2 Pɨyɛr 2:1 - Gabri Maja

¹ Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

2 Pɨyɛr 2:1 ပူးပေါင်းရင်းမြစ်များ

Matɨyo 10:33

Ama waŋ waŋ gɨ na man̰a kɨbi tumoy kalaŋ gɨ ɗi na sɨlaŋ naŋ na, ɨŋ-bandi kalɨn̰ ma, ɨŋ kɨya man̰e kɨbɨnɨ tumoy Banɨ gɨ som a daa nii gɨ ɨŋ na sɨlayi naŋ bɨ.

Matɨyo 24:11

Ka-yɔɔ-kɔl-gɨ-Kumu-ba-yɔɔ ga cɨndi naŋ, kɨya sɔge dan̰ kondige bɨ, kɨya narege kalaŋ dan̰ kondige bɨ.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 24:5

Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ yɔɔge hɨn̰: “Kɨris ban gɨ Kumu dorii le, na ɨŋ-bandi!” Bɨ kan kɨya kayege kalaŋ gɨɗaŋ.

Matɨyo 7:15

«Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰.

Marg 13:22

Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.

Kɔl-gɨ-Ɗari gɨ Lug wal 12:9

Ama waŋ waŋ gɨ na ya naji tumoy kalaŋ gɨ ɗi na sɨlaŋ naŋ na, ɨŋ-bandi kurɨn̰ ungo kalɨn̰ ma, maŋ kɨya yɔ tumoy ka-ƴɔbɛ ga da Kumu gɨ ɨŋ na sɨlayi naŋ bɨ.

Kɔl-gɨ-Ɗari gɨ Lug wal 21:8

Jesu say dɨbɨge cay nee yege hɨn̰: «Ɗagɨŋ muɗɔlɛ a cay gusɨgɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni. Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ, yɔɔge hɨn̰: “Kɨris ban gɨ Kumu dorii le, na ɨŋ-bandi.” Bɨ kan kɨya sɔ yɔ hɨn̰: “Wɔlɛdi ɓal ɨni.” Ama kɨŋ na, kɔbɛgɨŋ kardɨge naŋ ɨni.

Kɔl-gɨ-Ɗari gɨ Lug wal 6:26

Cɨn̰-n̰age baa caygɨŋ kɨŋ ga kalaŋ nɔm ye kɔldɨgɨŋ kuɗa le, kɨya wa na hɨn̰ wo̰ ma mon̰igɨŋ ga jɨne kalɨn̰ ma leege dan̰ ka-yɔɔ-kɔl-gɨ-Kumu-ba-yɔɔ ga leege gusɨge hɨn̰ kan na ka-yɔɔ-kɔl-gɨ-Kumu-ba-yɔɔ, ama kan na ka-poyi le.»

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

1 Korɛ̰t 6:20

Kumu bee nare caygɨŋ bon̰ caygɨŋ ɨni. Na toy di hɨn̰ wo̰ ma, ɗa gɨ kɨŋ dɨbɨ gusoŋ-tɔgɛ a cay Kumu dan̰ kuyoŋdi-gusɨgɨŋ.

1 Korɛ̰t 7:23

Kɨŋ-gandi na, Kumu bee nare caygɨŋ bon̰ caygɨŋ ɨni, na toy di hɨn̰ wo̰ ma, bɨləŋ gɨŋ gɔyɔŋ ga da kalaŋ naŋ.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Galad 4:17

Kalaŋ ga ba yege kɔl ɨl a cay gasɨn̰-kɔl gaŋ le, geyge bogɨgɨŋge na toyge, ama ɨrɨmedɨge kuɗa naŋ. Kan geyge corgɨŋge na gusɨnɨ coŋ, ɗe agɨŋ na bugoŋ toyge.

Galad 5:20

n̰ɨre kula bɨ, lɔɔ tɨmba bɨ, ƴɔmɛ-ungo-kuduron̰ bɨ, bɔjɨn̰ɛ bɨ, cɨn̰-pɨɗɨma bɨ, lɔɔ kuduroy-hɔmɛ bɨ, jangɨ bɨ, gasɨn̰-ɓalɨn̰a naŋ bɨ, pɔyɛ kalaŋ duroy nee bɨ,

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Pilib 3:19

Kalaŋ ga nee le a dɨɗe kɨbi gɨŋ na kan kɨya mundoŋ. Kɨya wa kumu koge na kuduroyge bɨ, gusoŋ-tɔgɛ koge woy na boy hɨnga ga di dasi gaŋ bɨ, kan na hɨnga ga ƴom kuduroyge le, na hɨnga ga a cay gɨsəŋ gaŋ kɛ ƴɔbɨ.

