2 Korɛ̰t 6:6 - Gabri Maja

⁶ Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

2 Korɛ̰t 6:6 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 12:9

Kuɗa gɨ geye kogɨŋ nare cɨn̰-kɨɗɨn̰ naŋ. Gɨrgɨŋ ɗagɨŋ ɨsɨna coŋ dan̰ gɨre gɨ daa, ama lun̰doŋgɨŋ kardi hɨnga ga ɗari usa.

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 13:4

Ungo gɨ wandɨ woy gusi le dɨbɨ ɗugoy bɨ, lee hɨnga ga ɗari bɨ. Ungo gɨ wandɨ woy gusi le na ba lɔɔ jangɨ naŋ bɨ. Ungo gɨ wandɨ woy gusi le na ba gɨle gusi naŋ bɨ na ba dɔgɛ jorgii naŋ bɨ.

1 Korɛ̰t 2:16

Walge duroy Magtubu di da Kumu dɨŋ yege hɨn̰: «Kɛ na waŋ ba sɔlɛ ɨrɨme gɨ da Ba-gulɔŋ ga? Kɛ na waŋ ba kɨya ɓale gɨlii hɨnga ga?» Ama ni-gandi na, ni orɨn̰ dan̰ ɨrɨme gɨ da Kɨris.

1 Korɛ̰t 2:4

Kɔl hɨnge bɨ, tɔgɛ bɛrnɛ tɨnge bɨ le na dan̰ gɨyəŋ gɨ da kɔl gɨ ni cɨn̰-muɗɔlɛ gɨ da kalaŋ naŋ, ama na dan̰ dɔnɔ di da Turnɔ di da Kumu gɨ gɨl jɨn̰ doŋ gɨ kɔl hɨnge naa kɔl gɨ cɨndi.

2 Korɛ̰t 1:23

Gɨ ojɨn̰ canɨ ɨŋ-bandi le ɨŋ ay na Kumu leen̰ tɨmon̰ hɨnge, kɔl gɨ ɨŋ ba yəgɨŋ kɛ le na cɨndi: Hɨn̰ gɨ ɨŋ na jɨga ɨra Korɛ̰t naŋ na, ɨŋ gey na ɔrɛ yogɨŋ kɔl gɨ kɨya mɔndɛ kuduroygɨŋ naŋ.

2 Korɛ̰t 11:11

Na kɨya wa ma maŋ ye kɔl hɨn̰ wo̰ ga? Na kol geye gɨ ɨŋ geygɨŋ naŋ ga? Kumu sol kuɗa gɨ ɨŋ geygɨŋ tɔgɨ!

2 Korɛ̰t 11:4

Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

2 Korɛ̰t 11:6

Na cɨndi, ɨŋ-bandi ɨŋ ɨran̰ dan̰ jɨbadi-kɔl hɨn̰ gɨ da ka-sɔlɛ kɨradi-kɔl wo̰ naŋ, ama ojɨn̰ cay hɨnga-sɔlɛ na, ɨŋ na gɨ cay wase. Na hɨnga ga ni gɨlgɨŋ doŋ waŋ duroy hɨnga nɔm dan̰ gɨyəŋ gɨ ani ani.

2 Korɛ̰t 12:15

Kol caygɨŋ na, ɨŋ kɨya mɔndɛ hɨnga nɔm ga orɨn̰ dan̰ gusi-mɔwa bɨ, ɨŋ kɨya bee gusɨnɨ kol caygɨŋ nee bɨ coŋ. Hɨn̰ gɨ ɨŋ na geygɨŋ tɔgɨ hɨn̰ wo̰ na, kɛ kɨŋ kɨya geyəŋ dḛ wo̰ hagɨŋ ga?

