2 Korɛ̰t 8:7 - Gabri Maja

⁷ Na cɨndi, kɨŋ bɨle ka-wɔɔ hɨnga a te hɨnga nɔm. Kɨŋ bɨle ka-wɔɔ hɨnga a te aye kudurɔ gɨŋ bɨ, a te sɔlɛ yɔɔ kɔl gɨŋ bɨ, a te sɔlɛ-hɨnga gaŋ dan̰ gusi-hɨmbalwa di tɔɔ kan̰do kan̰do bɨ, dan̰ geye gɨ kɨŋ ba way gusɨni bɨ. Haw kɛ na, bɨlgɨŋ ka-wɔɔ hɨnga a te gɨye gɨ da hɔgɛ hɨnga ga ni leen̰ ɗarwa nee bɨ.

2 Korɛ̰t 8:7 ပူးပေါင်းရင်းမြစ်များ

Matɨyo 25:22

Guyɔŋ gɨ ba-gulondi bii gursu di ni lɔr aru sɔɔ le, ɨrga bɨ yeyi hɨn̰: “Ba-gulonɨ, tumɔ ji bəŋ gursu di ni lɔr aru sɔɔ. Ama sɨla ɨŋ way kaŋdo aru sɔɔ ɗaŋ cay nee coŋ.”

Magtubu di Pol wal bɨn̰ kalaŋ ga Rɔm 15:14

Ay karmɨnɨ ga ban̰aŋ dan̰ ga kandɨ, gɨ ojɨ caygɨŋ kɨŋ-gandi na, ɨŋ-bandi dan̰ gusɨnɨ hɨnge ɨŋ sol kuɗa gɨ ɗarwa bɨ sɔlɛ-hɨnga bɨ walɨn̰ kuduroygɨŋ jɨŋ jɨŋ daa bɨ, kɨŋ ɓal hale gusɨgɨŋ duroygɨŋ bɨ.

1 Korɛ̰t 1:5

Na cɨndi, kɨɗɨn̰ ga kɨŋ ba bugoŋ pɨna dan̰ Jesu-Kɨris le, Kumu woy te tɔrɛ kɨbi caygɨŋ bɨ, woy te lɔɔ gɨ hɨnga ga ni wɔɔ ga toyge kan̰dɨge kan̰dɨge ƴee gusɨgɨŋ cɨrab cɨrab dan̰ kɔl bɨ, dan̰ hɨnga-sɔlɛ bɨ.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

1 Korɛ̰t 13:8

Wandɨ kɨya kaɗɨn̰e naŋ bɨrɨŋ. Te yɔɔ-kɔl-gɨ-Kumu-ba-yɔɔ kɨya ayaŋ bɨ. Wɔlɛ kɨya caga gɨ dɔnɔ di ni yon̰ kɨbɨn̰əŋ ga ungo sɨla toyge naŋ kɨya ayaŋ bɨ, wɔlɛ kɨya caga gɨ te sɔlɛ-hɨnga kɨya kaga bɨ.

1 Korɛ̰t 14:12

Kɨŋ-gandi kalɨn̰ ma kogɨŋ na hɨn̰ wo̰ bɨ: Ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna bɨ, malagɨŋ ɗe agɨŋ way cay mɨga dɨŋ hɨnga ga kɨya jɨbe te Ka-Daye ɗe na malgɨn̰ge te aye kudurɔ gɨŋ bɨ.

1 Korɛ̰t 4:7

Kɛ, na waŋ ba-dɔrɛ cɨndɨn̰ duroy kamdɨn̰ ga? Kɛ, na wa ma mɨn̰ way dan̰ cay gusɨn̰ dɨle gɨ Kumu gusi na ba bɨn̰ ga? Ma hɨn̰ gɨ hɨnga nɔm ga ji ba way le Kumu naa ba bɨn̰ na, kɛ na kɨya wa ma mɨn̰ de jorgɨn̰ hɨn̰ gɨ naa ji-bandi gusɨn̰ naa ba wɔɔ dan̰ cay gusɨn̰ wo̰ ga?

2 Korɛ̰t 7:7

Bandɨ di ni orɨn̰ le uja na cay caga gɨ da Titɨ ƴɔbɨ naŋ, kɔl gɨ ban yeni ojɨn̰ caygɨŋ le dobɨ bandɨ kuduroyni gɨɗaŋ. Ban dorni te gɨyəŋ gɨ kɨŋ dobɨn̰ bandɨ kuduroyi. Ban yeni gɨ tabɨlaŋdi sɔlɛnɨ na ləgɨŋ tɔgɨ bɨ, kɨŋ na ɨləŋ tɔgɨ dan̰ kandi cɨndɨgɨŋ bɨ, na homgɨŋ tɔgɨ kol canɨ bɨ, lee gɨ gusɨnɨ mɔŋ tɔgɨ koldi ƴee coŋ.

2 Korɛ̰t 8:6

Na toy di hɨn̰ wo̰ ma mani olɨn̰ Titɨ gɨ ban na jɨga dɨɗe kɨbɨ gɨye gɨ da hɔgɛ hɨnga ga ni bee kalɨn̰ ga tumɔ ban ba ɗe toyge duroygɨŋ le danagɨŋ.

2 Korɛ̰t 9:14

Kan kɨya ɔlɛ Kumu kol caygɨŋ. Kuduroyge woy kəgəgə caygɨŋ kol ɗarwa di gumu di Kumu ƴom danagɨŋ.

2 Korɛ̰t 9:8

Kumu ɓal ba kɨya bɨgɨŋ ɗarwa di tɔɔ kan̰do kan̰do nɔm dan̰ kɔndɔ haa, ɗe agɨŋ orɨn̰ dan̰ hɨnga nɔm ga ɓalgɨŋ dan̰ wɔlɛ pɨna pɨna bɨ, ɗe toyge ga ba kondɨ tɔgɨ le, agɨŋ leen̰ gɨye gɨ ɗari nɔm bɨ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

2 Timote 2:1

Naa hɨn̰ wo̰ na, kuronɨ, ɗarwa di Jesu-Kɨris ba lee dan̰ kan ga bugoŋ pɨna danayi le, ɨr cay nee usa.

Əbɨro 12:28

Na hɨn̰ wo̰ ma, ɗa gɨ na laan̰gɨŋ Kumu ho’o kɨya gɨ ban bɨna dɔɔ-ƴaa di osu di kɨya yɨbagdaŋ naŋ. Kuɗa gɨ na laan̰ Kumu ho’o, laan̰ gɨye bii dan̰ gɨyəŋ gɨ kɨya ƴɔɔ-cɨndi, dan̰ dɔbɛ caa bɨ, bɔgɛ kɔl bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

Wasɨn̰a 3:17

Kɨya wa kɨŋ ye hɨn̰: “Ni na ka-wɔɔ hɨnga bɨ, kandi-wɔɔ walɨn̰ gusɨni tɛlɛlɛ tɛlɛlɛ bɨ, n̰agedi hɨnga pɨna wo̰ laani naŋ bɨ.” Ama kɨŋ sɨla gɨ leen̰ cɨndi toygɨŋ na bɛrɛ naŋ bɨ, kɨŋ sɨla gɨ cɨndɨgɨŋ na laa n̰age naŋ bɨ, wɔɔdɨgɨŋ na unɔ naŋ bɨ, kɨŋ naa ka-bɨbe naŋ bɨ, kɨŋ na ɨra toygɨŋ kalɨn̰ naŋ bɨ.