2 Pɨyɛr 1:8 - Gabri Maja

⁸ Hɨnga nɔm ga nee le, ojɨ gɨ kɨŋ laa ɨran̰ dan̰ cɨndɨgɨŋ tumɔ. Ama hɨn̰ gɨ hɨnga nɔm ga nee le, kɨŋ na ɨran̰ kunda na, na kan ba kɨya lɔɔ ɗe gɨ kɨŋ na laan̰ gɨye bɨ, kɨŋ na sɨlan̰ Ba-gulondɨna Jesu-Kɨris cɨndɨgɨŋ tumɔ tumɔ bɨ.

2 Pɨyɛr 1:8 ပူးပေါင်းရင်းမြစ်များ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 20:3

Ban andaŋ doŋ kɨɗɨn̰ ga tɨwa ɨl lam ɨni na, way kalaŋ ga pɨna somge kalɨn̰ kɨɗɨn̰ sugɨ dɨŋ dɨle lɔɔge gɨye.

Matɨyo 20:6

Kardi nee ban andaŋ doŋ dan̰ tɨwa borundo purɔm ɨni na, ban way kalaŋ ga somge kɨɗɨn̰ sugɨ dɨŋ coŋ ɨni na, ban ɨngɨrge yege hɨn̰: “Kɛ kɨŋ ɨre dan̰ jogɨɗu bɨrɨŋ tɨwa ɗobɨ caygɨŋ dɨle lɔɔ gɨye na kɨya wa ga?”

Matɨyo 25:26

Ama ba-gulondi le jɨga dɨbii cay nee yeyi hɨn̰: “Ji na guyɔŋ gɨ ɨsɨni bɨ, ba-dabɨr bɨ. Ji sol gɨ ɨŋ na ungo gɨ ɨŋ wal gasa ga ɨŋ gɨsɨ naŋ bɨ, ba daye cay gasa a boy yage gɨ ɨŋ bɨga gasi gɨse nee naŋ bɨ.

Kɔl-gɨ-Ɗari gɨ Ja̰ wal 15:2

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 5:42

Ama ɨŋ solgɨŋ kuɗa gɨ ƴɔmɛ wandɨ da Kumu unɔ kuduroygɨŋ.

Magtubu di Pol wal bɨn̰ kalaŋ ga Rɔm 12:11

Kuɗa gɨ gusɨgɨŋ-hɨmbalagɨŋ a te gɨye gɨ da Ba-gulɔŋ gɨŋ, lɔɔgɨŋ dabɨr kɨbɨ nee naŋ. Kuɗa gɨ gɨye koyi lɔɔ ɗugoygɨŋ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

2 Korɛ̰t 13:5

Ɨngɨrgɨŋ gusɨgɨŋ kogɨŋ, kɛ leen̰ cɨndi kɨŋ na ka-aye kudurɔ ga? Kɨbagɨŋ gusɨgɨŋ sɨla. Kɛ kɨŋ sɨla gɨ Jesu-Kɨris na wɨya gusɨgɨŋ naŋ ga? Leen̰ cɨndi duroy kɔbɛ gusɨgɨŋ gɨŋ le hɨn̰ gɨ kɨŋ na sɨla gɨ Kɨris na unɔ gusɨgɨŋ na, kɨŋ na ga gabaŋ.

2 Korɛ̰t 8:2

Hɨnga ga ni dɔsɛ-ɗugɔ ga toyge kan̰dɨge kan̰dɨge gɨwasɨ ka-aye kudurɔ. Ama gusɨge mooge tɔgɨ duroy hɨnga ga ni dɔsɛ-ɗugɔ ga nee le. Hɨnga wɔɔdɨge unɔ na unɔ yɔd ama kan leege wandɨ cɨla.

