2 Korɛ̰t 6:8 - Gabri Maja

⁸ Kalaŋ ga pɨna dɨbɨge gusoŋ-tɔgɛ cayni bɨ, kan ga ɗaŋ hagɨrnige bɨ. Kalaŋ ga pɨna yege kɔl gɨ ɨsɨni cayni bɨ, kan ga ɗaŋ yege kɔl gɨ ɗari cayni bɨ. Leenige leen̰ kalaŋ ka-yɔɔ-kɔl poy, ama ni na ka-yɔɔ kɔl gɨ cɨndi.

2 Korɛ̰t 6:8 ပူးပေါင်းရင်းမြစ်များ

Matɨyo 10:25

Hɨn̰ gɨ ba-aye-cay-tɨbay ba-gɨlii hɨnga na gɨlɨn̰ dan̰ ba-gɨlii hɨnga bɨ, marɨna ba-gɨye na gɨlɨn̰ dan̰ ba-gulondi bɨ ɨni na, ɓal hɨn̰ wo̰. Hɨn̰ gɨ kalaŋ na ɨrage bɨrɨŋ tɔgɛge ba-ƴaa Bɛljebul na, kɛ kan gɨ tɔgɛge kan ga a duroy ƴaadi dɨŋ na mɨna bɨ ga?

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Matɨyo 27:63

Bɨ yeyige hɨn̰: «Ba-gulɔŋ, kuduroyni hɨn a cay kɔl gɨ ba nare kalaŋ gɨ kɛ gɨ nee le ye, kɨɗɨn̰ ga ban ban̰ dan̰ cɨndi ƴee le. Ban ye hɨn̰: “Wɔlɛ sɔɔ, sɨbɨdi bɨ na, ɨŋ kɨya bɔyɛ lɨbe.”»

Marg 12:14

Bugoŋge gusi ɨni na, kan yeyige hɨn̰: «Ba-gɨlɨn̰ kalaŋ hɨnga, ni sol gɨ ji na ungo ba yɔɔ kɔl gɨ cɨndi bɨ, ji hɨndara cɨn̰ ungo naŋ bɨ, kɨya wa ji dɨra cɨn̰ ungo naŋ. Ama ji gɨlɨn̰ kɔl kalaŋ na te gɨyəŋ gɨ da Kumu dan̰ gɨyəŋ gɨ da kɔl gɨ cɨndi. Yani ƴee bɨ, kɛ gasɨn̰-kɔl bɨn̰ ungo gɨyəŋ gɨ ni bɨn̰ kɨlma gɨ gumu Sejar lambo wala, narii ga? Kɛ ojɨ gɨ ni gɨ bee wala bee naŋ ga?»

Kɔl-gɨ-Ɗari gɨ Ja̰ wal 7:12

Dɨmdɨrdi kalaŋ man̰ge kɔl kondɨ duroyge kol cayi. Kan ga pɨna yege hɨn̰: «Ban na ungo gɨ kuɗa» bɨ, kan ga ɗaŋ yege hɨn̰: «Na hɨn̰ wo̰ naŋ, ban nar na dɨmdɨrdi kalaŋ kɨya bogɨge kayaŋ.»

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 16:39

Kan ɨrgage gusɨge ƴom cay tɨbayge. Kardi nee ɨni na, kan dorge doŋ bɨ, olge gɨ kan na saa ɨra ɗa cay ƴaa-di-gumu le coŋ.

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 28:22

Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Gɨye-lɔɔ 4:21

Ka-bɔyɛ kɔl jɨgage teegege gɨm ɗaŋ coŋ, pa dɨm ma jɨga ɗegege daa ƴee. Kan waage gɨyəŋ gɨ ni dɨbɨn̰ kɔl cayge naŋ. Kɨya wa kalaŋ nɔm hɨramge Kumu kɨya cay hɨnga ga ba lee gusɨge le.

Gɨye-lɔɔ 5:13

Ungo gɨ ɗaŋ gɨ gey dayaŋ danage le unɔ. Ama karɨn̰ Ɨsɨrayɛl nɔm geygege tɔgɨ.

