2 Korɛ̰t 8:20 - Gabri Maja

²⁰ Ni ɗe muɗɔlɛ a cay gusɨni gɨŋ, ɗe ani na dɨɗɨn̰ kɨbɨ gɨye gɨ da gursu di kondi di beenige kobɨni le dan̰ ɗarway, ɗe ani na bɨn̰ ungo gɨyəŋ gɨ ni yen̰ kɔl gɨ ɨsɨni a cayni naŋ.

2 Korɛ̰t 8:20 ပူးပေါင်းရင်းမြစ်များ

Matɨyo 10:16

«Jagɨŋ, ɨŋ-bandi ɨŋ kɨya gɨygɨŋ duroy kalaŋ, na hɨn̰ gamge a duroy gaye ga coŋ gaŋ wo̰. Na toy di hɨn̰ wo̰ ma, ɗagɨŋ muɗɔlɛ cay gusɨgɨŋ gɨŋ hɨn̰ kumbulo wo̰ bɨ, ɗagɨŋ gɨ kuduroygɨŋ bɛrɛ-kən̰jəŋ hɨn̰ guu di bɛrɛ-kən̰jəŋ wo̰ bɨ.

Magtubu di Pol wal bɨn̰ kalaŋ ga Rɔm 14:16

Kɨŋ ɗɔɔ hɨnga ga kuɗa cɨndɨgɨŋ haŋge gɨyəŋ ɗe kalaŋ yon̰ kɔl gɨ ɨsɨni kol caygɨŋ naŋ.

1 Korɛ̰t 16:3

Kɨɗɨn̰ ga ɨŋ na bugoŋ ɨni na, kan ga kɨŋ ba torge le ɨŋ kɨya bɨge magtubu ɗe kan orɨn̰ge dan̰ gursu togɨŋ di kɨŋ ba hogu le a cay ƴaa-di-gumu di Jerusalɛm.

2 Korɛ̰t 11:12

Hɨnga ga ɨŋ ba lee ga nee le, ɨŋ kɨya wɔyɛ te lɔɔ cɨnɨ jɨn̰ tumɔ tumɔ. Hɨn̰ wo̰ na ɨŋ kɨya narɨn̰ kalaŋ ga pɨna ga somge malge gɨyəŋ gɨ ni gɨle gusɨge gɨ kan na ɓalɨn̰ danani le gɨyəŋ.

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

2 Korɛ̰t 8:21

Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

Epɛs 5:15

Ɨrɨmgɨŋ kuɗa a cay gɨye-lɔɔdɨgɨŋ gɨŋ. Kɨŋ ɗɔɔ ba lɔɔ hɨnga hɨn̰ kalaŋ ga ɨran̰ge dan̰ cɨn̰-muɗɔlɛ naŋ wo̰ naŋ, ama kɨŋ laa hɨnga hɨn̰ kalaŋ ga muɗoldoŋ wo̰.

1 Tesalonigɨ 5:22

Dɨragɨŋ gusɨgɨŋ sɛdɨ coŋ te hɨnga ga ɨsɨni nɔm ga toyge kan̰dɨge kan̰dɨge.