2 Korɛ̰t 8:7

Na cɨndi, kɨŋ bɨle ka-wɔɔ hɨnga a te hɨnga nɔm. Kɨŋ bɨle ka-wɔɔ hɨnga a te aye kudurɔ gɨŋ bɨ, a te sɔlɛ yɔɔ kɔl gɨŋ bɨ, a te sɔlɛ-hɨnga gaŋ dan̰ gusi-hɨmbalwa di tɔɔ kan̰do kan̰do bɨ, dan̰ geye gɨ kɨŋ ba way gusɨni bɨ. Haw kɛ na, bɨlgɨŋ ka-wɔɔ hɨnga a te gɨye gɨ da hɔgɛ hɨnga ga ni leen̰ ɗarwa nee bɨ.

2 Korɛ̰t 9:14

Kan kɨya ɔlɛ Kumu kol caygɨŋ. Kuduroyge woy kəgəgə caygɨŋ kol ɗarwa di gumu di Kumu ƴom danagɨŋ.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

Pilib 2:5

Kuɗa gɨ haldɨgɨŋ gɨ kɨŋ kɨya orɨn̰ le bugoŋ pɨna dan̰ hal gɨ da Jesu-Kɨris.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

Kɔlɔs 2:7

Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

1 Timote 5:13

Ɗaŋ coŋ, kɨɗɨn̰ ga gɨye gɨ kan kɨya lɔɔ na unɔ na, ayge na te gɔrɛ kɨbɨ kalaŋ. Ama gɨ ɨsɨn ɗɨn̰ gɨ nee le na, kan na ka-hurɔɗɛ-kɔl bɨ, ka-sɔlɛ game kɔl kuduroyge naŋ bɨ, ka-yɔɔ-kɔl gɨ wɨyan̰ gɨ ni yɔ naŋ bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Pilemo 1:6

Ji-bandi bɨ, ni-gandi bɨ, aye kudurɔ konagɨŋ toyi na pɨna, bɨ na toy di hɨn̰ wo̰ ma, ɨŋ ol Kumu ɗe aye kudurɔ gɨ nee le, lee gɨye gusɨn̰ ɗe an̰ solɨn̰ hɨnga nɔm ga ɗadɨrdaŋ jɨn̰ tumɔ tumɔ, ga na way te ɔrɛ konagɨŋ dan̰ Kɨris le.

Əbɨro 6:12

Ni gey gɨ kɨŋ na gɨ bɨləŋ ka-dabɨr naŋ, ama gɨ kɨŋ na aya cay tɨbay ka-aye kudurɔ bɨ, ƴɨman̰ kuduroygɨŋ usa bɨ. Na kan ga nee le ba kɨya wɔɔge hɨnga ga Kumu ye gɨ ɗi na kɨya lɔɔ le.

2 Pɨyɛr 1:2

Kuɗa gɨ ɗarwa bɨ, gusi-dɔbɛ bɨ, baa dan̰ kɔndɔ haa dan̰ gɨyəŋ gɨ da sɔlɛ gɨ kɨŋ sol Kumu bɨ, Ba-gulondɨna Jesu-Kɨris bɨ.

2 Pɨyɛr 1:3

Na cɨndi, Kumu bɨnagɨŋ hɨnga nɔm ga na or n̰agedɨge na kol dɔnɔ toyi, ɗe ana na somɨn̰gɨŋ-bɨra bɨ, leen̰gɨŋ gɨye lɔɔ gɨ bugoŋ pɨna dan̰ Kumu bɨ. Ban Kumu lee gɨ na solgɨŋ gɨ ban teenagɨŋ na dan̰ gɨyəŋ gɨ da gusoŋ-tɔgɛ koyi bɨ, na dan̰ gɨyəŋ gɨ da tɔgɨ toyi bɨ.

2 Pɨyɛr 2:20

Kan ga solge Jesu-Kɨris gɨ na Ba-gulondɨna bɨ ba-pɔɗɨna bɨ le, ɗege hɨnga ga mɨdagi ga a cay gɨsəŋ gaŋ coŋ. Ama hɨn̰ gɨ kan na jɨga ɗa gusɨge bɨn̰ hɨnga ga mɨdagi ga nongɨrdɨge ɗaŋ bɨ, dii cayge ɗaŋ coŋ bɨ na, sɔmɛdɨge gɨ kagadi gɨŋ le, kɨya ɨsɨna tɔgɨ ɗɨn̰ gɨ tumɔ ƴee.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!