2 Korɛ̰t 5:20 - Gabri Maja

²⁰ Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 5:20 ပူးပေါင်းရင်းမြစ်များ

Kɔl-gɨ-Ɗari gɨ Lug wal 10:16

Ban jɨga yen̰ ka-aye-cay-tɨbayi yege hɨn̰: «Waŋ waŋ gɨ na ja kɔl kogɨŋ na, je na kɔl hɨnge bɨ. Waŋ waŋ gɨ na jɨbɨgɨŋ sɛdɨ coŋ na, jɨbəŋ na ɨŋ-bandi sɛdɨ coŋ bɨ. Waŋ waŋ gɨ na jɨbəŋ sɛdɨ coŋ na, jɨb na ban gɨ ba gɨyigəŋ sɛdɨ coŋ bɨ.»

Kɔl-gɨ-Ɗari gɨ Lug wal 14:23

Ɨni na, Ba-gulondi le yen̰ dan̰ guyɔŋ le hɨn̰: “Andaŋ ɨra a te gɨyəŋ ga a cay karɨn̰ ƴaa gaŋ, dan̰ kɨbɨ jaŋ gaŋ. Bɨ kalaŋ nɔm ga ji na wayage na, ɨren̰ danage dan̰ osɨwa ɗe duroy ƴaa tɨnge walɨn̰ daa jɨŋ jɨŋ.

Kɔl-gɨ-Ɗari gɨ Ja̰ wal 20:21

Ɨni na, ban yege ɗaŋ coŋ hɨn̰: «Gusi-dɔbɛ baa danagɨŋ. Ɨŋ-bandi ɨŋ kɨya gɨyigɨŋ cay gɨsəŋ gaŋ, hɨn̰ gɨ Banɨ ba gɨyigəŋ a cay gɨsəŋ gaŋ bɨ.»

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

2 Korɛ̰t 5:11

Na-gandi na sol gɨ, na wa ma na hundɔrɔ Ba-gulɔŋ. Lee gɨ na mal na gɨ ni gɨlɨn̰ kalaŋ ɗe na solge kɔl gɨ cɨndi. Kumu solna kuɗa bɨ, ɨŋ ɨrɨm gɨ kɨŋ solni kuduroygɨŋ kuɗa bɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Epɛs 6:20

Kɨya cay tɔgɛ bɛrnɛ le, ɨŋ bɨləŋ ba-ƴɔɔ ban̰di Kumu a cay gɨsəŋ gaŋ bɨ, na kol caa ma kan ƴɔmɔŋge dangay dɨŋ bɨ. Kuɗa gɨ Kumu bəŋ tɔgɨ ɗe aŋ teen̰ bɛrnɛ dɨle hundɔrɔ bɨ, aŋ yen̰ kɔl hɨn̰ gɨ Kumu ba gey wo̰ bɨ.

Kɔlɔs 1:20

Ɗe hɨnga nɔm ga gɨɗɨgɨ-Kumu gaŋ bɨ, Ga cay gɨsəŋ gaŋ bɨ, Jɨga bugoŋge pɨna danayi, Dan̰ gɨyəŋ gɨ da kurondi bɨ. Na dan̰ gɨyəŋ gɨ da kɨbardi kurondi, Gɨ bugoŋ dugo a cay sɨya-gɨ-dagɨli gɨŋ, Le ma gusi-dɔbɛ woy.

1 Tesalonigɨ 4:8

Na toy di hɨn̰ wo̰ ma, waŋ waŋ gɨ na kan̰a hɨnga ga ni gɨlgɨŋ ga nee le na, kan̰a na ungo gɨ ɨndi naŋ, ama kan̰ na Kumu gɨ ba bɨgɨŋ Turnɔ toyi ɗe-kuduroy-bɛrɛ le.