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 2:10

Waŋ waŋ gɨ kɨŋ na ɗa kuduroygɨŋ jala cayi na, ɨŋ-bandi kalɨn̰ ma ɨŋ ɗe kuduronɨ jal cayi bɨ. Waŋ waŋ gɨ ɨŋ ba ɗe kuduronɨ jal cayi, a cay hɨnga ga dan̰ gɨyəŋdɨge naŋ ga ban lee le, ojii na kuduroy jalɨwa, hɨn̰ gɨ leen̰ cɨndi, hɨnga ga dan̰ gɨyəŋdɨge naŋ na wɨya nee. Ɨŋ ɗe kuduronɨ jal cayi na kol caygɨŋ tumoy Kɨris.

2 Korɛ̰t 2:4

Hɨn̰ gɨ kuduronɨ na mundoŋ tɔgɨ bɨ hɨnga na dɨsa ɗugonɨ bɨ kalɨn̰ ma, ɨŋ jɨbɨ kɨbɨnɨ walɨn̰ magtubu bɨgɨŋ dan̰ kaŋdi cɨnɨ. Na kɨya mondɨn̰ kuduroygɨŋ naŋ ama na ɗe gɨ kɨŋ na sɨlan̰ gɨ ɨŋ na lee-toygɨŋ.

2 Korɛ̰t 3:3

Ho’o, kɨŋ na magtubu di Kɨris wal dobɨ kobɨni gɨ ni na bɨn̰ kalaŋ le, gɨ nee le woy arɨn̰ cɨn̰ waŋ waŋ. Kɨŋ na magtubu di walage dan̰ kaŋdi hɨnga ga ɨndi naŋ, ama na di walge dan̰ Turnɔ di da Kumu di som-bɨra dan̰ tumɔɔ. Kɨŋ na kɔl gɨ walage duroy kɨbɨ garma gɨ habɨli gɨŋ naŋ, ama duroy ɗugon̰ ungo gɨŋ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

2 Korɛ̰t 7:2

Hangagɨŋ ɗugoygɨŋ bɨni! Ni laan̰ ungo pɨna hɨnga ga dan̰ gɨyəŋdɨge naŋ, naŋ bɨ, ni mɨnda hɨnga ga da ungo pɨna naŋ bɨ, ni da kardi ungo pɨna naŋ bɨ.

Galad 3:2

Na kɔl gɨ ba kɛ pɨna hayi ma maŋ gey gɨ kɨŋ dɨbəŋ cay nee. Kɔl le ba kɛ: Kɨŋ way Turnɔ di da Kumu, na kɨya lɔɔ gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari ma magɨŋ been̰ kuduroygɨŋ cay nee ga?

Galad 3:5

Ban gɨ ba bɨgɨŋ Turnɔ bɨ, lee hɨnga ga ni beli duroygɨŋ bɨ le, ban lee na kɨya gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari bɨ, kɨŋ bee kuduroygɨŋ cay nee le ga?

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Epɛs 3:4

Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le.

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Epɛs 4:32

Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

1 Tesalonigɨ 2:10

Kɨŋ-gandi bɨ, Kumu bɨ, kɨŋ na tɨmon̰ gɨ da haldɨni gɨ ni somɨn̰ duroygɨŋ kɨŋ-gandi ka-aye kudurɔ le, na hal gɨ duroŋ mɨra bɨ, gɨ dan̰ durɔ ɗɨngar bɨ, gɨ masadi unɔ bɨ.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

1 Timote 5:2

Kandɨ ga esɨdəŋ, hɨn̰ gɨ kan naa ƴon̰ɨn̰in̰ wo̰ bɨ, kambɨle, hɨn̰ gɨ kan na karmɨn̰ ga kandɨ wo̰ bɨ, dan̰ gɨye-lɔɔ gɨ duroŋ mɨra.

2 Timote 3:10

Ama ji-bandi na, ji ay kardi hɨnga gɨle ga ɨŋ gɨlɨn̰ kalaŋ le bɨ, halnɨ bɨ, hɨnga ga ɨŋ ojɨ ga ni lɔɔ bɨ, aye kudurɔ hɨnge bɨ, dɨbe-ɗugɔ tɨnge bɨ, wandɨ tɨnge bɨ, kɨɗɨn̰ haye-kudurɔ kange bɨ.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.