Gɨye-lɔɔ 6:3

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Magtubu di Pol wal bɨn̰ kalaŋ ga Rɔm 3:8

Ɨni na, kɨya wa ma mana ya hɨn̰: «Kuɗa gɨ na laa hɨnga ga ɨsɨni ɗe hɨnga ga ɗari andɨn̰ doŋ duroy nee naŋ ga?» Kalaŋ ga pɨna yəŋge kɔl gɨ ɨsɨni gɨ ɨŋ-bandi naa ba-yɔɔ kɔl gɨ nee le. Kumu kɨya bɔyɛ kɔl a cay kalaŋ ga hɨn̰ wo̰ le bɨ, bɔyɛ kɔl koyi gɨ nee le na dan̰ gɨyəŋdi bɨ.

2 Korɛ̰t 1:18

Kumu na tɨmon̰ hɨnge, kɔl gɨ ɨŋ ba yəgɨŋ le, na «Əw» bɨ «naŋ» bɨ, kɨbɨge koge gɨŋ naŋ.

2 Korɛ̰t 11:21

Hɨnga ga nee le nɔm na hɨnga ga ka-gɨre-gɨye ga cɨndi naŋ leege danagɨŋ. Ama ni-gandi na, ni waa togɨyni di ni loon̰ hɨnga ga nee le naŋ. Kɛ hɨnga ga nee le na dasi toni ni-gandi ga? A kɛ na, ɨŋ ye kɔl na hɨn̰ ungo gɨ ba-dɨngale wo̰: Hɨnga ga kalaŋ ga pɨna solge hɨn̰ hɨnga ga ni gɨlɨn̰ gusɨge le, ɨŋ-bandi kalɨn̰ ma ɨŋ gɨlɨn̰ gusɨnɨ bɨ.

2 Korɛ̰t 12:16

Leen̰ cɨndi, ɨŋ-bandi ɨŋ nɨn̰gɨŋ naŋ. Ama kalaŋ yege gɨ cɨnɨ na naa tɔgɨ, lee gɨ ɨŋ na ƴomgɨŋ na dan̰ jɨba.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

1 Tesalonigɨ 2:3

Kɔl-gɨ-Ɗari gɨ ni tee bɛrnɛdi le, toy sa na te ɨrɨme gɨ ɨsɨni gɨŋ naŋ bɨ, gɨ mɨdagi gɨŋ naŋ bɨ, gɨ dan̰ jɨba naŋ bɨ,

1 Timote 3:7

Ɗaŋ coŋ, naa wa wa kalɨn̰ ma, kuɗa gɨ kalaŋ ga doŋ yage koldi kuɗa, naŋ na dasi kɨya bɔɔ cayi bɨ, ban kɨya bɔɔ boy boy da Haban̰ dɨŋ bɨ.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

Əbɨro 13:13

Na toy di hɨn̰ wo̰ ma, ɗe gɨ ana andaŋgɨŋ orgɨŋ a kardi gulɔŋ gɨŋ doŋ, ɗe kan dɨbɨn̰ge dasi cay nagɨŋ hɨn̰ koyi wo̰ bɨ.

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.

3 Ja̰ 1:12

Kol cay Demetrɨyus na, kalaŋ nɔm leege tɨmon̰ di ɗari kol cayi. Bɨ kɔl gɨ cɨndi kalɨn̰ ma, lee tɨmon̰ di ɗari kol cayi bɨ. Ama ni-gandi kalɨn̰ ma, ni lee tɨmon̰ di ɗari kol cayi bɨ. Ji Gayus, ji sol gɨ tɨmon̰ di ni ba lee le naa cɨndi.

Wasɨn̰a 3:9

Sɨlagɨŋ, kan ga yege gɨ ke naa Jubɨn̰əŋ ama kan na Jubɨn̰əŋ naŋ le, kan olge Kumu duroy ƴaa-daye-di-da-Jubɨn̰əŋ hage ama leen̰ cɨndi na, kan na ka-poy, kan na ƴaa-daye di da Sidan. Kan ga nee le na, ɨŋ kɨya lɔɔ gɨ kan kɨya ɨrga gusɨgɨŋ bɨ, pɔyɛ gɨbayge dugo tumoygɨŋ bɨ ɗe kan solɨn̰ge hɨn̰ gɨ ɨŋ na geygɨŋ wo̰ bɨ.