2 Korɛ̰t 7:6 - Gabri Maja

⁶ Ama Kumu gɨ ba dɔbɛ bandɨ kuduroy kan ga togɨyge unɔ le, dobɨ bandɨ kuduroyni dan̰ caga gɨ da kurɨndɨni Titɨ.

2 Korɛ̰t 7:6 ပူးပေါင်းရင်းမြစ်များ

Matɨyo 5:4

Tumoy wolwa woy kol caygɨŋ, kɨŋ ga kaledɨgɨŋ jal, Kɨya wa ban kɨya bɨgɨŋ cay gɨsəŋ!

Kɔl-gɨ-Ɗari gɨ Ja̰ wal 14:16

Ɨŋ-bandi, ɨŋ kɨya ɔlɛ Banɨ, ɗe bɨgɨŋ Ba-ƴɔɔ caygɨŋ a ban̰nɨ, Ba-ƴɔɔ caygɨŋ le kɨya sɔmɛ danagɨŋ dan̰ cɨndi.

Magtubu di Pol wal bɨn̰ kalaŋ ga Rɔm 15:5

Kumu gɨ ba-bee haye-kudurɔ bɨ bandɨ bɨ, kuɗa gɨ ban bɨgɨŋ ɨrɨme gɨ ni somɨn̰ pɨna nɔm togɨŋ dɨŋ, agɨŋ kobɨn̰ gɨyəŋ gɨ da Jesu-Kɨris,

2 Korɛ̰t 7:13

Na toy di hɨn̰ wo̰ ma gɨye-lɔɔdɨgɨŋ jal ɗugoyni. Ni waa na jale kudurɔ ƴɔbɨ naŋ, Titɨ gɨ kɨŋ-gandi nɔm kɨŋ lee gɨ kuduroy ba-dugo le, gusi-mɔwa toyi bɨni gusi-mɔwa gɨɗaŋ bɨ.

2 Korɛ̰t 7:14

Kɨŋ lee gɨ canɨ ayaŋ daa kɨɗɨn̰ ga ɨŋ ba yen̰ Titɨ kɔldɨgɨŋ, kɔl hɨnge gɨ nee le daŋ dasi naŋ. Hɨn̰ gɨ kɔl nɔm gɨ ni ba yəgɨŋ naa cɨndi na, kɔl nɔm gɨ ɨŋ ba ye kol caygɨŋ tumoy Titɨ kalɨn̰ ma bɨle na gɨ cɨndi bɨ.

2 Korɛ̰t 7:7

Bandɨ di ni orɨn̰ le uja na cay caga gɨ da Titɨ ƴɔbɨ naŋ, kɔl gɨ ban yeni ojɨn̰ caygɨŋ le dobɨ bandɨ kuduroyni gɨɗaŋ. Ban dorni te gɨyəŋ gɨ kɨŋ dobɨn̰ bandɨ kuduroyi. Ban yeni gɨ tabɨlaŋdi sɔlɛnɨ na ləgɨŋ tɔgɨ bɨ, kɨŋ na ɨləŋ tɔgɨ dan̰ kandi cɨndɨgɨŋ bɨ, na homgɨŋ tɔgɨ kol canɨ bɨ, lee gɨ gusɨnɨ mɔŋ tɔgɨ koldi ƴee coŋ.

Pilib 2:1

Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.