2 Korɛ̰t 5:17 - Gabri Maja

¹⁷ Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

2 Korɛ̰t 5:17 ပူးပေါင်းရင်းမြစ်များ

Matɨyo 12:33

«Hɨn̰ gɨ hɨya naa gɨ ɗari na, kɨya wɔɔ wɔɔdi gɨ ɗari bɨ, hɨn̰ gɨ hɨya naa gɨ ɨsɨni na, kɨya wɔɔ wɔɔdi gɨ ɨsɨni bɨ. Hɨya gɨ ani ani kalɨn̰ ma, na wɔɔdi ba kɨya gɨle toyi.

Matɨyo 24:35

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Kɔl-gɨ-Ɗari gɨ Lug wal 5:38

Ama cɛrɛ di suru gɨ jali le kan beege na boy idili gɨ hɨrɨwa gɨŋ.

Kɔl-gɨ-Ɗari gɨ Ja̰ wal 14:20

A boy wɔlɛdi gɨ nee gɨŋ le, kɨŋ kɨya sɔlɛ gɨ ɨŋ na woy a kuduroy Banɨ bɨ, kɨŋ kalɨn̰ ma kɨŋ na woy a kuduronɨ bɨ, ɨŋ na woy a kuduroygɨŋ bɨ.

Kɔl-gɨ-Ɗari gɨ Ja̰ wal 15:2

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Kɔl-gɨ-Ɗari gɨ Ja̰ wal 15:5

«Ɨŋ-bandi, ɨŋ na hɨyadi suru bɨ, kɨŋ na karɨn̰ kobi bɨ. Ungo gɨ na bugoŋ pɨna danaŋ bɨ, ɨŋ na bugoŋ pɨna danayi bɨ na, kɨya wɔyɛ na hɨn̰ hɨyadi suru gɨ wɔɔ karɨndi tɔgɨ wo̰. Kɨya wa dɨle ɨŋ-bandi na, kɨŋ kɨya ɓale lɔɔ hɨnga pɨna cay gusɨgɨŋ naŋ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Kɔl-gɨ-Ɗari gɨ Ja̰ wal 3:3

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na jɨgage wɔɔge ungo hɨrɨwa naŋ na, ban kɨya ɓale sɔlɛ dɔɔ-ƴaa di da Kumu naŋ.»

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Magtubu di Pol wal bɨn̰ kalaŋ ga Rɔm 16:10

Laan̰gɨŋ Apɛlɛs lapɨya bəŋ. Ban lee hɨnga ga gɨl gɨ ban naa ungo gɨ bee kuduroyi a cay Kɨris. Laan̰gɨŋ kalaŋ ga a duroy ƴaa di da Arisitobul dɨŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 16:11

Laan̰gɨŋ Ɛrɔdɨyo̰ lapɨya bəŋ. Ban na gɨlmɨnɨ. Laan̰gɨŋ kalaŋ ga a duroy ƴaa gɨ da Narsis ga beege kuduroyge a cay Ba-gulɔŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 16:3

Laan̰gɨŋ Pɨrisil dan̰ Agilas, lapɨya bəŋ. Kan na kamnɨ ka-lɔɔ gɨye pɨna danaŋ te bugoŋ pɨna gɨŋ dan̰ Jesu-Kɨris.

Magtubu di Pol wal bɨn̰ kalaŋ ga Rɔm 16:7

Laan̰gɨŋ Andironikus dan̰ Junɨyas lapɨya bəŋ bɨ. Kan na kanɨ bɨ, kamnɨ ka-dangay bɨ. Kan na ka-gɨre-gɨye ga gɨmdəŋ bɨ, kan na kalaŋ ga beege kuduroyge cay Kɨris tumɔnɨ coŋ ƴee bɨ.

Magtubu di Pol wal bɨn̰ kalaŋ ga Rɔm 16:9

Laan̰gɨŋ Urbɛ̰ lapɨya bəŋ bɨ. Ban na mɨganɨ ba-lɔɔ gɨye a te bugoŋ pɨna dan̰ Kɨris gɨŋ bɨ. Laan̰gɨŋ Sɨtakis gɨ ɨŋ lee-toyi lapɨya bɨ.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 13:11

Jagɨŋ, kɨɗɨn̰ ga ɨŋ ba karma ƴee le, ɨŋ ye na kɔl karma bɨ, ɨrɨmenɨ na ɨrɨme gɨ ni karma bɨ, kɔl yɔnɨ na kɔl karma bɨ. Ama kɨɗɨn̰ ga ɨŋ malgɨ ɓal bara ɨni na, ɨŋ ɗe gɨye-lɔɔ gɨ ni karma coŋ.

2 Korɛ̰t 12:2

Ɨŋ sol ungo gɨ pɨna wo̰ gɨ bugoŋ pɨna dan̰ Kɨris, wɔlɛ gɨ pɨna wo̰ ɓal ɨlge mɔjɨ-cay-poɗɨn̰ labɨde, Kumu ayi orɨn̰ danayi bɨrɨŋ andɨn̰ a gɨɗɨgɨ-Kumu gɨ tɨba sɨbɨ gɨŋ gɨ Kumu somɨn̰ nee. Ama gɨlmi gɨ nee le, Kumu ayi na dan̰ kuyoŋdi-gusi wala dan̰ turnoyi kalɨn̰ ma ɨŋ sɨla naŋ, ban Kumu ba sɔlɛ.

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

2 Korɛ̰t 5:19

Na cɨndi, tumɔ Kumu lee gɨye dan̰ gɨyəŋ gɨ da Kɨris been̰ kalaŋ pɨna danayi, dɨle ɗɔngɨsɛ kardi hɨnga ga dan̰ gɨyəŋdɨge naŋ ga kan leege le. Gɨye bɔgɛ kalaŋ pɨna danayi gɨ nee le, Kumu gusi ba bogɨni kobɨni.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Galad 6:15

Na toy di hɨn̰ wo̰ ma, wale ban̰a wala, wale ban̰a naŋ kalɨn̰ ma, laa hɨnga naŋ. Ama hɨnga ga kuɗa tɔgɨ na, ojɨ gɨ waŋ waŋ kalɨn̰ ma na andaŋ a boy-sɔmɛ-bɨra gɨ hɨrɨwa gɨŋ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 2:15

Dan̰ gɨyəŋ gɨ da tɨmaydi na, Jesu lee gɨ na kɔbɛ gɨ da gasɨn̰-kɔl bɨ, te tumɔ bɨ, naa ba kɨya lɔɔ gɨ Kumu na kɨya ƴomna gusi naŋ. Ban lee hɨnga ga nee le, ɗe Jubɨn̰əŋ bɨ, kalaŋ ga toyge na Jubɨ naŋ bɨ, na bɨləŋge te kalaŋ ga hɨrɨwa ga bugoŋge pɨna dan̰ Kɨris bɨ, ɗe gusi-dɔbɛ na woy duroyge bɨ.

Pilib 4:21

Laan̰gɨŋ ungo gɨ ani ani gɨ woy dan̰ cɨndi a te bugoŋ pɨna dan̰ Jesu-Kɨris lapɨya. Karmɨnɨ ga ban̰aŋ dan̰ ga kandɨ nɔm ga woyge danaŋ ləgɨŋge lapɨya.