2 Korɛ̰t 9:7 - Gabri Maja

⁷ Naa hɨn̰ wo̰ na kuɗa gɨ waŋ waŋ kalɨn̰ ma bee hɨnga hɨn̰ gɨ ban ojɨ a kuduroy. Ɗa gɨ kardi nee ban be dɨle ɨle gusi bɨ, wala hɨn̰ ungo gɨ ƴomiige dan̰ gu wo̰ naŋ bɨ, ama ɗa gɨ ban laa dan̰ gusi-mɔwa. Kɨya wa Kumu gey na ungo gɨ ba-bee hɨnga dan̰ gusi-mɔwa.

2 Korɛ̰t 9:7 ပူးပေါင်းရင်းမြစ်များ

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

2 Korɛ̰t 8:12

Hɨn̰ gɨ kuduroy-geye kogɨŋ na kuɗa na, Kumu kɨya ƴɔɔ hɨnga ga kɨŋ ba kɨya bii le. Ji gɨ bee hɨnga ga ji ɨran̰ naŋ, naŋ. Ban gey gɨ kɨŋ na bii naa kandi-wɔɔ ga kɨŋ orɨn̰ ƴɔbɨ.

Pilemo 1:14

Ama ɨŋ gey lɔɔ hɨnga pɨna wo̰ ojɨn̰ cayi dɨle gɨ ji na ya əw cay nee naŋ. Hɨn̰ wo̰ na, ji kɨya lɔɔ ɗarwa na kɨya gɨ ɨŋ na ƴomɨn̰ osu naŋ. Ama na kɨya gɨ ji gusɨn̰, ji na gɨsɨ gɨyəŋ gɨ ni lɔɔ ɗarwa danaŋ dɨm.

Magtubu di Jag wal 5:9

Karmɨnɨ ga ban̰aŋ dan̰ ga kandɨ, kɨŋ na gey gɨ Kumu na kɨya bɔyɛ kɔl caygɨŋ naŋ na, ɗagɨŋ hɨrage dan̰ gusɨgɨŋ ba. Kɨya wa ba-bɔyɛ kɔl ɨre kɨbɨ gɨyəŋ gɨŋ ɨni.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.