2 Pɨyɛr 1:4 - Gabri Maja

⁴ Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.

2 Pɨyɛr 1:4 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 9:4

Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

2 Korɛ̰t 1:20

Na cɨndi, hɨnga nɔm ga Kumu ye gɨ ɗi na kɨya lɔɔ le, ban lee dan̰ gɨyəŋ gɨ da Kɨris. Dan̰ gɨyəŋ gɨ da Kɨris, Kumu ye «Əw.» Na toy di hɨn̰ wo̰ ma na yəgɨŋ «Ɗa-ɗe-woy-hɨn̰-wo̰» dan̰ gusondi bɨ, na dɨbɨn̰ gusoŋ-tɔgɛ cay Kumu bɨ.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 6:17

Na toy di hɨn̰ wo̰ ma Ba-gulɔŋ Kumu ye hɨn̰: «Andaŋgɨŋ duroy kalaŋ ga nee le coŋ, Dɨragɨŋ gusɨgɨŋ coŋ gusɨge, Cɨlegɨŋ hɨnga pɨna wo̰ ga lee kɨni naŋ, Ɨni na ɨŋ kɨya ƴomgɨŋ gusɨnɨ.»

Galad 3:16

Woy na hɨn̰ wo̰ bɨ, kɨya Abɨraham bɨ, kungayi bɨ, gɨ Kumu ye gɨ ɗi na kɨya bɨge hɨnga. Na gɨ ni yɔɔ gɨ na kongɨn̰ii hɨn̰ gɨ kan na kondɨ wo̰ naŋ. Ama kungay le, na ungo gɨ pɨna hayi kəɗ kəɗ, ungo gɨ nee le na Kɨris.

Galad 6:8

Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu.

Epɛs 4:13

Na hɨn̰ wo̰ ma, ma na kɨya loon̰ gɨye bɨrɨŋ gɨsɨn̰ gɨ na-gandi nɔm, na na bugoŋgɨŋ pɨna te aye kudurɔ gɨŋ bɨ, na na sɨlan̰gɨŋ Kurɨn̰-Kumu nara bɨ. Ɨni na, na-gandi nɔm na kɨya bɨləŋgɨŋ kalaŋ ga cɨndɨge nadɨrdaŋ ga malgɨge bɨrɨŋ ɓalɨn̰ge dan̰ Kɨris ca ca.

Kɔlɔs 3:10

Ama kɨŋ dobɨ hal gɨ da ungo gɨ hɨrɨwa gusɨgɨŋ hɨn̰ badɨge wo̰ bɨ, Kumu ɨre bɨlgɨŋ ga hɨrɨwa jɨn̰ tumɔ tumɔ bɨ, bɨgɨŋ hɨnga sɔlɛ cay mɨgayge gaŋ ɗe agɨŋ na gɨlɨn̰ dan̰ Kumu gɨ ba sɨgɨŋ ca ca bɨ, solii leen̰ cɨndi bɨ.

Əbɨro 12:10

Ban̰an̰nagɨŋ ga cay gɨsəŋ gaŋ kɛ, halnagɨŋge na gɨ ni tɨwa lam wo̰ ƴɔbɨ dan̰ gɨyəŋ gɨ da ɨrɨme gɨ kan ɨrɨm. Ama Kumu halnagɨŋ na kɨya ɗarwa tonagɨŋ ɗe ana na bɨləŋgɨŋ kalaŋ ga woy dan̰ cɨndɨge, hɨn̰ gɨ ban ba won̰ dan̰ cɨndi wo̰ bɨ.

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Pɨyɛr 3:13

Kumu ye gɨ ɗi na kɨya bɨna gɨɗɨgɨ-Kumu gɨ hɨrɨwa bɨ, cay gɨsəŋ ga hɨrɨwa bɨ, ga kɨya bɨləŋ kɨɗɨn̰ sɔmɛ ga da hɨnga ga dan̰ durɔ ɗɨngar. Na hɨnga ga nee le ma, mana som gamgɨŋ.

2 Pɨyɛr 3:9

Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.

1 Ja̰ 2:25

Hɨnga ga Kumu ye gɨ ɗi na kɨya lɔɔ bɨna le ba kɛ: Na sɔmɛ-bɨra gɨ dan̰ tumoyi.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.