2 Korɛ̰t 7:11 - Gabri Maja

¹¹ Kumu ay ɨle kogɨŋ leen̰ gɨye, haw kɛ na sɨlagɨŋ hɨnga ga ɨle kogɨŋ ba lee! Kɨŋ ɨre cɨn̰ kandi lɔɔ gaŋ dan̰ kuduroygɨŋ ga pɨna. Kɨŋ say haw wo̰ dor kɔl dorɨn̰ kɔl caygɨŋ bɨ, kuduroygɨŋ mundoŋ kol ɨsɨna bɨ. Kɨŋ hɨndar hɨnga ga ɨsɨna kɨya ɨrgan̰ bɨ, tabɨlaŋnɨ say ləgɨŋ tɔgɨ bɨ. Kuduroygɨŋ say lee gɨ kɨŋ ɗal ba-lɔɔ ɨsɨna le. Ɨni na, kɨŋ gɨl dan̰ te gɨyəŋ nɔm gɨ kɨŋ na unɔ a boy kɔl gɨ nee gɨŋ le.

2 Korɛ̰t 7:11 ပူးပေါင်းရင်းမြစ်များ

Marg 3:5

Jesu dor tɨdi solge pɨna pɨna dan̰ kuduroy-hɔmɛ. Homii tɔgɨ kɨya cay kuduroy-osɨwa koge bɨ, ban yen̰ gɨlmi le hɨn̰: «Tara kobɨn̰.» Ungo le tar kobi bɨ, kobi le jɨga poɗɨ.

Kɔl-gɨ-Ɗari gɨ Ja̰ wal 2:17

Ɨni na, ka-aye-cay-tɨbayi hɨnɨge a cay kɔl gɨ kan walge duroy magtubu dɨŋ gɨ ye hɨn̰: «Geye gɨ ɨŋ orɨn̰ kɨya ƴaa ton̰ le, ay Banɨ ul ɗugonɨ na hɨn̰ tɨwa wo̰.»

Gɨye-lɔɔ 17:16

Kɨɗɨn̰ ga Pol som gamge a cay ƴaa di Atɛn dɨŋ le, ɨrɨmedi wɨya kɨɗɨn̰ pɨna naŋ, kɨya wa ban sol kulan̰əŋ ƴee kɨɗɨn̰ a boy cay ƴaa-di-gumu di nee dɨŋ le.

Magtubu di Pol wal bɨn̰ kalaŋ ga Rɔm 11:20

Kɔl kon̰ na cɨndi. Ama hale gɨybəŋ naŋ, kan sɨdɨrdege coŋ na kɨya gɨ kan bɨgage kuduroyge a cay Kumu naŋ, ama ji-bandi na ji som ban̰dɨge na kol bɔgɛ kudurɔ kon̰ ƴɔbɨ. Dɔgɛ jorgɨn̰ naŋ. Ɗa muɗɔlɛ a cay gusɨn̰ gɨŋ.

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 3:5

Ama hɨn̰ gɨ gɨye-lɔɔdɨna gɨ dan̰ durɔ ɗɨngar naŋ, na gɨl gɨ Kumu naa ungo gɨ dan̰ durɔ ɗɨngar na, kɛ na kɨya yɔ na wa coŋ ga? Kɨɗɨn̰ ga Kumu na laa kuduroy-hɔmɛ danana na, kɛ ban na ungo gɨ dan̰ durɔ ɗɨngar ga? Ɨŋ ye kɔl na hɨn̰ gɨ da kalaŋ ga ɨndəŋ wo̰ ƴɔbɨ.

1 Korɛ̰t 12:25

Hɨn̰ wo̰ ɗe puyoŋ na unɔ duroy kuyoŋdi-gusɨna ama ɗe kuyoŋdi-gusɨna nɔm na sɨlage kardi gusɨge ɗe ɓadɨlɨn̰.

1 Korɛ̰t 5:13

Kan ga a doŋ le, na Kumu ba kɨya bɔyɛ kɔl cayge. Dɨragɨŋ kalaŋ ga ka-kuduroy-ɨndɨwa duroygɨŋ coŋ.

1 Korɛ̰t 5:2

Bɨ kɨŋ ɨre nee gaŋ den̰ jorgiigɨŋ hal ƴee coŋ! Ungo gɨ lee hɨnga ga hɨn̰ wo̰ le, ojɨ gɨ kuduroy-hɔmɛ ni ləgɨŋ bɨ kɨŋ ni dorii duroygɨŋ coŋ. Ama kɨŋ laa hɨnga ga nee le naŋ.

2 Korɛ̰t 13:7

Ni ol Kumu ɗe gɨ kɨŋ na gɨ lɔɔ hɨnga ga ɨsɨni pɨna naŋ. Ɔlɛ koni na ɗe gɨ kalaŋ na sɨlage cɨn̰-narwa toni naŋ, ama na ɗe gɨ kɨŋ na laan̰ hɨnga ga ɗari. Ko kalaŋ ga pɨna na yage gɨ ni na gabaŋ duroy kɔbɛ gusɨni gɨŋ kalɨn̰ ma kɨya andɨge hɨnga naŋ.

