2 Korɛ̰t 8:10 - Gabri Maja

¹⁰ Ojɨn̰ cay kɔl gɨ nee le aŋ yəgɨŋ ɨrɨmenɨ. Kuɗa gɨ kɨŋ dɨɗɨ kɨbɨ gɨye gɨ kɨŋ ay toy naga haw kɛ, kɨya wa kɨŋ na ga cay wase boy gɨye gɨ nee gɨŋ le. Ɗɨn̰ gɨ nee le na, kɨŋ na ga cay wase ga orɨn̰ dan̰ geye agɨŋ na leen̰ gɨye gɨ nee le.

2 Korɛ̰t 8:10 ပူးပေါင်းရင်းမြစ်များ

Matɨyo 10:42

Aŋ yəgɨŋ daa waŋ na cɨndi: Waŋ waŋ gɨ na bɨn̰ ungo duroy kalaŋ kange ga n̰en̰əŋ kɛ le, kaŋ ga jali dan̰ ungo di dḛḛ kɨya gɨ ban naa ba-aye-cay-tɨbanɨ na, kɨya wɔɔ hɨnga ga ni cay kobi.»

Kɔl-gɨ-Ɗari gɨ Ja̰ wal 11:50

Kɔl gɨ nee le kɨŋ ɨrɨm toy sɨla naŋ, kɨya wa kɨya bɨle na ɗarwa togɨŋ kɨŋ-gandi hagɨŋ. Hɨn̰ gɨ ungo pɨna hayi na mara kɨya dɨmdɨrdi kalaŋ na, golgo ɗɨn̰ gɨ te wɔɔ gɨ da kalaŋ kana nɔm na ba mundoŋge.

Kɔl-gɨ-Ɗari gɨ Ja̰ wal 16:7

Ama ɨŋ yəgɨŋ na kɔl gɨ cɨndi: Hɨn̰ gɨ ɨŋ na ɨra na, kɨya kuɗa kol caygɨŋ. Kɨya wa ɨŋ na ɨra naŋ na, Ba-ƴɔɔ caygɨŋ kɨya ɨrga waygɨŋ naŋ. Ama hɨn̰ gɨ ɨŋ na ɨra na, ɨŋ kɨya gɨygɨn̰ danayi bɨgɨŋ.

Kɔl-gɨ-Ɗari gɨ Ja̰ wal 18:14

Na Kayip gɨ nee le gaŋ ba naa tumɔ bogɨn̰ Jubɨn̰əŋ kɔl kuduroyge yege hɨn̰: «Hɨn̰ gɨ ungo pɨna naa ba mara kɨya cay te kalaŋ kana na, na golgo le.»

1 Korɛ̰t 10:23

«Ɗege gɨyəŋ bəŋ gɨ ɨŋ na laa hɨnga nɔm», ama hɨnga nɔm bayana gɨ ni lɔɔ naŋ. «Ɗege gɨyəŋ bəŋ gɨ ɨŋ na laa hɨnga nɔm», ama hɨnga ga nee le nɔm kɨya loon̰ ungo ɗarwa naŋ.

1 Korɛ̰t 16:2

Dan̰ wɔlɛ gɨ ni dɨmasɨ dɨmasɨ nɔm le, ojɨ gɨ waŋ waŋ kalɨn̰ ma duroygɨŋ gɨsɨ dan̰ gɨyəŋ gɨ da hɨnga ga ban orɨn̰ gɨ ni dorɨn̰ kɨbɨ gursu toy ɗɔ a tayi. Hɨn̰ wo̰ na kɨɗɨn̰ ga ɨŋ na bugoŋ na kɨŋ kɨya orɨn̰ dan̰ n̰agedi hɔgɛ hɨnga naŋ ɨni.

1 Korɛ̰t 6:12

«Ɗege gɨyəŋ bəŋ gɨ ɨŋ na laa hɨnga nɔm.» Ama hɨnga nɔm ban̰ gɨ ni lɔɔ naŋ. «Ɗege gɨyəŋ bəŋ gɨ ɨŋ na laa hɨnga nɔm.» Ama ɨŋ kɨya ɗɔɔ hɨnga pɨna wo̰ ƴɔmɔŋ guyɔŋdu naŋ bɨrɨŋ.

1 Korɛ̰t 7:25

Kɔl gɨ ojɨ cay kan ga sayge ma ƴage gusɨge tama dan̰ bara naŋ ƴee le, kɔl gɨ Ba-gulɔŋ yəŋ ɗe aŋ na dɨbgɨŋ cay nee unɔ, ama na ɨrɨmenɨ maŋ yəgɨŋ dan̰ gɨyəŋ gɨ da ungo gɨ Ba-gulɔŋ sol cɨn̰-n̰age toyi gɨ kɨŋ ɓal bɔgɛ kuduroygɨŋ cayi.

1 Korɛ̰t 7:40

Ama hɨnge ɨŋ-bandi na, hɨn̰ gɨ hɨndi na sɨma dɨle ƴɔɔ bara na, guso kɨya mɔɔ tɔgɨ ɗɨn̰ gɨ tumɔ. Ɨŋ ɨrɨm gɨ ɨŋ-bandi kalɨn̰ ma ɨŋ orɨn̰ dan̰ Turnoy Kumu bɨ.

2 Korɛ̰t 12:1

Gɨle gusu ɗarwadi unɔ, ama naa wa wa kalɨn̰ ma ɨŋ kɨya gɨle gusɨnɨ. Ɨŋ kɨya yɔ kol hɨnga ga Ba-gulɔŋ wasɨn̰ cayge bəŋ bɨ, hɨnga ga buyoŋ cɨnɨ hɨn̰ dḛ wo̰ bɨ.

2 Korɛ̰t 8:6

Na toy di hɨn̰ wo̰ ma mani olɨn̰ Titɨ gɨ ban na jɨga dɨɗe kɨbɨ gɨye gɨ da hɔgɛ hɨnga ga ni bee kalɨn̰ ga tumɔ ban ba ɗe toyge duroygɨŋ le danagɨŋ.

2 Korɛ̰t 8:8

Ojɨn̰ cay hɔgɛ hɨnga ga ni jibe tɔɔ le, na dɔnɔ maŋ ɗa caygɨŋ naŋ. Ɨŋ yəgɨŋ na kol gusi-hɨmbalwa di da ka karme ga ɗaŋ aŋ na gɨwasɨgɨŋ. Ɨŋ bɨgɨŋ na gɨyəŋ ɗe agɨŋ na gɨlɨn̰ wandɨ togɨŋ leen̰ cɨndi.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

Pilib 4:17

Ɨŋ na ya kɔl hɨn̰ wo̰ na, ɨŋ mala na ɗe gɨ kalaŋ na bəŋ hɨnga naŋ, ama ɨŋ mal na gɨ cay kobɨgɨŋ na sa cay mɨgay mɨgay.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.