2 Korɛ̰t 9:15 - Gabri Maja

¹⁵ Kuɗa gɨ kalaŋ laan̰ Kumu ho’o kol hɨnga ga ɗɨn̰ yɔ koldɨge ga Kumu bɨn̰ kalaŋ kalɨn̰ le.

2 Korɛ̰t 9:15 ပူးပေါင်းရင်းမြစ်များ

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Lug wal 2:38

Kɨɗɨn̰ ga nee gaŋ le bɨ, hɨndi bugoŋ dɛj nee, hɨndi hɨram Kumu gɨɗaŋ nee bɨ. Hɨndi ye Kol kɨye le, bɨn̰ kalaŋ nɔm ga ba amge wɔlɛ gɨ Kumu kɨya dɔrɛ cɨn̰-n̰age a cay kalaŋ ga Jerusalɛm le.

Kɔl-gɨ-Ɗari gɨ Ja̰ wal 1:16

Hɨnga wɔɔdi ga ɗɨn̰ cɨn̰-kɨɗɨn̰ le, ni-gandi nɔm ni way kani ga ojɨ cayni, na kɨya cay ɗarwa toyi di say cay mɨga dɨŋ nee nee bɨ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Magtubu di Pol wal bɨn̰ kalaŋ ga Rɔm 5:15

Ama hɨnga ga ni bee ga Kumu bɨna kalɨn̰ le, wɨya gɨlɨn̰ na hɨn̰ ga da Adam wo̰ naŋ. Na kol hɨnga ga dan̰ gɨyəŋdɨge naŋ ga ungo pɨna hayi ƴɔbɨ lee le ma, kalaŋ kondɨ marɨn̰ge. Ɗarwa di da Kumu gumu ɗɨn̰ hɨnga ga dan̰ gɨyəŋdɨge naŋ ƴee coŋ. Ɗarwa le ɨrga na dan̰ gɨyəŋ gɨ da ungo pɨna hayi, Jesu-Kɨris, hɨndi lee kuduroy-ɗarwa gɨɗaŋ dan̰ kondɨwadi kalaŋ.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

1 Korɛ̰t 15:57

Ɗa gɨ na laan̰ Kumu gɨ ba bɨna banga dan̰ gɨyəŋ gɨ da Ba-gulondɨna Jesu-Kɨris le ho’o.

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

2 Korɛ̰t 9:11

Hɨn̰ wo̰ na kɨŋ kɨya wɔɔ kandi-wɔɔ dan̰ te gɨyəŋ gɨ toy kan̰di kan̰di ɗe agɨŋ ɓal be hɨnga kondɨ dan̰ tɨwa nɔm. Hɨn̰ wo̰ na kalaŋ kondɨ kɨya loon̰ge Kumu ho’o kɨya cay hɨnga ga ni bee-kalɨn̰ ga ni ba kɨya bɨge dan̰ gusondɨge.

2 Korɛ̰t 9:14

Kan kɨya ɔlɛ Kumu kol caygɨŋ. Kuduroyge woy kəgəgə caygɨŋ kol ɗarwa di gumu di Kumu ƴom danagɨŋ.

Epɛs 5:20

Laan̰gɨŋ Kumu Kɨye Bay ho’o dan̰ tɨwa nɔm, kɨya cay hɨnga nɔm, dan̰ guson̰ Ba-gulondɨna Jesu-Kɨris.

Magtubu di Jag wal 1:17

Hɨnga ga kuɗa tɔgɨ nɔm le, kan bɨnage na bee bɨ. Hɨnga ga ni bee kalɨn̰ ga kuɗa duroŋ dan̰ durɔ cɨrɛɗ nɔm le, na hɨnga ga sayigage na a daa nii bɨ, andɨgaŋge na gusi Bayna Kumu gɨ ba-lɔɔ kɨɗɨn̰ ga asɨn̰ bɨ. Kumu bɨl ɗaŋ naŋ bɨ, ban nɨwɨr gusi hɨn̰ gɨsəŋ ga ba nɨwɨre gusɨge cɨn̰ tɨwa dɨŋ, kɨya ɗenagɨŋ duroy dɨlɨm dɨŋ wo̰ naŋ bɨ.

Wasɨn̰a 4:9

Kɨɗɨn̰ ga kandi-se ga gɨɗɨgɨ-Kumu gaŋ ga poɗɨn̰ ga nee le, kɨbɨge kɨra dɨbɨn̰ge gusoŋ-tɔgɛ bɨ, dɨbɨn̰ge hurɔmɔ bɨ, leen̰ge ho’o bɨ a cay ban gɨ som a cay kali-tɨrɨmbala dɨŋ bɨ, a cay ban gɨ som-bɨra ɨlge dan̰ ɨlge bɨ na,