2 Korɛ̰t 8:2 - Gabri Maja

² Hɨnga ga ni dɔsɛ-ɗugɔ ga toyge kan̰dɨge kan̰dɨge gɨwasɨ ka-aye kudurɔ. Ama gusɨge mooge tɔgɨ duroy hɨnga ga ni dɔsɛ-ɗugɔ ga nee le. Hɨnga wɔɔdɨge unɔ na unɔ yɔd ama kan leege wandɨ cɨla.

2 Korɛ̰t 8:2 ပူးပေါင်းရင်းမြစ်များ

Matɨyo 20:15

Ɨŋ ɓala lɔɔ hɨnga ga kuduronɨ gey dan̰ hɨnga-wɔɔnɨ naŋ ga? Naŋ le, ji lee na cɨn̰-pɨɗɨma kɨya ɗarwa di ɨŋ lee le ga?”»

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 2:9

Na toy di hɨn̰ wo̰ ma maŋ walɨn̰ dan̰ magtubu bɨgɨŋ, ɨŋ gey na gɨwase kuduroygɨŋ solɨn̰ kɛ kɨŋ na gɨ jɔɔ kɔl kɨbɨnɨ ojɨn̰ cay hɨnga nɔm ga?

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

2 Korɛ̰t 9:11

Hɨn̰ wo̰ na kɨŋ kɨya wɔɔ kandi-wɔɔ dan̰ te gɨyəŋ gɨ toy kan̰di kan̰di ɗe agɨŋ ɓal be hɨnga kondɨ dan̰ tɨwa nɔm. Hɨn̰ wo̰ na kalaŋ kondɨ kɨya loon̰ge Kumu ho’o kɨya cay hɨnga ga ni bee-kalɨn̰ ga ni ba kɨya bɨge dan̰ gusondɨge.

2 Korɛ̰t 9:13

Gɨye gɨ nee le, lee gɨ kalaŋ solge gɨ kɨŋ naa ka-aye kudurɔ ga leen̰ cɨndi. Kɨŋ gɨlge hɨn̰ gɨ kɨŋ na bee kɔl a cay Kɔl-gɨ-Ɗari gɨ da Kɨris gɨŋ hagɨŋ. Kɨŋ ƴom wandɨ dan̰ ka-aye kudurɔ ga a Jerusalɛm bɨ, dan̰ kalaŋ ga ɗaŋ nɔm nee bɨ, a te hɔgɛ hɨnga pɨna gaŋ bɨ. Na toy di hɨn̰ wo̰ ma kan kɨya hɨramege Kumu tɔgɨ.

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

1 Tesalonigɨ 2:14

Ay, karmɨnɨ ga ban̰aŋ dan̰ ga kandɨ, kɨŋ ay cay tɨban̰ gɨyəŋ gɨ nee le, hɨn̰ Ka-Daye ga da Kumu ga bugoŋge pɨna dan̰ Jesu-Kɨris, ga somge a cay gɨsəŋ ga Jude gaŋ le. Kɨŋ woy na hɨn̰ kan wo̰ bɨ. Kalaŋ ga a cay gɨsəŋ kagɨŋ gaŋ gɨlgɨŋge cɨn̰ na hɨn̰ gɨ Jubɨn̰əŋ kalɨn̰ ma ba gɨlɨn̰ge kalaŋ ga da Jesu ga a cay gɨsəŋ kage gaŋ cɨn̰ wo̰ bɨ.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.