2 Korɛ̰t 7:1 - Gabri Maja

¹ Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

2 Korɛ̰t 7:1 ပူးပေါင်းရင်းမြစ်များ

Matɨyo 12:33

«Hɨn̰ gɨ hɨya naa gɨ ɗari na, kɨya wɔɔ wɔɔdi gɨ ɗari bɨ, hɨn̰ gɨ hɨya naa gɨ ɨsɨni na, kɨya wɔɔ wɔɔdi gɨ ɨsɨni bɨ. Hɨya gɨ ani ani kalɨn̰ ma, na wɔɔdi ba kɨya gɨle toyi.

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Matɨyo 5:8

Tumoy wolwa woy caygɨŋ, kɨŋ ga kuduroygɨŋ bɛrɛ kən̰jəŋ, Kɨya wa kɨŋ kɨya sɔlɛ Kumu!

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

1 Korɛ̰t 6:20

Kumu bee nare caygɨŋ bon̰ caygɨŋ ɨni. Na toy di hɨn̰ wo̰ ma, ɗa gɨ kɨŋ dɨbɨ gusoŋ-tɔgɛ a cay Kumu dan̰ kuyoŋdi-gusɨgɨŋ.

2 Korɛ̰t 1:20

Na cɨndi, hɨnga nɔm ga Kumu ye gɨ ɗi na kɨya lɔɔ le, ban lee dan̰ gɨyəŋ gɨ da Kɨris. Dan̰ gɨyəŋ gɨ da Kɨris, Kumu ye «Əw.» Na toy di hɨn̰ wo̰ ma na yəgɨŋ «Ɗa-ɗe-woy-hɨn̰-wo̰» dan̰ gusondi bɨ, na dɨbɨn̰ gusoŋ-tɔgɛ cay Kumu bɨ.

Epɛs 2:3

Tumɔ le, na-gandi nɔm na woy na hɨn̰ kalaŋ ga nee le bɨ. Kɨya wa jɨne le na lee gɨye-lɔɔ gɨ ɨsɨn, leen̰ na hɨnga ga kuyoŋdi-gusɨna gey bɨ, hɨnga ga ɨsɨni ga na sol bɨ. Tumɔ na-gandi kalɨn̰ ma, kuduroy-hɔmɛ di da Kumu woy kol cay na hɨn̰ kalaŋ ga kɔl ƴom cayge wo̰ bɨ.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

Əbɨro 12:23

Kɨŋ sɨygɨ na gusi Ka-Daye ga da karɨn̰aŋ ga woogege cay wase ga da Kumu bɨ, ga walge gusondɨge gɨɗɨgɨ-Kumu gɨŋ bɨ, kɨŋ sɨygɨ na gusi Kumu gɨ ba-bɔyɛ kɔl cay kalaŋ nɔm bɨ, gusi turnɔ da kalaŋ ga dan̰ durɔ ɗɨngar ga madɨrdaŋge ga woyge a gɨɗɨgɨ-Kumu gɨŋ gɨ Kumu bɨlge kuɗudaŋge duroŋ cɨrɛɗ bɨ.

Əbɨro 12:28

Na hɨn̰ wo̰ ma, ɗa gɨ na laan̰gɨŋ Kumu ho’o kɨya gɨ ban bɨna dɔɔ-ƴaa di osu di kɨya yɨbagdaŋ naŋ. Kuɗa gɨ na laan̰ Kumu ho’o, laan̰ gɨye bii dan̰ gɨyəŋ gɨ kɨya ƴɔɔ-cɨndi, dan̰ dɔbɛ caa bɨ, bɔgɛ kɔl bɨ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 6:9

Ay karmɨni ga ni lee-toygɨŋ, ko hɨn̰ gɨ ni na yagɨŋ kɔl hɨn̰ wo̰ kalɨn̰ ma, ni sol kuduroyni kuɗa hɨn̰ gɨ kɨŋ na a te gɨyəŋ gɨ kuɗa gɨŋ, gɨ na gɨyəŋ gɨ ni pɔɗɛ.

Magtubu di Jag wal 4:8

Sɨygɨŋ mɨnde gusi Kumu bɨ, ban kalɨn̰ ma kɨya sɨygɨ mɨnde gusɨgɨŋ bɨ. Kɨŋ ka-lɔɔ ɨsɨna le, ɨsɨbegɨŋ ɨsɨna naŋ ɨni. Kɨŋ ga kuduroygɨŋ sɔɔ sɔɔ le, pɨlgɨŋ cay ɗugoygɨŋ ɗe arɨn̰ cərərə.

1 Pɨyɛr 1:15

Kumu gɨ ba togɨgɨŋ le woy dan̰ cɨndi. Na toy di hɨn̰ wo̰ ma, kuɗa gɨ kɨŋ-gandi kalɨn̰ ma kɨŋ wɨya dan̰ cɨndɨgɨŋ te gɨye-lɔɔdɨgɨŋ gɨŋ nɔm bɨ.

1 Pɨyɛr 1:17

Kɨŋ ol Kumu bɨ, kɨŋ teeyi Baygɨŋ bɨ, ban dɨra cɨn̰ ungo naŋ bɨ. Ama ban boy kɔl cay ungo gɨ ani ani ojɨn̰ cay gɨye-lɔɔdi. Na toy di hɨn̰ wo̰ ma, ojɨ gɨ kɨŋ dɨbii hurɔmɔ cayi bɨ, ɗe gɨye-lɔɔdɨgɨŋ woy gɨ ɗari a boy wɔlɛ nɔm gɨ kɨŋ ban̰ a cay gɨsəŋ gaŋ kɛ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 1:9

Kumu na ungo gɨ ɨre a cay gasɨndi gaŋ bɨ, na ungo gɨ dan̰ durɔ ɗɨngar bɨ. Hɨn̰ gɨ na na yagɨŋ te ɨsɨna konagɨŋ daa pɨraŋ na, ban kɨya ɗɔɔ kuduroy jalɨwa cay ɨsɨna konagɨŋ gɨŋ bɨ, kɨya dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.