2 Korɛ̰t 8:8 - Gabri Maja

⁸ Ojɨn̰ cay hɔgɛ hɨnga ga ni jibe tɔɔ le, na dɔnɔ maŋ ɗa caygɨŋ naŋ. Ɨŋ yəgɨŋ na kol gusi-hɨmbalwa di da ka karme ga ɗaŋ aŋ na gɨwasɨgɨŋ. Ɨŋ bɨgɨŋ na gɨyəŋ ɗe agɨŋ na gɨlɨn̰ wandɨ togɨŋ leen̰ cɨndi.

2 Korɛ̰t 8:8 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 12:9

Kuɗa gɨ geye kogɨŋ nare cɨn̰-kɨɗɨn̰ naŋ. Gɨrgɨŋ ɗagɨŋ ɨsɨna coŋ dan̰ gɨre gɨ daa, ama lun̰doŋgɨŋ kardi hɨnga ga ɗari usa.

1 Korɛ̰t 7:12

Kɨŋ toygɨŋ ga ba na na ɨŋ-bandi ba yogɨŋ, na Ba-gulɔŋ naŋ ɨni: Hɨn̰ gɨ kurɨndɨgɨŋ na ɨran̰ dan̰ tama di ɗe-aye kudurɔ naŋ, ma tama le na gey gɔrɛ ƴaa danayi ƴee na, ɗɔɔ gɨ ban kan̰oo naŋ.

1 Korɛ̰t 7:25

Kɔl gɨ ojɨ cay kan ga sayge ma ƴage gusɨge tama dan̰ bara naŋ ƴee le, kɔl gɨ Ba-gulɔŋ yəŋ ɗe aŋ na dɨbgɨŋ cay nee unɔ, ama na ɨrɨmenɨ maŋ yəgɨŋ dan̰ gɨyəŋ gɨ da ungo gɨ Ba-gulɔŋ sol cɨn̰-n̰age toyi gɨ kɨŋ ɓal bɔgɛ kuduroygɨŋ cayi.

1 Korɛ̰t 7:6

Ɨŋ yəgɨŋ na gɨ kɨŋ na laa hɨn̰ wo̰ naŋ. Ama ɨŋ ye hɨn̰ gɨ kɨŋ na laa hɨn̰ wo̰ kalɨn̰ ma kuɗa.

2 Korɛ̰t 6:6

Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

2 Korɛ̰t 8:10

Ojɨn̰ cay kɔl gɨ nee le aŋ yəgɨŋ ɨrɨmenɨ. Kuɗa gɨ kɨŋ dɨɗɨ kɨbɨ gɨye gɨ kɨŋ ay toy naga haw kɛ, kɨya wa kɨŋ na ga cay wase boy gɨye gɨ nee gɨŋ le. Ɗɨn̰ gɨ nee le na, kɨŋ na ga cay wase ga orɨn̰ dan̰ geye agɨŋ na leen̰ gɨye gɨ nee le.

2 Korɛ̰t 8:24

Hɨn̰ wo̰ na, gɨlgegɨŋ gɨ kɨŋ na geyge leen̰ cɨndi ɗe kalaŋ ga Ka-Daye ga a kɨɗɨn̰ gaŋ kɨɗɨn̰ gaŋ, solge. Kɨɗɨn̰ ga nee le na, kɔl gɨ ni ba dor ojɨn̰ caygɨŋ tumoyge le, kɨya bɔɔ-poy naŋ.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

2 Korɛ̰t 9:7

Naa hɨn̰ wo̰ na kuɗa gɨ waŋ waŋ kalɨn̰ ma bee hɨnga hɨn̰ gɨ ban ojɨ a kuduroy. Ɗa gɨ kardi nee ban be dɨle ɨle gusi bɨ, wala hɨn̰ ungo gɨ ƴomiige dan̰ gu wo̰ naŋ bɨ, ama ɗa gɨ ban laa dan̰ gusi-mɔwa. Kɨya wa Kumu gey na ungo gɨ ba-bee hɨnga dan̰ gusi-mɔwa.

Epɛs 4:15

Ama na kɨya yɔ kɔl gɨ cɨndi dan̰ wandɨ, hɨn̰ wo̰ na na kɨya malge bɨlɨn̰ kalaŋ ga cɨndɨge nadɨrdaŋ cay hɨnga nɔm dan̰ te bugoŋ pɨna dan̰ Kɨris. Ban ma na ba-cayna.

Epɛs 6:24

Kalaŋ nɔm ga geyge Ba-gulondɨna Jesu-Kɨris dan̰ geye gɨ kagadi unɔ le, kuɗa gɨ Kumu laa ɗarwa danage.

Əbɨro 10:24

Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.