2 Pɨyɛr 2:6 - Gabri Maja

⁶ Kumu boy kɔl a cay ƴaa-di-gumu di Sɔdɔm dan̰ Gɔmɔr bɨ, ulge dan̰ tɨwa muɗɔgɨ muɗɔgɨ coŋ. Bɨ ayge leen̰ hɨnga ga ni gɨle gɨ da kuduroy-hɔmɛ gɨ woy gam kalaŋ ga ka lɔɔ terɨn̰.

2 Pɨyɛr 2:6 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Matɨyo 11:23

Kɨŋ kalaŋ ga cay ƴaa-di-gumu di Kapɛrnɔm, kɨŋ ɨrɨm kuduroygɨŋ hɨn̰ gɨ kɨŋ na kɨya sɔɔ bɨrɨŋ ɔrɛ gɨɗɨgɨ-Kumu gɨŋ ga? Naŋ! Kɨŋ kɨya gɨsɨne boy tɨwa di ƴee dan̰ cɨndo dɨŋ. Kɨya wa hɨnga ga ni belin̰əŋ ga lee gusɨge a tɛɛ le, hɨn̰ gɨ ni na laa gusɨge naa Sɔdɔm na, labɨde kalɨn̰ ma kalaŋ ga cay ƴaa di Sɔdɔm le, ni kɨya sɔmɛge nee ƴee.

Magtubu di Pol wal bɨn̰ kalaŋ ga Rɔm 9:29

Na kɔl gɨ nee le ma naa Ijay ye na kɨya lɔɔ gusi yen̰ hɨn̰: «Hɨn̰ gɨ naa Ba-gulɔŋ gɨ na sarɨnay dɔnɔ nɔm, Na ɗa te mon̰ bɨna naŋ na, Na naa kɨya mundoŋ gɨŋ hɨn̰ kalaŋ ga Sɔdɔm wo̰ bɨ, Na naa kɨya mundoŋ gɨŋ gudɔn̰ gudɔn̰ coŋ, Hɨn̰ kalaŋ ga Gɔmɔr wo̰ bɨ.»

1 Korɛ̰t 10:11

Hɨnga ga nee le nɔm andaŋ cayge ɗe na won̰ sɨman̰ bɨ, walge dugo duroy magtubu dɨŋ ɗe na sog sɨmayna na-gandi ga na ba woy kɨbɨ kagadi wɔlɛ gɨŋ bɨ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Magtubu di Jud wal 1:15

kɨya bon̰ kɔl cay kalaŋ nɔm bɨ ɗe kɔl na ƴom cay ka-kuduroy-ɨndɨwa nɔm ojɨn̰ cay ɨsɨna gɨ ani ani gɨ kan leege bɨ, ɗe kɔl na ƴom cay ka-lɔɔ terɨn̰ ga ɨsɨndəŋ ojɨn̰ cay kɔl gɨ ani ani gɨ ɨsɨni gɨ kan ye kol cay Kumu bɨ.»

Magtubu di Jud wal 1:7

Kuɗa gɨ kuduroygɨŋ hɨn a cay gɨsəŋ ga Sɔdɔm bɨ Gɔmɔr bɨ, cay ƴaan̰əŋ ga gɨmdəŋ ga bongi nee bɨ. Kalaŋ ga boy nee leege hɨnga ga ɨsɨni hɨn̰ ga da ka-ƴɔbɛ ga daa nii ga nee le bɨ. Kan dɨbɨge gusɨge coŋ boy ajɨba dɨŋ, lee gɨ ban̰aŋ won̰ge dan̰ kamdɨge ban̰aŋ kɨya cay gusi-mɔwa toge. Kan wayge hɨnga ga ni gɨle-cɨn̰ kɨya cay ɨsɨna koge. Hɨnga ga ni gɨle-cɨn̰ kage le, na tɨwa di ba kɨya ƴɔɔ dan̰ tumɔɔ bɨ, hɨnga ga leege le bɨləŋ na sɨman̰ kɔl kɨya cay kalaŋ nɔm bɨ.