2 Korɛ̰t 6:5 - Gabri Maja

⁵ Tenige bɨ, beenige dangay dɨŋ bɨ, gosɨrge kalaŋ cayni bɨ, ni lee gɨye ga osɨdəŋ osɨdəŋ bɨ, ni narɨn̰ cɨndɨni kuŋ bɨ, ni hay kɨbɨni bɨ.

2 Korɛ̰t 6:5 ပူးပေါင်းရင်းမြစ်များ

Matɨyo 14:10

Ban gɨy ungo or wale cay Ja̰ a dangay dɨŋ.

Matɨyo 14:3

Sɨlagɨŋ maana di kɔl da tɨmay Ja̰ ba-lɔɔ batɛm. Ɛrɔd ƴee Ɛrɔdɨyadɨ leen̰ tamdi. Hɨndi na tam kurɨndi Pilib. Ɨni na, Ja̰ yen̰ Ɛrɔd hɨn̰: «Ji ɨran̰ dan̰ gɨyəŋ gɨ ni ƴɔɔ tama di nee le naŋ.» Ɨni na, Ɛrɔd gɨy kalaŋ orge ƴɔmɛge Ja̰ bɨ saɗɨdiige dɨbiige dangay dɨŋ.

Matɨyo 9:15

Bɨ Jesu dɨbge cay nee yege hɨn̰: «Kalaŋ ga molgege ɨrga gɔrɛ gɨŋ dɔɔ hɨnga le, gɨ ɓalege tagɨn̰e cɨndɨge kɨɗɨn̰ ga ba-gɔrɛ ƴaa ɨre danage nee ga? Na hɨn̰ wo̰ naŋ. Ama wɔlɛ kɨya caga gɨ kan kɨya dɔrɛ ba-gɔrɛ ƴaa le duroyge. Na nee dɨm ma kan kɨya haydege kɨbɨge ƴee.

Gɨye-lɔɔ 13:3

Kɨɗɨn̰ ga kan hay kɨbɨge bɨ, olge Kumu bɨ ɨni na, kan dɨbɨge kobɨge cayge torɨn̰-kɨbɨge bɨ, ɗegege or.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 14:23

A duroy Ka-Daye gaŋ pɨna pɨna na, kan torge kalaŋ ga muɗoldoŋ duroy nee bɨn̰ ka-aye kudurɔ. Kardi nee ɨni na, kan hayge kɨbɨge bɨ, olge Kumu bɨ, pa dɨm ma kan beegege kobɨ Ba-gulɔŋ gɨ kan beege kuduroyge cayi le ƴee.

Gɨye-lɔɔ 17:5

Ama jangɨ say lee Jubɨ ga ayage kuduroyge naŋ, lee gɨ kan donge kalaŋ ka-matɨr, ga kan waygege te gɨyəŋ gɨ woli gɨŋ bɨ, dayge kan ga kan gosɨrge le pɨna bɨ, leege gɨ kalaŋ san̰ge dan̰ kuduroy-hɔmɛ a cay ƴaa-di-gumu dɨŋ. Kardi nee na, kan orge a da Jaso̰ malɨn̰ge Pol dan̰ Sɨlas kɨya orɨn̰ danage tumoyi dɨmdɨrdi kalaŋ ga dayaŋge le.

Gɨye-lɔɔ 20:31

Hɨn̰ wo̰ na, sɨgɨŋ muɗɔlɛ cay gusɨgɨŋ gɨŋ bɨ. Hɨngɨŋ cay ɨlge gɨ sɨbɨ, gɨ son̰do bɨ, tɨwa di ɨni bɨ, ɨŋ ba dɨl halgɨŋ pɨna pɨna dan̰ ɨle cɨnɨ naŋ le.

Gɨye-lɔɔ 23:10

Kɨɗɨn̰ ga man̰e-kɔl le say ɨl tɔgɨ na, ba-cay asɨgarn̰əŋ le hɨndar gɨ kan na da dɨɗe Pol. Na toy di hɨn̰ wo̰ ma, ban ay noyi bɨn̰ asɨgarn̰əŋ gɨ kan na gɨsɨn ɨra dɨrayi duroyge coŋ bɨ, kan na jɨgan̰ danayi duroy ƴaa di da asɨgarn̰əŋ dɨŋ le.

