2 Korɛ̰t 7:7 - Gabri Maja

⁷ Bandɨ di ni orɨn̰ le uja na cay caga gɨ da Titɨ ƴɔbɨ naŋ, kɔl gɨ ban yeni ojɨn̰ caygɨŋ le dobɨ bandɨ kuduroyni gɨɗaŋ. Ban dorni te gɨyəŋ gɨ kɨŋ dobɨn̰ bandɨ kuduroyi. Ban yeni gɨ tabɨlaŋdi sɔlɛnɨ na ləgɨŋ tɔgɨ bɨ, kɨŋ na ɨləŋ tɔgɨ dan̰ kandi cɨndɨgɨŋ bɨ, na homgɨŋ tɔgɨ kol canɨ bɨ, lee gɨ gusɨnɨ mɔŋ tɔgɨ koldi ƴee coŋ.

2 Korɛ̰t 7:7 ပူးပေါင်းရင်းမြစ်များ

Matɨyo 26:75

Bɨ Pɨyɛr kuduroy hɨn a cay kɔl gɨ tumɔ Jesu ba yeyi hɨn̰: «Ji kɨya man̰e kɨbɨn̰ yɔ gɨ ji na sɨlaŋ naŋ can̰ sɨbɨ pa dɨm ma kuɗa kɨya ale kokorɨyo ko ƴee.» Kɨɗɨn̰ ga nee le, Pɨyɛr andaŋ doŋ bɨ, ɨle sudɔb sudɔb.

Matɨyo 5:4

Tumoy wolwa woy kol caygɨŋ, kɨŋ ga kaledɨgɨŋ jal, Kɨya wa ban kɨya bɨgɨŋ cay gɨsəŋ!

Kɔl-gɨ-Ɗari gɨ Lug wal 22:44

Kɨɗɨn̰ ga ɗugoy dusoŋ bɨ ɨrɨme kɔl ɗɨn̰ cayi bɨ le, ban ol Kumu dan̰ togi jɨn̰ nee nee, lee gɨ kɨjan̰e di andaŋ hɨn̰ kɨbar wo̰ ulgudoŋ dugo gɨsəŋ.]

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Magtubu di Pol wal bɨn̰ kalaŋ ga Rɔm 1:12

Ɗɨn̰ gɨ nee le na, ɨŋ gey ɔrɛ gusɨgɨŋ ɗe dan̰ gɨyəŋ gɨ da aye kudurɔ kogɨŋ bɨ hɨnge bɨ na, na-gandi nɔm na na wayan̰ bandɨ.

1 Korɛ̰t 5:2

Bɨ kɨŋ ɨre nee gaŋ den̰ jorgiigɨŋ hal ƴee coŋ! Ungo gɨ lee hɨnga ga hɨn̰ wo̰ le, ojɨ gɨ kuduroy-hɔmɛ ni ləgɨŋ bɨ kɨŋ ni dorii duroygɨŋ coŋ. Ama kɨŋ laa hɨnga ga nee le naŋ.

2 Korɛ̰t 1:14

Ɨŋ ye kɔl gɨ nee le kɨya wa kɨŋ ba sɔlɛ duroy kuduroy geye koni kuɗa ƴee. Hɨn̰ gɨ kɨŋ na sɨla duroy kuduroy geye koni na, wɔlɛ gɨ Ba-gulondɨna Jesu-Kɨris kɨya caga le, caygɨŋ kɨya ayaŋ daa kol cayni hɨn̰ gɨ toni ba ayaŋ daa kol caygɨŋ wo̰ bɨ.

2 Korɛ̰t 1:4

Ban na ba dɔbɛ bandɨ kuduroyna duroy hɨnga ga ni dɔsɛ-ɗugɔ gaŋ nɔm ɗe ana na ɓalɨn̰ dobɨn̰ bandɨ kuduroy kan ga somge duroy hɨnga ga ni dɔsɛ-ɗugɔ gaŋ bɨ. Na kɨya dɔbɛ bandɨ kuduroyge na dan̰ gɨyəŋ gɨ da bandɨ di na-gandi kalɨn̰ ma na wayi na gusi Kumu.

