2 Korɛ̰t 9:1 - Gabri Maja

¹ Leen̰ cɨndi na, uja gɨ ɨŋ gɨ wale magtubu gɨyɨn̰ bɨgɨŋ ojɨn̰ cay hɨnga ga ni jɨbɨn̰ te karme ga ni ba gey orɨn̰ bɨn̰ ka-karme ga woyge dan̰ cɨndɨge ga a cay ƴaa-di-gumu di Jerusalɛm dɨŋ naŋ.

2 Korɛ̰t 9:1 ပူးပေါင်းရင်းမြစ်များ

Matɨyo 22:31

Bɨ kɔl gɨ ojɨ cay kalaŋ ga boyge lɨbɨ duroy kalaŋ ga madɨrdaŋ gaŋ le, hɨnga ga Kumu yəgɨŋ le, kɛ kɨŋ ɗɨngɨsa naŋ ga? Kumu ye hɨn̰:

Gɨye-lɔɔ 24:17

«Ɨŋ unɔ boy cay ƴaa-di-gumu di Jerusalɛm dɨŋ ɓal ɨlge kondɨ bɨ, ɨŋ jɨga a Jerusalɛm na kɨya ɨrgan̰ dan̰ hɨnga ga ni bee, bɨn̰ te wɔɔ gɨ da kalaŋ kange ga ka-n̰age bɨ, kɨya bɨn̰ Kumu bɨ.

Magtubu di Pol wal bɨn̰ kalaŋ ga Rɔm 11:28

Gɨ ojɨ cay Kɔl-gɨ-ɗari na, te wɨn̰je gɨ da Ɨsɨrayɛl woyge na ka-baa ga da Kumu kol cay ɗarwa togɨŋ kɨŋ-gandi ga na Jubɨ naŋ. Ama ojɨn̰ cay dɔrɛ gɨ Kumu dorgɨŋ na, Kumu lee-toyige kol cay mon̰iige.

Magtubu di Pol wal bɨn̰ kalaŋ ga Rɔm 12:13

Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

Magtubu di Pol wal bɨn̰ kalaŋ ga Rɔm 15:31

Ulagɨŋ Kumu ɗe aŋ andaŋ a kobɨ ka-bɔgɛ kuduroyge cay Kɨris naŋ ga somge a cay gɨsəŋ ga Jude gaŋ bɨ. Ulayigɨŋ ɗe hɨnga ga ni jɨbɨn̰ te kan ga woyge dan̰ cɨndɨge ga somge a Jerusalɛm ga ɨŋ ba orɨn̰ le kalɨn̰ ma, na ƴa cɨndɨge bɨ.

Galad 2:10

Hɨnga ga kan ɨngɨrnige na pɨna hage ƴɔbɨ, naa gɨ ni na gɨ hale gɨyibəŋ cay ka-n̰age naŋ. Na hɨnga ga ɨŋ si cɨnɨ kardi nee lee kuɗa ɨni bɨ.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

1 Tesalonigɨ 5:1

Karmɨnɨ ga ban̰aŋ dan̰ ga kandɨ, kɔl gɨ ojɨ cay wɔlɛ bɨ, cay tɨwa di Ba-gulɔŋ kɨya cagan̰ bɨ le, kɨŋ ɨra n̰agedi gɨ ungo na wala magtubu bɨgɨŋ koldi naŋ ɨni.

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.