2 Korɛ̰t 9:11 - Gabri Maja

¹¹ Hɨn̰ wo̰ na kɨŋ kɨya wɔɔ kandi-wɔɔ dan̰ te gɨyəŋ gɨ toy kan̰di kan̰di ɗe agɨŋ ɓal be hɨnga kondɨ dan̰ tɨwa nɔm. Hɨn̰ wo̰ na kalaŋ kondɨ kɨya loon̰ge Kumu ho’o kɨya cay hɨnga ga ni bee-kalɨn̰ ga ni ba kɨya bɨge dan̰ gusondɨge.

2 Korɛ̰t 9:11 ပူးပေါင်းရင်းမြစ်များ

Matɨyo 20:15

Ɨŋ ɓala lɔɔ hɨnga ga kuduronɨ gey dan̰ hɨnga-wɔɔnɨ naŋ ga? Naŋ le, ji lee na cɨn̰-pɨɗɨma kɨya ɗarwa di ɨŋ lee le ga?”»

Matɨyo 25:17

Guyɔŋ gɨ orɨn̰ dan̰ gursu di ni lɔr aru sɔɔ le, lee na hɨn̰ gɨ mɨgayi ba leen̰ le wo̰ bɨ, wan̰ kaŋdo aru sɔɔ cay nee.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 1:5

Na cɨndi, kɨɗɨn̰ ga kɨŋ ba bugoŋ pɨna dan̰ Jesu-Kɨris le, Kumu woy te tɔrɛ kɨbi caygɨŋ bɨ, woy te lɔɔ gɨ hɨnga ga ni wɔɔ ga toyge kan̰dɨge kan̰dɨge ƴee gusɨgɨŋ cɨrab cɨrab dan̰ kɔl bɨ, dan̰ hɨnga-sɔlɛ bɨ.

2 Korɛ̰t 1:11

Kɨŋ-gandi kalɨn̰ ma ojɨ gɨ kɨŋ na jɨbɨ toyni dan̰ ɔlɛ Kumu kogɨŋ. Kumu kɨya jɔɔ ɔlɛ kogɨŋ nɔm gɨ kondɨwadi kalaŋ olge bɨ, kol cay ɔlɛ nɔm gɨ nee le na, ban kɨya tɔrɛ kɨbi cayni bɨ kondɨwadi kalaŋ kɨya loon̰ge Kumu ho’o kol cayni bɨ.

2 Korɛ̰t 4:15

Hɨnga nɔm ga ba andaŋ cayni le na kol caygɨŋ, ɗe ɗarwa di da Kumu andaŋ gusi kondɨwadi kalaŋ jɨn̰ tumɔ tumɔ. Hɨn̰ wo̰ na kondɨwadi kalaŋ kɨya loon̰ge Kumu ho’o bɨ, dɨbege gusoŋ-tɔgɛ cayi bɨ.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

2 Korɛ̰t 9:12

Kɨya wa gɨye gɨ ba woy kɛ gɨ kɨŋ ba woy te lɔɔ le, kɨya lɔɔ gɨ kalaŋ ga woyge dan̰ cɨndɨge na waage naa hɨnga ga n̰agedɨge leege ƴɔbɨ naŋ, ama kɨya lɔɔ gɨ kalaŋ kondɨ na laan̰ge Kumu ho’o bɨ.