2 Korɛ̰t 9:8 - Gabri Maja

⁸ Kumu ɓal ba kɨya bɨgɨŋ ɗarwa di tɔɔ kan̰do kan̰do nɔm dan̰ kɔndɔ haa, ɗe agɨŋ orɨn̰ dan̰ hɨnga nɔm ga ɓalgɨŋ dan̰ wɔlɛ pɨna pɨna bɨ, ɗe toyge ga ba kondɨ tɔgɨ le, agɨŋ leen̰ gɨye gɨ ɗari nɔm bɨ.

2 Korɛ̰t 9:8 ပူးပေါင်းရင်းမြစ်များ

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

2 Korɛ̰t 13:3

Kɨŋ gey gɨ ɨŋ na gɨlgɨŋ hɨnga ga gɨl gɨ Kɨris na yəgɨŋ kɔl dan̰ kɨbɨnɨ ɨŋ-bandi. Kɨŋ kɨya sɔlɛ-hɨngadɨge haw kɛ: Kɨris gɨ a gusɨgɨŋ le dɔnɔdi dḛ naŋ bɨ, ban gɨl dɔnɔ toyi duroygɨŋ leen̰ cɨndi bɨ.

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

2 Korɛ̰t 8:2

Hɨnga ga ni dɔsɛ-ɗugɔ ga toyge kan̰dɨge kan̰dɨge gɨwasɨ ka-aye kudurɔ. Ama gusɨge mooge tɔgɨ duroy hɨnga ga ni dɔsɛ-ɗugɔ ga nee le. Hɨnga wɔɔdɨge unɔ na unɔ yɔd ama kan leege wandɨ cɨla.

2 Korɛ̰t 8:7

Na cɨndi, kɨŋ bɨle ka-wɔɔ hɨnga a te hɨnga nɔm. Kɨŋ bɨle ka-wɔɔ hɨnga a te aye kudurɔ gɨŋ bɨ, a te sɔlɛ yɔɔ kɔl gɨŋ bɨ, a te sɔlɛ-hɨnga gaŋ dan̰ gusi-hɨmbalwa di tɔɔ kan̰do kan̰do bɨ, dan̰ geye gɨ kɨŋ ba way gusɨni bɨ. Haw kɛ na, bɨlgɨŋ ka-wɔɔ hɨnga a te gɨye gɨ da hɔgɛ hɨnga ga ni leen̰ ɗarwa nee bɨ.

2 Korɛ̰t 9:11

Hɨn̰ wo̰ na kɨŋ kɨya wɔɔ kandi-wɔɔ dan̰ te gɨyəŋ gɨ toy kan̰di kan̰di ɗe agɨŋ ɓal be hɨnga kondɨ dan̰ tɨwa nɔm. Hɨn̰ wo̰ na kalaŋ kondɨ kɨya loon̰ge Kumu ho’o kɨya cay hɨnga ga ni bee-kalɨn̰ ga ni ba kɨya bɨge dan̰ gusondɨge.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 3:20

Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le.

Pilib 4:11

Ɨŋ ye kɔl hɨn̰ wo̰ na kɨya cay hɨnga ga wɨyəŋ naŋ. Kɨya wa a duroy hɨnga nɔm le, ɨŋ tɨrabɨ sɔmɛ dan̰ gusi-mɔwa dan̰ hɨnga ga woy a kɔbɔŋ.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

2 Tesalonigɨ 2:17

na walɨn̰a kuduroygɨŋ dan̰ bandɨ. Kuɗa gɨ ban bɨgɨŋ tɔgɨ di ni leen̰ hɨnga ga ɗari daa daa dan̰ gɨye-lɔɔdɨgɨŋ bɨ, dan̰ kɔl yɔdɨgɨŋ bɨ.

2 Timote 2:21

Ungo gɨ na dɨran̰ gusi mɨra kɨya cay kɨni gɨ nee le na, ban kɨya bɨləŋ na kɔjɛ ga woy kɨya gɨye gɨ da wɔlɛ gɨ ni kɨdɨrɛ bɨ, gɨ doriige sige dan̰ cɨndi bɨ, gɨ woy na kɨya loon̰ gɨye gɨ da Ba-gulondi gɨ ƴomge cay tɨbayi kuɗa ojɨn̰ cay gɨye nɔm gɨ kuɗa bɨ.

2 Timote 3:17

ɗe gɨ kalaŋ ga da Kumu nɔm ƴomɨn̰ge cay tɨbayge kuɗa bɨ, wan̰ge hɨnga ga ni loon̰ gɨye nɔm ga kuɗa bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

1 Pɨyɛr 4:10

Kumu bɨgɨŋ hɨnga ga ni ɗarwa ga toyge kan̰dɨge kan̰dɨge. Na hɨn̰ wo̰ ma, kuɗa gɨ waŋ waŋ kalɨn̰ ma aya kɨway hɨnga ga ni tɔrɛ-kɨbɨ ga Kumu bii le, gusɨnan̰ kamdi bɨ. Na cɨndi, kɨŋ na ka-sɔlɛ kardi hɨnga ga ni ɗarwa di da Kumu ga ɗadɨrdaŋ.