2 Korɛ̰t 5:16 - Gabri Maja

¹⁶ Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

2 Korɛ̰t 5:16 ပူးပေါင်းရင်းမြစ်များ

Matɨyo 10:37

«Waŋ waŋ gɨ na gey bayi bɨ, ƴoyi bɨ cɨla ɗəŋ ɨŋ-bandi coŋ na, kɨya ɓale bɨləŋ ba-aye-cay-tɨbanɨ naŋ bɨ. Waŋ waŋ gɨ na gey kurondi bɨ, turmoyi bɨ cɨla ɗəŋ na, kɨya ɓale bɨləŋ ba-aye-cay-tɨbanɨ naŋ bɨ.

Kɔl-gɨ-Ɗari gɨ Ja̰ wal 15:14

Hɨn̰ gɨ kɨŋ na laa te tumonɨ di ɨŋ ba ay bɨgɨŋ le na, kɨŋ na ka-pogɨn̰ɨnɨ.

Kɔl-gɨ-Ɗari gɨ Ja̰ wal 2:4

Ama Jesu jɨga dɨboo cay nee yo hɨn̰: «Tama, me gey na wa gusɨnɨ ga? Tɨwa tɨnge cege naŋ ƴee.»

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 8:15

Kɨŋ-gandi, kɨŋ boy kɔl na dan̰ gɨyəŋ gɨ da ɨrɨme gɨ da ungo. Ama Ɨŋ-bandi na, ɨŋ bɨya kɔl cay ungo pɨna naŋ

2 Korɛ̰t 11:18

Na cɨndi kalaŋ kondɨ gɨlge gusɨge dan̰ gɨyəŋ gɨ da hɨnga ga da kalaŋ ga ɨndəŋ. Ɨŋ-bandi kalɨn̰ ma ɨŋ kɨya gɨle gusɨnɨ hɨn̰ kan wo̰ bɨ.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Pilib 3:4

Hɨn̰ gɨ ɨŋ na gey na, ɨŋ-bandi kalɨn̰ ma ɨŋ ɓal gɨ ni bɔgɛ kuduronɨ a cay kuyoŋdi-gusɨnɨ gɨŋ bɨ. Hɨn̰ gɨ ungo na ɨrɨm gɨ ɗi na orɨn̰ dan̰ gɨyəŋ gɨ ni bɔgɛ kuduroy a cay hɨnga ga da kuyoŋdi-gusi gɨŋ na, ɨŋ-bandi kalɨn̰ ma ɨŋ ɨrɨm ɗɨn̰ koyi coŋ ƴee.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.