2 Korɛ̰t 8:19 - Gabri Maja

¹⁹ Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

2 Korɛ̰t 8:19 ပူးပေါင်းရင်းမြစ်များ

Gɨye-lɔɔ 14:23

A duroy Ka-Daye gaŋ pɨna pɨna na, kan torge kalaŋ ga muɗoldoŋ duroy nee bɨn̰ ka-aye kudurɔ. Kardi nee ɨni na, kan hayge kɨbɨge bɨ, olge Kumu bɨ, pa dɨm ma kan beegege kobɨ Ba-gulɔŋ gɨ kan beege kuduroyge cayi le ƴee.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:25

Na toy di hɨn̰ wo̰ ma, mani bee noyni pɨna, torɨn̰ kalaŋ kɨya gɨyge gusɨgɨŋ. Kan kɨya bɔgɛ Barnabas dan̰ Pol ga na ka-pogɨn̰ini ga ni ɗege jam cɨndɨni gaŋ.

Gɨye-lɔɔ 19:22

Ban gɨy kalaŋ sɔɔ duroy ka-lɔɔ gɨye danayi, na Timote bɨ, Erasɨ bɨ. Kan orge Masedɨwan tumoyi, ama na ban ba bɔɔ karu a cay gɨsəŋ ga Aji gaŋ ɓale wɔlɛ lam.

Gɨye-lɔɔ 19:29

Kɔl gɨ nee le ƴee cay ƴaa-di-gumu nɔm, lee gɨ kalaŋ kondɨ dulomge orge kɨɗɨn̰ dayaŋ gaŋ, bɨ sɨdɨrdege Gayus dan̰ Aristarg ga na kalaŋ ga a cay ƴaa di Masedɨwan dɨŋ bɨ, na Pol ka-pogɨn̰ii bɨ, orɨn̰ge danage.

Magtubu di Pol wal bɨn̰ kalaŋ ga Rɔm 5:11

Ɗɨn̰ gɨ nee le na, haw kɛ na, na ɨre lee gusi-mɔwa kɨya cay Kumu dan̰ gɨyəŋ gɨ da Ba-gulondɨna Jesu-Kɨris, kɨya wa na ban ba hangɨna gɨyəŋ gɨ da bugoŋ pɨna dan̰ Kumu.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

2 Korɛ̰t 4:15

Hɨnga nɔm ga ba andaŋ cayni le na kol caygɨŋ, ɗe ɗarwa di da Kumu andaŋ gusi kondɨwadi kalaŋ jɨn̰ tumɔ tumɔ. Hɨn̰ wo̰ na kondɨwadi kalaŋ kɨya loon̰ge Kumu ho’o bɨ, dɨbege gusoŋ-tɔgɛ cayi bɨ.

2 Korɛ̰t 8:11

Haw kɛ na, kuɗa gɨ kɨŋ laa hɨnga ga nee le dɨɗɨn̰ kɨbi yɔd coŋ dan̰ gɨyəŋ gɨ da hɨnga ga woy kobɨgɨŋ le. Kɨŋ laa dan̰ gusi-hɨmbalwa bɨ, dan̰ kuduroy-geye kogɨŋ bɨ.

2 Korɛ̰t 8:12

Hɨn̰ gɨ kuduroy-geye kogɨŋ na kuɗa na, Kumu kɨya ƴɔɔ hɨnga ga kɨŋ ba kɨya bii le. Ji gɨ bee hɨnga ga ji ɨran̰ naŋ, naŋ. Ban gey gɨ kɨŋ na bii naa kandi-wɔɔ ga kɨŋ orɨn̰ ƴɔbɨ.

2 Korɛ̰t 8:20

Ni ɗe muɗɔlɛ a cay gusɨni gɨŋ, ɗe ani na dɨɗɨn̰ kɨbɨ gɨye gɨ da gursu di kondi di beenige kobɨni le dan̰ ɗarway, ɗe ani na bɨn̰ ungo gɨyəŋ gɨ ni yen̰ kɔl gɨ ɨsɨni a cayni naŋ.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

2 Korɛ̰t 9:8

Kumu ɓal ba kɨya bɨgɨŋ ɗarwa di tɔɔ kan̰do kan̰do nɔm dan̰ kɔndɔ haa, ɗe agɨŋ orɨn̰ dan̰ hɨnga nɔm ga ɓalgɨŋ dan̰ wɔlɛ pɨna pɨna bɨ, ɗe toyge ga ba kondɨ tɔgɨ le, agɨŋ leen̰ gɨye gɨ ɗari nɔm bɨ.