2 Pɨyɛr 1:7 - Gabri Maja

⁷ sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

2 Pɨyɛr 1:7 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Kɔlɔs 3:14

Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

1 Tesalonigɨ 5:15

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 2:17

Dɨbɨn̰gɨŋ kalaŋ nɔm hurɔmɔ bɨ, geygɨŋ karmɨgɨŋ ga ban̰aŋ dan̰ ga kandɨ ga ka-aye kudurɔ bɨ, bɨgan̰gɨŋ Kumu kɔl bɨ, dɨbɨn̰gɨŋ kɨlma gɨ gumu hurɔmɔ cayi bɨ.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

1 Ja̰ 4:21

Te tumɔ di Kɨris bɨnagɨŋ le ye hɨn̰: «Ungo gɨ na gey Kumu na, kuɗa gɨ ban gey kurɨndi bɨ.»