2 Korɛ̰t 8:12 - Gabri Maja

¹² Hɨn̰ gɨ kuduroy-geye kogɨŋ na kuɗa na, Kumu kɨya ƴɔɔ hɨnga ga kɨŋ ba kɨya bii le. Ji gɨ bee hɨnga ga ji ɨran̰ naŋ, naŋ. Ban gey gɨ kɨŋ na bii naa kandi-wɔɔ ga kɨŋ orɨn̰ ƴɔbɨ.

2 Korɛ̰t 8:12 ပူးပေါင်းရင်းမြစ်များ

Matɨyo 25:17

Guyɔŋ gɨ orɨn̰ dan̰ gursu di ni lɔr aru sɔɔ le, lee na hɨn̰ gɨ mɨgayi ba leen̰ le wo̰ bɨ, wan̰ kaŋdo aru sɔɔ cay nee.

Matɨyo 25:22

Guyɔŋ gɨ ba-gulondi bii gursu di ni lɔr aru sɔɔ le, ɨrga bɨ yeyi hɨn̰: “Ba-gulonɨ, tumɔ ji bəŋ gursu di ni lɔr aru sɔɔ. Ama sɨla ɨŋ way kaŋdo aru sɔɔ ɗaŋ cay nee coŋ.”

Kɔl-gɨ-Ɗari gɨ Lug wal 16:10

Hɨn̰ gɨ ungo na cɨbɨ cɨndi a cay hɨnga ga dḛ ga kan beeyige kobi na, ban kɨya cɨbe cɨndi a cay hɨnga ga kondi ga kan beeyige kobi bɨ. Waŋ waŋ gɨ gɨye-lɔɔdi na ɨra dan̰ durɔ ɗɨngar a cay hɨnga ga dḛ gaŋ naŋ na, gɨye-lɔɔdi kɨya ɔrɛ dan̰ durɔ ɗɨngar a cay hɨnga ga kondi gaŋ naŋ bɨ.

2 Korɛ̰t 8:11

Haw kɛ na, kuɗa gɨ kɨŋ laa hɨnga ga nee le dɨɗɨn̰ kɨbi yɔd coŋ dan̰ gɨyəŋ gɨ da hɨnga ga woy kobɨgɨŋ le. Kɨŋ laa dan̰ gusi-hɨmbalwa bɨ, dan̰ kuduroy-geye kogɨŋ bɨ.

2 Korɛ̰t 8:13

Ɨŋ ye hɨn̰ wo̰ na ɗe gɨ kɨŋ na hugan̰ hɨnga wɔɔdɨgɨŋ nɔm bɨn̰ kan ga ɗaŋ jalan̰ kuduroyge bɨ, kɨŋ na bɨl sɨma duroy n̰age dɨŋ naŋ. Ama ɨŋ gey gɨ kɨŋ gusɨna hɨnga wɔɔdɨgɨŋ bɨn̰ kan ga ɗaŋ ɗe ɓadɨldɨn̰ dɛj dɛj.

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

2 Korɛ̰t 9:7

Naa hɨn̰ wo̰ na kuɗa gɨ waŋ waŋ kalɨn̰ ma bee hɨnga hɨn̰ gɨ ban ojɨ a kuduroy. Ɗa gɨ kardi nee ban be dɨle ɨle gusi bɨ, wala hɨn̰ ungo gɨ ƴomiige dan̰ gu wo̰ naŋ bɨ, ama ɗa gɨ ban laa dan̰ gusi-mɔwa. Kɨya wa Kumu gey na ungo gɨ ba-bee hɨnga dan̰ gusi-mɔwa.

1 Pɨyɛr 4:10

Kumu bɨgɨŋ hɨnga ga ni ɗarwa ga toyge kan̰dɨge kan̰dɨge. Na hɨn̰ wo̰ ma, kuɗa gɨ waŋ waŋ kalɨn̰ ma aya kɨway hɨnga ga ni tɔrɛ-kɨbɨ ga Kumu bii le, gusɨnan̰ kamdi bɨ. Na cɨndi, kɨŋ na ka-sɔlɛ kardi hɨnga ga ni ɗarwa di da Kumu ga ɗadɨrdaŋ.