2 Korɛ̰t 2:9

Na toy di hɨn̰ wo̰ ma maŋ walɨn̰ dan̰ magtubu bɨgɨŋ, ɨŋ gey na gɨwase kuduroygɨŋ solɨn̰ kɛ kɨŋ na gɨ jɔɔ kɔl kɨbɨnɨ ojɨn̰ cay hɨnga nɔm ga?

2 Korɛ̰t 5:2

Haw kɛ na, na ɨle gusɨna a duroy kuyoŋdi-gusɨna gɨŋ gɨ woy gɨlɨn̰ hɨn̰ dabaŋ wo̰ le, kɨya wa na orɨn̰gɨŋ dan̰ tabɨlaŋdi sɔmɛ duroy ƴaa di woy a gɨɗɨgɨ-Kumu gɨŋ. Ho’o, woy gɨlɨn̰ na hɨn̰ gɨ na ba gey dobɨn̰ badɨge ga hɨrɨwa cay kamdɨge ga woy gusɨna wo̰.

2 Korɛ̰t 7:6

Ama Kumu gɨ ba dɔbɛ bandɨ kuduroy kan ga togɨyge unɔ le, dobɨ bandɨ kuduroyni dan̰ caga gɨ da kurɨndɨni Titɨ.

2 Korɛ̰t 7:8

Hɨn̰ gɨ magtubu di ɨŋ wal gɨyɨn̰ bɨgɨŋ le, na laa gɨ kɨŋ na ɨl kalɨn̰ ma, ɨŋ ɨrɨm kɔldɔ karu naŋ. Na cɨndi, tumɔ ɨŋ ɨrɨm kɔldɔ karu hange. Ama haw kɛ ɨŋ sol gɨ magtubu tɨnge le lee gɨ kɨŋ ɨle, ama kɨŋ ɨle na gɨ ni tɨwa lam wo̰.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

Kɔlɔs 2:5

Hɨn̰ gɨ ɨŋ na unɔ duroygɨŋ dan̰ kuyoŋdi-gusɨnɨ kalɨn̰ ma ɨrɨmenɨ woy caygɨŋ. Lee gɨ kɨɗɨn̰ ga kɨŋ som dan̰ gɨyəŋdi bɨ, kɨŋ som a te Kɨris gɨŋ dan̰ aye kudurɔ ɗe osu bɨ le, gusɨnɨ mɔŋ.

1 Tesalonigɨ 3:6

Ama haw kɛ na, Timote sayga gusɨgɨŋ jɨga bugoŋ gusɨni ɓala wɔlɛ naŋ ƴee, yeni kɔl gɨ ɗari gɨ ojɨ cay aye kudurɔ kogɨŋ bɨ, geye kogɨŋ bɨ. Yeni gɨ kɨŋ na ɨrɨm cayni kuɗa ban̰ nee bɨ, tabɨlaŋ sɔlɛdɨni na leegɨŋ hɨn̰ toni wo̰ bɨ.

1 Tesalonigɨ 3:8

Lee gɨ haw kɛ na, turnoyni jɨga gusɨni, kɨya wa kɨŋ ɨre osu te bugoŋ pɨna kogɨŋ dan̰ Ba-gulɔŋ.

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.

Magtubu di Jag wal 5:17

Ɨrɨmgɨŋ cay Eli ba-yɔɔ-kɔl-gɨ-Kumu-ba-yɔɔ gɨ jɨne. Ban na ungo gɨ hɨn̰ na-gandi wo̰. Ama ban ol Kumu man̰ ɗe gɨ Kumu na gɨ ɔngɛ naŋ. Bɨ kumu unga cay gɨsəŋ gaŋ naŋ bɨrɨŋ ɨlge sɨbɨ dan̰ kɨdɨrɛ jii.

2 Ja̰ 1:4

Gusɨnɨ mɔŋ tɔgɨ yɔd kɨɗɨn̰ ga ɨŋ usɨbɔŋ dan̰ karɨnde ga pɨna bɨ, ɨŋ solge te gɔrɛ a te kɔl gɨ cɨndi gɨŋ hɨn̰ gɨ Baynagɨŋ ba an̰ te tumoyi bɨnagɨŋ wo̰.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.