2 Pɨyɛr 1:1 - Gabri Maja

¹ Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Pɨyɛr 1:1 ပူးပေါင်းရင်းမြစ်များ

Matɨyo 10:2

Guson̰ ka-gɨre-gɨye ga mɔjɨ-cayge-sɔɔ le ba kɛ: Ban gɨ cay wase cɨg cɨg na Simo, gɨ kan teeyige Pɨyɛr, dan̰ kurɨndi Andɨre bɨ, Jag kurɨn̰ Jebede dan̰ kurɨndi Ja̰ bɨ,

Matɨyo 4:18

Wɔlɛ gɨ pɨna wo̰, Jesu gor a kɨbɨ kuray gɨ Galile gɨ gumu taa taa. Ban sol kalaŋ won̰ge sɔɔ ga na ka-karme ga ka-ure gusa. Simo gɨ tɨrɨmbalayi na Pɨyɛr bɨ, kurɨndi Andɨre bɨ. Somge dɨbge bura duroy kuray gɨ gumu taa taa gɨŋ, kɨya gɨ kan na ka-ure gusa.

Kɔl-gɨ-Ɗari gɨ Lug wal 1:47

Turnonɨ lee gɨ gusɨnɨ mɔŋ tɔgɨ Kɨya cay Ba-gulonɨ Kumu ba-pɔɗɔŋ,

Kɔl-gɨ-Ɗari gɨ Lug wal 11:49

Na toy di hɨn̰ wo̰ ma, cɨn̰-muɗɔlɛ gɨ da Kumu koyi ye hɨn̰: “Ɨŋ kɨya gɨyɨn̰ dan̰ ka-yɔɔ-kɔl-gɨ-Kumu-ba-yɔɔ bɨ, dan̰ ka-gɨre-gɨye gusɨge na, kan kɨya dɨɗe ga pɨna bɨ, kan kɨya gɨlɨn̰ ga pɨna cɨn̰-n̰age bɨ.”

Kɔl-gɨ-Ɗari gɨ Ja̰ wal 1:42

Ban orɨn̰ dan̰ Simo gusi Jesu. Jesu sol Simo ɗɛɛ ɨni na, yey hɨn̰: «Ji na Simo kurɨn̰ Ja̰, ama kan kɨya togɨn̰ na, Kepas» duroy na «Garma.»

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Kɔl-gɨ-Ɗari gɨ Ja̰ wal 20:21

Ɨni na, ban yege ɗaŋ coŋ hɨn̰: «Gusi-dɔbɛ baa danagɨŋ. Ɨŋ-bandi ɨŋ kɨya gɨyigɨŋ cay gɨsəŋ gaŋ, hɨn̰ gɨ Banɨ ba gɨyigəŋ a cay gɨsəŋ gaŋ bɨ.»

Gɨye-lɔɔ 15:14

Simo ba yeni gaŋ kɛ ayɨn̰ a toy dɨŋ le, Kumu ojɨ tɔrɛ duroy kalaŋ ga toyge na Jubɨ naŋ ɗe gɨ kan na bɨləŋge kalaŋ kayi.

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

Magtubu di Pol wal bɨn̰ kalaŋ ga Rɔm 1:12

Ɗɨn̰ gɨ nee le na, ɨŋ gey ɔrɛ gusɨgɨŋ ɗe dan̰ gɨyəŋ gɨ da aye kudurɔ kogɨŋ bɨ hɨnge bɨ na, na-gandi nɔm na na wayan̰ bandɨ.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 15:9

A duroy ka-gɨre-gɨye nɔm le ɨŋ-bandi ma na gɨ dḛ ɗige bɨrɨŋ uja gɨ ni tɔgɔŋge ba-gɨre-gɨye kalɨn̰ ma naŋ, kɨya wa tumɔ ɨŋ gɨlɨn̰ Ka-Daye ga da Kumu cɨn̰-gɨle-cɨn̰.

1 Korɛ̰t 9:1

Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?

2 Korɛ̰t 4:13

Walge duroy Magtubu di da Kumu dɨŋ yege hɨn̰: «Ɨŋ bee kuduronɨ cay nee, na toy di hɨn̰ wo̰ ma maŋ yen̰ kɔl.» Ni-gandi kalɨn̰ ma ni orɨn̰ dan̰ aye kudurɔ gɨ gɨlɨn̰ hɨn̰ aye kudurɔ gɨ nee le bɨ. Ni-gandi ni bee kuduroyni cay nee, na toy di hɨn̰ wo̰ mani yen̰ kɔl.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Galad 2:8

Kɨya wa ban gɨ ba lee gɨye kuduroy Pɨyɛr, ɗe gɨ ban bɨlɨn̰ ba-gɨre-gɨye gɨ da kalaŋ ga toyge na Jubɨ le, lee gɨye kuduronɨ ɨŋ-bandi ɗe gɨ ɨŋ bɨlɨn̰ ba-gɨre-gɨye gɨ da kalaŋ ga toyge na Jubɨ naŋ bɨ.

Epɛs 3:5

Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi.

Epɛs 4:11

Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

Epɛs 4:5

Ba-gulɔŋ na pɨna hayi ƴɔbɨ bɨ, aye kudurɔ na pɨna hayi ƴɔbɨ bɨ, batɛm na pɨnaa ƴɔbɨ bɨ.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

2 Timote 1:5

Ɨŋ hɨn cay aye gɨ ji ay kuduron̰ leen̰ cɨndi gɨŋ le. Agɨn̰ Loyis bɨ, ƴon̰i Enis bɨ, ayge kuduroyge gɨ cɨndi tumon̰ bɨ, ɨŋ sol kuɗa gɨ aye kudurɔ kon̰ woy na hɨn̰ koge wo̰ bɨ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Pɨyɛr 2:7

Kogɨŋ kɨŋ-gandi ka-aye kudurɔ na, Kɨris na oru gɨ ƴee cɨndɨgɨŋ tɔgɨ. Ama ojɨn̰ cay kalaŋ ga na ka-aye kudurɔ naŋ na, «Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi, Gɨ kan ɗege tɨbɨn̰ ƴaa dɨŋ.»

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

2 Pɨyɛr 1:4

Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.