2 Korɛ̰t 5:8 - Gabri Maja

⁸ Ho’o, na sɨlan̰ hɨnga pɨna naŋ, hɨnga ga mona tɔgɨ na, na gɨ na na ɗa kuyoŋdi-gusɨna gɨ ba kɛ coŋ ɨran̰ sɨman̰ gusi Ba-gulɔŋ.

2 Korɛ̰t 5:8 ပူးပေါင်းရင်းမြစ်များ

Matɨyo 25:21

Ba-gulondi le yeyi hɨn̰: “Kuɗa na ase naŋ, ji na guyɔŋ gɨ kuɗa bɨ, gɨ ɨre cay tɨbayi dɨŋ bɨ. Tumɔ ɨŋ been̰ gɨye dḛ wo̰ kobɨn̰, ama ji leen̰ gɨye dan̰ kuduron̰ ga pɨna. Na toy di hɨn̰ wo̰ ma, ɨŋ kɨya sɨn̰ cay ga kondi gaŋ. Ɨre laa gusi-mɔwa dan̰ ba-gulondɨn̰.”

Matɨyo 25:23

Ba-gulondi yeyi hɨn̰: “Kuɗa na ase naŋ, ji na guyɔŋ gɨ kuɗa bɨ, gɨ ɨre cay tɨbayi dɨŋ bɨ. Tumɔ ɨŋ been̰ gɨye dḛ wo̰ kobɨn̰, ama ji leen̰ gɨye dan̰ kuduron̰ ga pɨna. Na toy di hɨn̰ wo̰ ma, ɨŋ kɨya sɨn̰ cay ga kondi gaŋ. Ɨre laa gusi-mɔwa dan̰ ba-gulondɨn̰.”

Kɔl-gɨ-Ɗari gɨ Lug wal 2:29

«Kumu hɨnge, kɔl gɨ ji ba ye le ɓal kɨrbɨ ɨni. Ɗa guyɔŋ kon̰ ɗe ma dan̰ gusi-dɔbɛ.

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Kɔl-gɨ-Ɗari gɨ Ja̰ wal 14:3

Kɨɗɨn̰ ga ɨŋ na ɨra n̰ana kɨɗɨn̰ kɨya caygɨŋ ɨni na, ɨŋ kɨya bɨlgɨ jɨga kɨya lobgɨŋ gusɨnɨ, ɗe agɨŋ somɨn̰ kɨɗɨn̰ ga ɨŋ somɨn̰ nee gaŋ bɨ.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

2 Korɛ̰t 5:6

Dan̰ wɔlɛ pɨna pɨna le na sɨla hɨnga pɨna naŋ. Ɨni na, na sol hɨn̰ gɨ na na sɨmagɨŋ a boy kuyoŋdi-gusɨna gɨ kɛ gɨŋ ƴee na, na woy na hen̰ dan̰ Ba-gulɔŋ.

2 Korɛ̰t 5:9

Na toy di hɨn̰ wo̰ ma, hɨn̰ gɨ na na sɨma naa a boy kuyoŋdi-gusɨna gɨ a cay gɨsəŋ gaŋ kɛ wala, na na ɗay coŋ kalɨn̰ ma, hɨnga ga cɨla ɗɨn̰ hɨnga nɔm ga ɗaŋ na, na gey lɔɔ na hɨnga ga kɨya ƴɔɔ cɨn̰ Ba-gulɔŋ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 22:3

Ɓɨse kɨya unɔ bɨrɨŋ. Ɨni na, kali-tɨrɨmbala di da Kumu bɨ di da Kurɨn̰-dɨmangɨ bɨ, kɨya wɔyɛ a duroy cay ƴaa-di-gumu dɨŋ le. Kɨɗɨn̰di ga nee gaŋ le, marɨne ka-lɔɔ gɨye kayi kɨya n̰ɨriige.