2 Korɛ̰t 2:6

Ojɨn̰ cay ungo gɨ nee le, sɔ gɨ kɨŋ ba say dan̰ kondɨwaygɨŋ adɨldii le, ɓal.

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

2 Korɛ̰t 7:7

Bandɨ di ni orɨn̰ le uja na cay caga gɨ da Titɨ ƴɔbɨ naŋ, kɔl gɨ ban yeni ojɨn̰ caygɨŋ le dobɨ bandɨ kuduroyni gɨɗaŋ. Ban dorni te gɨyəŋ gɨ kɨŋ dobɨn̰ bandɨ kuduroyi. Ban yeni gɨ tabɨlaŋdi sɔlɛnɨ na ləgɨŋ tɔgɨ bɨ, kɨŋ na ɨləŋ tɔgɨ dan̰ kandi cɨndɨgɨŋ bɨ, na homgɨŋ tɔgɨ kol canɨ bɨ, lee gɨ gusɨnɨ mɔŋ tɔgɨ koldi ƴee coŋ.

2 Korɛ̰t 7:9

Haw kɛ na ɨŋ lee gusi-mɔwa. Ɨŋ laa gusi-mɔwa na kɨya ɨle kogɨŋ naŋ. Ɨŋ lee gusi-mɔwa na kɨya gɨ ɨle kogɨŋ le orɨn̰ danagɨŋ gɨ kɨŋ bɨle haldɨgɨŋ. Ɨle kogɨŋ le Kumu ay leen̰ gɨye, na toy di hɨn̰ wo̰ ma mani dɨbgɨŋ gasɨra dɨŋ naŋ.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

Epɛs 4:26

Hɨn̰ gɨ kuduroy-hɔmɛ na laagɨŋ na, kɨŋ ɗɔɔ ba lɔɔ ɨsɨna naŋ, ɗɔɔgɨŋ tɨwa ɗɔbɛ a cay kuduroy-hɔmɛ togɨŋ dɨŋ naŋ,

Epɛs 5:11

Gɨye-lɔɔ gɨ ni lɔɔ dɨlɨm dɨŋ gɨ na gɨye gɨ andaŋ hɨnga naŋ le, kɨŋ ɗɔɔ ba lɔɔ danage. Ama kɨŋ sɨɗɨgɨ toyge daa.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

1 Tesalonigɨ 4:6

Ojɨ cay kɔl gɨ nee le na, ɗɔɔ gɨ ungo mɔndɛ kuduroy kurɨndi wala tɨmdi naŋ bɨ, nare cɨndɨgɨŋ malɨn̰ gusɨgɨŋ kardi gusɨgɨŋ naŋ bɨ. Kɨya wa Ba-gulɔŋ kɨya gɔjɛ-baa di da hɨnga nɔm ga nee le. Ni yəgɨŋ kɔl gɨ nee le tumɔ bɨ, ni gɨlgɨŋ gɨ naa cɨndi bɨ.

1 Timote 5:20

Kan ga ba leege hɨnga ga ɨsɨni le, ji ɗalage cɨn̰ kamdɨge nɔm, ɗe toyge ga baa hɨndarge.

2 Timote 2:15

Ƴɨma kuduron̰ usa laan̰ gɨye an̰ ɨrɨn̰ tumoy Kumu, hɨn̰ ungo gɨ hɨnga ga ni same samii bɨ, ba-lɔɔ gɨye gɨ dasi daayi cay gɨye-lɔɔdi naŋ bɨ, hɨn̰ ungo gɨ ba-dɔrɛ kɔl gɨ cɨndi dan̰ gɨyəŋdi bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Pɨyɛr 1:17

Kɨŋ ol Kumu bɨ, kɨŋ teeyi Baygɨŋ bɨ, ban dɨra cɨn̰ ungo naŋ bɨ. Ama ban boy kɔl cay ungo gɨ ani ani ojɨn̰ cay gɨye-lɔɔdi. Na toy di hɨn̰ wo̰ ma, ojɨ gɨ kɨŋ dɨbii hurɔmɔ cayi bɨ, ɗe gɨye-lɔɔdɨgɨŋ woy gɨ ɗari a boy wɔlɛ nɔm gɨ kɨŋ ban̰ a cay gɨsəŋ gaŋ kɛ.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.

Magtubu di Jud wal 1:23

Pɨɗagegɨŋ kɨbɨ tɨwa dɨŋ coŋ. Gɨ ojɨ cay toyge di baa na, sɨlagɨŋ cɨn̰-n̰age toge. Ama ɗagɨŋ muɗɔlɛ a cay gusɨgɨŋ, ɗe agɨŋ andaŋ boy gɨye lɔɔdɨge gɨ ɨsɨni gɨŋ naŋ.

Wasɨn̰a 3:19

Ɨŋ-bandi na kalaŋ nɔm ga ɨŋ geyge le, ɨŋ halge bɨ ɨŋ ɗalge bɨ. Na toy di hɨn̰ wo̰ ma, laagɨŋ gusi-hɨmbalwa a te kɔl hɨnge gɨŋ bɨ, bɨlgɨŋ haldɨgɨŋ bɨ.