2 Pɨyɛr 3:14 - Gabri Maja

¹⁴ Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

2 Pɨyɛr 3:14 ပူးပေါင်းရင်းမြစ်များ

Matɨyo 24:26

«Hɨn̰ gɨ kan na yagɨŋge hɨn̰: “Sɨlagɨŋ ban gɨ Kumu dorii le, na caga ɨre duroy daldɨŋ” na, ɔrɛgɨŋ nee naŋ. Naŋ le kan na yagɨŋge hɨn̰: “Sɨlagɨŋ ban na caga wosɨ gusi ƴen̰” nee na, bɔgɛgɨŋ kuduroygɨŋ cay kɔl koge gɨŋ le naŋ.

Matɨyo 25:7

Ɨni na, kambɨle ga cɨl le nɔm kɨbɨge sayge te kuŋ gaŋ bɨ, ƴomɨn̰ge cay tɨbay lamban̰əŋ kage.

Kɔl-gɨ-Ɗari gɨ Lug wal 12:43

Kɨɗɨn̰ ga ba-ƴaadi na jɨge tayi ma na wa guyɔŋ koyi a kɨbɨ gɨye gɨŋ na, tumoy wolwa kɨya wɔyɛ kol cayi!

Kɔl-gɨ-Ɗari gɨ Lug wal 2:29

«Kumu hɨnge, kɔl gɨ ji ba ye le ɓal kɨrbɨ ɨni. Ɗa guyɔŋ kon̰ ɗe ma dan̰ gusi-dɔbɛ.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

Pilib 1:10

ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

Pilib 3:20

Ama na-gandi na, na na kalaŋ ga cay ƴaadɨna na a gɨɗɨgɨ-Kumu gɨŋ. Gɨɗɨgɨ-Kumu na kɨɗɨn̰ ga ba-pɔɗɛ kalaŋ Ba-gulondɨna Jesu-Kɨris gɨ na ba som gamii le, kɨya sayga nee ɨrga a cay gɨsəŋ gaŋ.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

1 Timote 6:14

Ji bɨga kɔl cay te tumɔ da Kumu, ɗe gɨ an̰ somɨn̰ dɨle hɨnga pɨna ga ɨsɨni ɨsɨbɨn̰ naŋ bɨ, dɨle kɔl pɨna ƴɔmɛ can̰ naŋ bɨ, bɨrɨŋ gɨsɨn̰ wɔlɛ gɨ Ba-gulondɨna Jesu-Kɨris kɨya cagan̰.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

2 Pɨyɛr 3:1

Karmɨnɨ ga ɨŋ lee-toygɨŋ, magtubu di woy kɛ le na di ni cay sɔɔdo di ɨŋ wal gɨyɨn̰ bɨgɨŋ. Bɨ duroy magtubu nɔm ga nee le sɔɔɗɨmɔŋ na, ɨŋ mal na lɨbe ɨrɨme gɨ dan̰ durɔ ɗɨngar gɨ woy kuduroygɨŋ le, ɗe agɨŋ hɨnɨn̰ cay hɨnga ga ni gɨle le.

2 Pɨyɛr 3:16

Ban ye kɔl gɨ nee le, duroy magtubu toyi dɨŋ nɔm. Kɔl gɨ woy duroy magtubu toyi dɨŋ le, tɔgɛ bɛrnɛdi hɨmbaɗa naŋ. Kalaŋ ga pɨna ga tɨrabage hɨnga naŋ bɨ, ga aye kudurɔ koge usa naŋ bɨ, bɨlege kɔl koyi hɨn̰ gɨ kan ba bɨlɨn̰ge kɔl gɨ woy duroy Magtubu di da Kumu di ɗaŋ wo̰. Na hɨn̰ wo̰ ma, kan mondɨn̰ge gusɨge koge gaŋ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.