2 Pɨyɛr 3:15 - Gabri Maja

¹⁵ Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.

2 Pɨyɛr 3:15 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Gɨye-lɔɔ 15:25

Na toy di hɨn̰ wo̰ ma, mani bee noyni pɨna, torɨn̰ kalaŋ kɨya gɨyge gusɨgɨŋ. Kan kɨya bɔgɛ Barnabas dan̰ Pol ga na ka-pogɨn̰ini ga ni ɗege jam cɨndɨni gaŋ.

Gɨye-lɔɔ 7:10

Hɨnga ga ni dɔsɛ-ɗɔgɔ nɔm ga Jɨsɛb ba way le duroŋ cayi coŋ. Kumu bɨn̰ Jɨsɛb cɨn̰ muɗɔlɛ bɨ, lee gɨ ban ƴee cɨn̰ Parawo̰ kɨlma gɨ Ejɨpt bɨ. Lee gɨ ban ayi sii ba-dɔɔ cay gɨsəŋ ga Ejɨpt bɨ, ba-cay hɨnga nɔm ga woy a boy duroy saba tɨrɨmbala toyi dɨŋ bɨ.

Gɨye-lɔɔ 9:17

Ananɨyas andaŋ or ƴen̰ or dɨbe kobi cayi bɨ yey hɨn̰: «Kurnɨ Sol, Ba-gulɔŋ Jesu gɨ andaŋ can̰ a te gɨyəŋ gɨŋ gɨ ji ba ɨrgan̰ le, ban ba gɨyigəŋ ɗe gɨ cɨndɨn̰ na jɨga sɨla kɨɗɨn̰ bɨ, ɗe Turnɔ ɗe-kuduroy-bɛrɛ na ƴa kuduron̰ pɨl pɨl bɨ.»

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 2:13

Ni-gandi ni ye koldi ɗarwa di nee le bɨn̰ kalaŋ. Ama ni ya koldɨge na dan̰ kɔl cɨn̰-muɗɔlɛ gɨ ungo ba gɨlni naŋ, ni ye na dan̰ kɔl gɨ Turnɔ ba gɨlni. Na toy di hɨn̰ wo̰ ma, ni dor te hɨnga ga da Turnɔ bɨn̰ kan ga Turnɔ di da Kumu woy kuduroyge.

1 Korɛ̰t 3:10

Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

Epɛs 3:3

Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ.

1 Timote 1:16

Ama Kumu sol cɨn̰-n̰age hɨnge. Na toy di hɨn̰ wo̰ ma, Jesu-Kɨris gɨlɨn̰ ɗarwa toyi jɨn̰ doŋ, kɨya canɨ ɨŋ-bandi gɨ ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm. Kɨris lee wo̰ na kɨya ɗon̰ hɨnga ga ni gɨle kɨya cay kan ga kɨya bɔgɛ kuduroyge cayi gɨ ni wan̰ sɔmɛ-bɨra gɨ dan̰ cɨndi.

Magtubu di Jag wal 1:5

Hɨn̰ gɨ ungo pɨna duroygɨŋ cɨn̰-muɗɔlɛ na wɨyi na, kuɗa gɨ ban ɨngɨrɨn̰ Kumu, ban kɨya bii. Kɨya wa ban na ba bɨn̰ kalaŋ nɔm hɨnga, dan̰ kuduroy ga pɨna dɨle son̰ danage.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Pɨyɛr 3:20

Duroy na ojɨ na cay turnoy kalaŋ ga tumɔ ka-baa ga da Kumu, kɨɗɨn̰ ga Kumu dɨbɨn̰ ɗugoy ƴee boy wɔlɛ gɨ Nɨwe gaɗɨn̰ koburo gɨ gumu taa taa hɨn̰ ƴaa wo̰ le. Na kalaŋ lagɨɗe wo̰, lee gɨ nɔm toge dɨŋ na kalaŋ margɨm ƴɔbɨ, ba andaŋge boy koburo gɨ gumu taa taa gɨŋ le, poɗɨn̰ge kɨbɨ kaŋ ga kondi.

2 Pɨyɛr 3:2

Ɨrɨmgɨŋ a cay kɔl gɨ ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge yege tumɔ le bɨ, cay te tumɔ da Ba-gulɔŋ bɨ Ba-pɔɗɛ kalaŋ bɨ ga ka-gɨre-gɨye kagɨŋ gɨlgɨŋge le bɨ.

2 Pɨyɛr 3:9

Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.