2 Korɛ̰t 6:4 - Gabri Maja

⁴ Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

2 Korɛ̰t 6:4 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:19

Na dan̰ ƴɔmɛ kuduroy-osɨwa kogɨŋ ma, magɨŋ kɨya wan̰ pɔɗɛ.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Gɨye-lɔɔ 20:34

Kɨŋ gusɨgɨŋ gaŋ kalɨn̰ ma, kɨŋ sol gɨ ɨŋ lee gɨye na dan̰ kɔbɔŋ ma maŋ wan̰ hɨnga ga n̰agedɨge ləŋ bɨ, lee ka-pogɨn̰ɨnɨ ga danaŋ bɨ le.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 16:10

Laan̰gɨŋ Apɛlɛs lapɨya bəŋ. Ban lee hɨnga ga gɨl gɨ ban naa ungo gɨ bee kuduroyi a cay Kɨris. Laan̰gɨŋ kalaŋ ga a duroy ƴaa di da Arisitobul dɨŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 3:5

Ama hɨn̰ gɨ gɨye-lɔɔdɨna gɨ dan̰ durɔ ɗɨngar naŋ, na gɨl gɨ Kumu naa ungo gɨ dan̰ durɔ ɗɨngar na, kɛ na kɨya yɔ na wa coŋ ga? Kɨɗɨn̰ ga Kumu na laa kuduroy-hɔmɛ danana na, kɛ ban na ungo gɨ dan̰ durɔ ɗɨngar ga? Ɨŋ ye kɔl na hɨn̰ gɨ da kalaŋ ga ɨndəŋ wo̰ ƴɔbɨ.

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

1 Korɛ̰t 3:5

Ɨni na, Apolos na waŋ bɨ Pol na waŋ bɨ ga? Kan na marɨne ka-lɔɔ gɨye ga da Kumu ga kɨŋ ay kuduroygɨŋ dan̰ gɨyəŋ koge ƴɔbɨ. Waŋ waŋ kalɨn̰ ma duroyge lee gɨye na dan̰ gɨyəŋ gɨ da tɔgɨ gɨ Ba-gulɔŋ bii.

1 Korɛ̰t 4:1

Naa hɨn̰ wo̰ na, kuɗa gɨ kɨŋ sɨlani laan̰ marɨne ka-gɨye ga da Kɨris bɨ, laan̰ kalaŋ ka-sɔlɛ kardi hɨnga ga da Kumu ga woy kɨɗɨn̰ wɔsɛdɨge gaŋ bɨ.

1 Korɛ̰t 9:11

Hɨn̰ gɨ ni na gɨsɨ cɨn̰ hɨnga ga da Turnɔ duroygɨŋ ma mani na wala cay hɨnga ga ni wɔɔ kagɨŋ na, kɛ ni lee na hɨnga ga ɗɨn̰ ɔjɛ gɨ ni lɔɔ ga?

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

2 Korɛ̰t 11:9

Kɨɗɨn̰ ga ɨŋ ba ban̰ duroygɨŋ le n̰agedi hɨnga na laaŋ na, ɨŋ ɗa nɨn̰wa cay ungo wo̰ duroygɨŋ naŋ. Na karmɨgɨŋ ga saygage a cay gɨsəŋ ga Masedɨwan ba bəŋge hɨnga nɔm ga wɨyəŋ. Ɨŋ kan̰ ɗɔ nɨn̰wa caygɨŋ ojɨn̰ cay hɨnga ga ɨŋ or n̰agedɨge bɨ, ɨŋ kɨya ɗɔ nɨn̰wa caygɨŋ naŋ bɨrɨŋ bɨ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

2 Korɛ̰t 12:12

Hɨnga ga gɨl gɨ ɨŋ naa ba-gɨre-gɨye le, lee gusɨge duroygɨŋ lee gɨ kɨŋ sol dan̰ cɨndɨgɨŋ. Kan ba kɛ: Na dɨbe-ɗugɔ duroy hɨnga ga ni gɨwase gaŋ nɔm bɨ, na hɨnga ga ni beli ga gɨl bɨ, na hɨnga ga ɗɨn̰ cɨn̰-kɨɗɨn̰ bɨ, na hɨnga ga ni lɔɔ ga dan̰ dɔnɔ bɨ.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

2 Korɛ̰t 4:8

Ni-gandi le jəŋgɨnige a kɨɗɨn̰ gaŋ nɔm, ama kan kɨya ƴomnige dugo naŋ. Ni-gandi le ni waa cay tɨbayni naŋ, ama ɗugoyni adɨldani naŋ.

2 Korɛ̰t 7:11

Kumu ay ɨle kogɨŋ leen̰ gɨye, haw kɛ na sɨlagɨŋ hɨnga ga ɨle kogɨŋ ba lee! Kɨŋ ɨre cɨn̰ kandi lɔɔ gaŋ dan̰ kuduroygɨŋ ga pɨna. Kɨŋ say haw wo̰ dor kɔl dorɨn̰ kɔl caygɨŋ bɨ, kuduroygɨŋ mundoŋ kol ɨsɨna bɨ. Kɨŋ hɨndar hɨnga ga ɨsɨna kɨya ɨrgan̰ bɨ, tabɨlaŋnɨ say ləgɨŋ tɔgɨ bɨ. Kuduroygɨŋ say lee gɨ kɨŋ ɗal ba-lɔɔ ɨsɨna le. Ɨni na, kɨŋ gɨl dan̰ te gɨyəŋ nɔm gɨ kɨŋ na unɔ a boy kɔl gɨ nee gɨŋ le.

Kɔlɔs 1:11

A duroy tɨwa nɔm na, kuɗa gɨ Kumu bɨgɨŋ tɔgɨ a duroy hɨnga nɔm, dan̰ gɨyəŋ gɨ da dɔnɔ di orɨn̰ dan̰ gusoŋ-tɔgɛ koyi ɗe agɨŋ ɓalɨn̰ ƴomɨn̰ kuduroygɨŋ duroy gɨwase gɨŋ nɔm bɨ, dɨbɨn̰ ɗugoygɨŋ bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Tesalonigɨ 3:7

Lee gɨ, karmɨnɨ ga ban̰aŋ dan̰ ga kandɨ, aye kudurɔ kogɨŋ dobɨ bandɨ kuduroyni duroy hɨnga ga bɨrɨn̰e cayni gaŋ bɨ, hɨnga ga ni gɨwase kani gaŋ bɨ.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

1 Timote 2:15

Ama tama kɨya wɔɔ pɔɗɛ na kɨya cay kɨye gɨ hɨndi kɨya wɔɔ, naa gɨ hɨndi na ƴɨma guso usa te gɨyəŋ gɨ da aye kudurɔ gɨŋ bɨ, wandɨ dɨŋ bɨ, gɨye-lɔɔ gɨ woy dan̰ cɨndi bɨ, dan̰ gɨle guso naŋ bɨ.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 2:24

Ama kuɗa gɨ marɨna ba-gɨye gɨ da Ba-gulɔŋ bɔjɨn̰dɛ naŋ. Kuɗa gɨ ban sɨma dan̰ gusi-dɔbɛ dan̰ kalaŋ nɔm bɨ, ɓala gɨlɨn̰ kalaŋ hɨnga bɨ, haya kuduroyi cay are-kɔl gɨ da ka-cɨbe cay kalaŋ dan̰ kɔl nɔm bɨ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.