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

Kɔlɔs 2:8

Ɗagɨŋ muɗɔlɛ a cay gusɨgɨŋ gɨŋ ɗe ungo gɨybɨgɨŋ dan̰ hɨnga-sɔlɛ ga poy naŋ bɨ, dan̰ kɔl poy ga kalɨn̰ wo̰ dugo dan̰ gɨyəŋ gɨ da hada da kalaŋ ga ɨndəŋ naŋ bɨ. Hɨnga ga ni gɨle ga nee le sa na gusi Kɨris naŋ bɨ, ama sayga na gusi turnɔn̰əŋ ga ɨsɨndəŋ ga di cay gɨsəŋ.

1 Timote 5:8

Hɨn̰ gɨ ungo na sɨla kardi ka-wandɨ kayi naŋ ɗɨn̰ kɨɗɨn̰ coŋ le bɨ, sɨla kardi kalaŋ ga duroy ƴaadi gɨŋ naŋ bɨ na, ungo gɨ nee le na ungo gɨ nongɨ aye kudurɔ koyi ɗe coŋ bɨ, na ungo gɨ ɨsɨni ɗɨn̰ ungo gɨ aya kuduroy naŋ bɨ.

2 Timote 4:3

Kɨya wa wɔlɛ tɨlga nee gɨ kalaŋ kɨya geyege gɨle hɨnga ga cɨndi naŋ, ama kɨya lɔɔge na hɨnga ga kuduroyge gey. Lee gɨ kan kɨya daye kalaŋ ga ka-gɨlge hɨnga nɔm dan̰ kondɨwayge ga ka-gɨlge hɨnga ga kɨya mooge.

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Titɨ 3:10

Ungo gɨ ani ani gɨ ba gɨlɨn̰ kalaŋ hɨnga ga toyge kan̰dɨge kan̰dɨge bɨ poyɨn̰ karmii le, ji sɨga sɨmayi tɨbaa pɨna, tɨbaa sɔɔdi bɨ, kardi nee na puyoŋ wandɨ danayi.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

1 Pɨyɛr 1:8

Jesu le, kɨŋ sɨlayi dan̰ cɨndɨgɨŋ naŋ pa pa, ama kɨŋ geyii. Hɨn̰ gɨ haw kɛ kɨŋ na sɨlayi naŋ kalɨn̰ ma, kɨŋ bee kuduroygɨŋ a cayi. Na toy di hɨn̰ wo̰ ma gusɨgɨŋ moogɨŋ tɔgɨ bɨ, moogɨŋ bɨrɨŋ ɗɨn̰ gɨ ni yɔ yɔd bɨ.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

1 Ja̰ 2:26

Sɨlagɨŋ ɨŋ wal kɔl gɨ kɛ le bɨgɨŋ, ojɨn̰ na cay kalaŋ ga malge gɨyəŋ gɨ ni nargɨŋ bogɨgɨŋ kayaŋ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Magtubu di Jud wal 1:18

Kan yegɨŋge hɨn̰: «A kagadi wɔlɛ gɨŋ le, kalaŋ ga kɨya sɔgɛge Kumu kɨya sɔge bɨ, lɔɔge hɨnga ga kuduroyge gey ƴɔbɨ, na hɨnga ga jɨbɨ Kumu sɛdɨ coŋ.»

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,

Wasɨn̰a 6:10

Kan wɨlalge dan̰ te tumoyge di daa pəŋ pəŋ ye hɨn̰: «Ba-gulɔŋ, ji na ungo gɨ leen̰ hɨnde gɨ doriige siige dan̰ cɨndi. Kalaŋ ga a cay gɨsəŋ gaŋ le, kɛ ji gɨ aye can̰ bɨrɨŋ andɨn̰ na wɔlɛ gɨ ani gɨŋ kɨya bon̰ kɔl cayge ga? Kɛ na wɔlɛ gɨ ani ma mɨn̰ kɨya gɔjɛ ba da kɨbar di ni gɨ bugoŋ dugo le ga?»