2 Korɛ̰t 4:4 - Gabri Maja

⁴ Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

2 Korɛ̰t 4:4 ပူးပေါင်းရင်းမြစ်များ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 12:35

Ɨni na, Jesu dɨbɨge cay nee yege hɨn̰: «Asɨn̰a baa duroygɨŋ gɨ ni wɔlɛ lam ƴee. Guragɨŋ kɨɗɨn̰ ga asɨn̰a baa danagɨŋ ƴee, ɗe dɨlɨm ƴogɨŋ naŋ. Ungo gɨ gor duroy dɨlɨm dɨŋ le, sɨla kɨɗɨn̰ ga gɨyəŋ koyi orɨn̰ danayi jɨn̰ nee naŋ.

Kɔl-gɨ-Ɗari gɨ Ja̰ wal 12:40

«Kumu lee gɨ cɨndɨge lugudoŋ daa bɨ, Ɗe gɨ ɨrɨmedɨge ma bɨ, Ɗe gɨ cɨndɨge na sɔlɛ kɨɗɨn̰ naŋ bɨ, Ɗe kan na solɨn̰ge te hɨnga naŋ bɨ, Gajanaŋ kan na da bɨle gɨye-lɔɔdɨge, Ma mayi na da poɗɨge.»

Kɔl-gɨ-Ɗari gɨ Ja̰ wal 12:45

Waŋ waŋ gɨ sɔlɔŋ dan̰ cɨndi na, sol ban gɨ gɨyigəŋ bɨ.

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 15:24

Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 16:11

Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Kɔl-gɨ-Ɗari gɨ Ja̰ wal 8:12

Jesu jɨga yen̰ dɨmdɨrdi kalaŋ ɗaŋ coŋ yege hɨn̰: «Ɨŋ na asɨn̰a gɨ da kalaŋ ga cay gɨsəŋ gaŋ. Ungo gɨ na kɨba karɨnɨ na, kɨya gɔrɛ duroy dɨlɨm dɨŋ naŋ bɨ, kɨya wɔɔ asɨn̰a gɨ or a kɨɗɨn̰ sɔmɛ-bɨra gɨ dan̰ cɨndi gɨŋ bɨ.»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 26:23

Kan yege gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, na kɨya mare bɨ, bɔyɛ lɨbe cay wase duroy kalaŋ ga madɨrdaŋ gaŋ bɨ, na kɨya gɨlɨn̰ te kalaŋ kani bɨ, te kalaŋ ga toyge na Jubɨ naŋ kɔl gɨ da asɨn̰a gɨ da pɔɗɛ le bɨ.»

1 Korɛ̰t 10:20

Naŋ bɨrɨŋ! Ama ɨŋ gey yɔɔgɨŋ na gɨ hɨnga ga kalaŋ ga toyge na Jubɨ naŋ walge been̰ kɨbar le bɨn̰ge na turnɔn̰əŋ ga ɨsɨndəŋ wala walage kɨbar bɨn̰ge na Kumu naŋ. Hɨn̰ wo̰ na ɨŋ gey gɨ kɨŋ gɨ bugoŋ pɨna dan̰ turnɔn̰əŋ ga ɨsɨndəŋ le naŋ.

2 Korɛ̰t 2:11

Ɨŋ ɗe kuduronɨ jal cayi ