da Kumu, ɗe gɨ an̰ somɨn̰ dɨle hɨnga pɨna ga ɨsɨni ɨsɨbɨn̰ naŋ bɨ, dɨle kɔl pɨna ƴɔmɛ can̰ naŋ bɨ, bɨrɨŋ gɨsɨn̰ wɔlɛ gɨ Ba-gulondɨna Jesu-Kɨris kɨya cagan̰.

2 Pɨyɛr 2:21

Hɨn̰ gɨ tumɔ kan ni na sɨla gɨyəŋ gɨ ni lɔɔ hɨnga ga dan̰ durɔ ɗɨngar naŋ na, golgo ɗɨn̰ gɨ kan sol pa dɨm ma bɨlɨn̰ge kardɨge bɨn̰ te tumɔ da Kumu di kan bɨge le.

2 Pɨyɛr 3:15

Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.

2 Pɨyɛr 3:16

Ban ye kɔl gɨ nee le, duroy magtubu toyi dɨŋ nɔm. Kɔl gɨ woy duroy magtubu toyi dɨŋ le, tɔgɛ bɛrnɛdi hɨmbaɗa naŋ. Kalaŋ ga pɨna ga tɨrabage hɨnga naŋ bɨ, ga aye kudurɔ koge usa naŋ bɨ, bɨlege kɔl koyi hɨn̰ gɨ kan ba bɨlɨn̰ge kɔl gɨ woy duroy Magtubu di da Kumu di ɗaŋ wo̰. Na hɨn̰ wo̰ ma, kan mondɨn̰ge gusɨge koge gaŋ.

1 Ja̰ 4:6

Na-gandi na, nana ga da Kumu. Waŋ waŋ gɨ na sɨla Kumu na, kɨya jɔɔ kɔl kɨbɨnagɨŋ. Ama waŋ waŋ gɨ naa gɨ da Kumu naŋ na, kɨya jɔɔ kɔl kɨbɨnagɨŋ naŋ. Na dan̰ gɨyəŋ gɨ nee le ma mana kɨya solɨn̰gɨŋ turnɔ di da kɔl gɨ cɨndi bɨ, turnɔ di da kɔl gɨ ni poy bɨ.

Magtubu di Jud wal 1:17

Ay karmɨnɨ ga ɨŋ lee-toygɨŋ, hɨngɨŋ a cay kɔl gɨ ka-gɨre-gɨye ga da ba-gulondɨna Jesu-Kɨris yege tumɔ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»