2 Korɛ̰t 8:21 - Gabri Maja

²¹ Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

2 Korɛ̰t 8:21 ပူးပေါင်းရင်းမြစ်များ

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Matɨyo 6:1

«Hɨnga ga kɨŋ kɨya lɔɔ tumɔ pa dɨm ma, ɗe gɨl gɨ kɨŋ naa kalaŋ ga dan̰ durɔ ɗɨngar tumoy Kumu na, ɗɔɔgɨŋ ba looge cɨn̰ kalaŋ. Hɨn̰ gɨ kɨŋ na laa hɨnga kɨya cɨn̰ kalaŋ na, Baygɨŋ gɨ woy a daa nii kɨya bɨgɨŋ cay kobɨgɨŋ naŋ.

Matɨyo 6:4

ɗe gɨ hɨnga ga ji ba bii le woy kɨɗɨn̰ wɔsɛdɨge gaŋ pḛḛ. Ɨni na, Banɨ gɨ ba-sɔlɛ hɨnga ga woy kɨɗɨn̰ wɔsɛdɨge gaŋ pḛḛ le, kɨya bɨn̰ cay kobɨn̰.

Magtubu di Pol wal bɨn̰ kalaŋ ga Rɔm 12:17

Hɨn̰ gɨ ungo na laagɨŋ ɨsɨna na, jogɨn̰gɨŋ dan̰ ɨsɨna daa bii ban̰di nee naŋ. Kuɗa gɨ lɔɔ hɨnga ga ɗari ba ƴɨma kuduroygɨŋ a cɨn̰ kalaŋ nɔm.

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 8:20

Ni ɗe muɗɔlɛ a cay gusɨni gɨŋ, ɗe ani na dɨɗɨn̰ kɨbɨ gɨye gɨ da gursu di kondi di beenige kobɨni le dan̰ ɗarway, ɗe ani na bɨn̰ ungo gɨyəŋ gɨ ni yen̰ kɔl gɨ ɨsɨni a cayni naŋ.

2 Korɛ̰t 8:22

Kurɨndɨni gɨ ni ba gɨwasii kɨbɨ hɨnga ga kondɨ gaŋ bɨ, gɨl gɨ gusi na hɨmbalii gɨɗaŋ a kɨbɨ gɨye gɨŋ le, ni gɨyii ɗe or danage. Haw kɛ na gusi hɨmbalii gɨɗaŋ ɗɨn̰ gɨ tumɔ coŋ, kɨya wa ban bee kuduroy cɔb cɔb caygɨŋ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

1 Tesalonigɨ 5:22

Dɨragɨŋ gusɨgɨŋ sɛdɨ coŋ te hɨnga ga ɨsɨni nɔm ga toyge kan̰dɨge kan̰dɨge.

1 Timote 3:7

Ɗaŋ coŋ, naa wa wa kalɨn̰ ma, kuɗa gɨ kalaŋ ga doŋ yage koldi kuɗa, naŋ na dasi kɨya bɔɔ cayi bɨ, ban kɨya bɔɔ boy boy da Haban̰ dɨŋ bɨ.

1 Timote 5:14

Kuɗa gɨ kandɨ ga kodɨn̰ige ma ga baage kambɨle ƴee le, ɨŋ gey gɨ kan ƴage ban̰aŋ bɨ, wɔɔge karɨn̰aŋ bɨ, ɗage cɨndɨge kardi kalaŋ ga a duroy ƴaadɨge gɨŋ kuɗa bɨ. Na hɨn̰ wo̰ ma kɨya bɨn̰ ka-baadɨnagɨŋ gɨyəŋ yon̰ kɔl gɨ ɨsɨni caynagɨŋ naŋ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.