Gɨye-lɔɔ 23:35

Ba-kɨbɨ kɨlma le yey hɨn̰: «Kɨɗɨn̰ ga kalaŋ ga ka-segɨn̰ le, na ɨrege bugoŋ pa dɨm ma, maŋ gɨ jɔɔ kɔl gɨ kɨbɨn̰ ƴee.» Bɨ ban ay noyi gɨ kan na gama Pol a duroy ƴaa tɨrɨmbala di tumɔ Kɨlma Ɛrɔd ba-sɔmɛ nee dɨŋ.

Gɨye-lɔɔ 24:27

Lee ɨlge sɔɔ ɨni na, Porsɨyus Pɛstus ɨrga ƴee ban̰di Peligɨs. Ama Peligɨs gey gɨ kalaŋ ga ni Jubɨ, gusɨge na mooge cayi, lee gɨ ban ɗe Pol dangay dɨŋ mɨjag.

Gɨye-lɔɔ 26:10

Lee gɨ ɨŋ lee hɨnga ga nee le, a boy cay ƴaa-di-gumu di Jerusalɛm dɨŋ. Ka-cay ka-bɔgɛ kɨbar bəŋge gɨyəŋ, lee gɨ ɨŋ or ƴɔmɛ te kalaŋ ga woyge dan̰ cɨndɨge kondɨ beege dangay dɨŋ. Bɨ kɨɗɨn̰ ga kan dɨɗɨge le, ɨŋ gey a cay kɔl gɨ da kan ga ka-dɨɗedɨge le bɨ.

Gɨye-lɔɔ 26:29

Ɨni na, Pol jɨga dɨbii cay nee yeyi hɨn̰: «Gɨ na baa naa mɨnde wala, kunda wala, ɗe gɨ Kumu laa gɨ na ji ƴɔbɨ naŋ, ama ɗe gɨ kalaŋ nɔm ga ba jege kɔl gɨ kɨbɨnɨ labɨde le, bɨləŋge woy hɨn̰ ɨŋ-bandi wo̰, ama ɗa gɨ na dan̰ mɔrɨyɔŋ ga saɗɨ kɔbɔŋ kɛ naŋ.»

Gɨye-lɔɔ 28:30

Pol som ɨlge sɔɔ duroy ƴaa di ban agɨr gɨŋ le. Kalaŋ nɔm ga ba ɨrgage wayi le, ban ƴomge gusi.

Gɨye-lɔɔ 5:18

Kan donge ka-gɨre-gɨye beegege dangay dɨŋ di woy ojɨ cay kalaŋ nɔm.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 4:11

Bɨrɨŋ gɨsɨn̰ labɨde kalɨn̰ ma, kuroŋ leeni bɨ, gɨmase dɨni bɨ, ni or toyni kalɨn̰ bɨ, tenige bɨ, ni dɨbde daa bɨ,

1 Korɛ̰t 7:5

Narɨn̰gɨŋ gusɨgɨŋ, gusɨgɨŋ naŋ. Ama hɨn̰ gɨ kɨŋ na ɗa gusɨgɨŋ dan̰ gɨyəŋ gɨ da bugoŋ pɨna gɨ ni tɨwa lam wo̰ gɨ ni ɗon̰ gusɨgɨŋ kɨbɨ ɔlɛ Kumu gɨŋ ƴɔbɨ. Bɨ kardi nee na jɨgagɨŋ bugoŋ pɨna naŋ na, ɓale ƴɔmɛ-gusɨgɨŋ naŋ, da haŋge gɨyəŋ bɨn̰ Sidan gɨ ni gɨybɨgɨŋ dan̰ hɨnga ga ni gɨybe kaa.

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

Epɛs 3:1

Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ.

Pilib 1:13

Na toy di hɨn̰ wo̰ ma, asɨgarn̰əŋ nɔm ga ka-game ƴaa tɨrɨmbala di da ba kɨbɨ kɨlma gɨ gumu bɨ, te kalaŋ ga ɗaŋ ga baage nɔm bɨ, solɨn̰ge gɨ naa kol cay Kɨris ma maŋ na won̰ dangay dɨŋ le.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Əbɨro 11:36

Ka-aye kudurɔ ga pɨna kan sogdɨgege bɨ, somdɨgege dan̰ bɨraw bɨ, kan ga pɨna kan saɗɨdɨgege dan̰ mɔrɨyɔŋ bɨ beegege dangay dɨŋ bɨ.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Əbɨro 13:23

Ɨŋ gey gɨ kɨŋ sɨla gɨ kurɨndɨna Timote le doriige dangay dɨŋ dibiige daa ɨni. Hɨn̰ gɨ ban na ɨre haw gusɨnɨ na, ni kɨya ɔrɛ pɨna solgɨŋ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.