2 Korɛ̰t 8:9 - Gabri Maja

⁹ Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

2 Korɛ̰t 8:9 ပူးပေါင်းရင်းမြစ်များ

Matɨyo 17:27

Ama ɗe kuduroy kalaŋ na mundoŋ naŋ na, ɨra kɨbɨ kuray gɨ gumu taa taa gɨŋ dɨbe jungɨlɨn̰ nee. Gusa gɨ cay wase gɨ kɨya sɔyɛ jungɨlɨn̰ le, ƴɨmayi bɨ hanga kɨbi na, ji kɨya wɔɔ sɨle di ni arja̰ di ɓal bee hɔgɛ gɨ ni lambo kon̰ bɨ, hɨnge bɨ. Aya ɨran̰ bɨn̰ ka-hɔgɛ lambo kol cay na.

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Marg 6:3

Kɛ ban na ba-lɔɔ gɨye sɨya naŋ ga? Kɛ ban na kurɨn̰ Mari bɨ, ban na Jag bɨ, Joses bɨ Jud bɨ, Simo bɨ, kurɨndɨge naŋ ga? Bɨ kɛ karmii ga kandɨ wɨyage duroyni kɛ naŋ ga?» Jesu woy gɨlɨn̰ na hɨn̰ gundi sɨya gɨ de tɨbayige wo̰.

Kɔl-gɨ-Ɗari gɨ Lug wal 16:11

Hɨn̰ gɨ hɨnga wɔɔ ga cay gɨsəŋ gaŋ kɛ le, kɨŋ na aya laan̰ gɨye dan̰ kuduroygɨŋ ga pɨna naŋ na, na waŋ ba kɨya ɓale bogɨgɨŋ hɨnga wɔɔ ga cɨndi le kobɨ gɨŋ ga?

Kɔl-gɨ-Ɗari gɨ Lug wal 2:7

Hɨndi wɔɔ kɨyoo gɨ cay wase. Hɨndi nɔngɨri dan̰ kɨbɨ badɨge bɨ, dɨbii duroy bəgɨrə gɨŋ kɨya gɨ kɨɗɨn̰ unɔ a duroy ƴaa gɨ ni bogɨn̰ kɨrge nee gaŋ.

Kɔl-gɨ-Ɗari gɨ Lug wal 8:3

Jani di ni tam Suja gɨ ba sɔlɛ duroy ƴaa di da Ɛrɔd bɨ, Sujan dan̰ kandɨ ga ɗaŋ ga ka-lɔɔ ɗarwa dan̰ ka-aye-cay-tɨbayi Jesu dan̰ hɨnga wɔɔdɨge bɨ.

Kɔl-gɨ-Ɗari gɨ Lug wal 9:58

Jesu dɨbɨn̰ ungo le cay nee yeyi hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa kalɨn̰ ma orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Kɔl-gɨ-Ɗari gɨ Ja̰ wal 1:10

Kɔl le tumɔ ban som a cay gɨsəŋ gaŋ bɨ, Kumu lee hɨnga ga cay gɨsəŋ gaŋ nɔm, na dan̰ gɨyəŋ koyi ban bɨ. Ama kalaŋ ga cay gɨsəŋ gaŋ, sɨlage gɨ naa ban naŋ.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 12:30

Jesu dɨbɨge cay nee yege hɨn̰: «Noy ungo le ya kɔl na kol canɨ naŋ, ama na kɨya cay ɗarwa togɨŋ.

Kɔl-gɨ-Ɗari gɨ Ja̰ wal 16:15

Hɨnga nɔm ga Banɨ orɨn̰ le na kange. Na toy di wo̰ ma, maŋ ye hɨn̰: Hɨndi kɨya caga yəgɨŋ na kɔl gɨ hɨndi je kɨbɨnɨ.»

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Magtubu di Pol wal bɨn̰ kalaŋ ga Rɔm 11:12

Hɨn̰ gɨ hɨnga ga dan̰ gɨyəŋdɨge naŋ ga Jubɨn̰əŋ leege, na ɨren̰ dan̰ ɗarwa a cay te wɨn̰je gɨ da kalaŋ ga a cay gɨsəŋ gaŋ nɔm bɨ, hɨn̰ gɨ bɔɔ gɨ kan ba na ɨren̰ dan̰ tɔrɛ-kɨbɨ gɨ gumu a cay kalaŋ ga toyge na Jubɨ naŋ bɨ na, kɛ kɨɗɨn̰ ga te wɨn̰je gɨ da Ɨsɨrayɛl na jɨge a te gɨyəŋ gɨŋ na, gɨ bɨle na tɔrɛ-kɨbɨ gɨ gumu cɨla coŋ naŋ ga?

Magtubu di Pol wal bɨn̰ kalaŋ ga Rɔm 15:3

Na cɨndi, Kɨris kalɨn̰ ma aya gɨyəŋ gɨ kɨya ƴɔɔ cɨndi kayi ban gaŋ naŋ, ama ban lee hɨn̰ gɨ ba walge a duroy Magtubu di da Kumu dɨŋ yege hɨn̰: «Ka-yagɨdɨn̰ le yagɨde koge baa a canɨ ɨŋ-bandi bɨ.»

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

1 Korɛ̰t 1:4

Ɨŋ leen̰ Kumu hɨnge ho’o daa daa kol caygɨŋ, kol hɨnga ga ban bɨgɨŋ dan̰ kuduroy-ɗarwa toyi kol bugoŋ gɨ kɨŋ bugoŋ pɨna dan̰ Jesu-Kɨris.

1 Korɛ̰t 15:47

Adam ungo gɨ cay wase gɨ leeyige dan̰ gɨsəŋ le, ban mana gɨ da gɨsəŋ. Ama Adam gɨ ni sɔɔdi na, sayga na gɨɗɨgɨ-Kumu gɨŋ ɨrga.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Epɛs 3:19

Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.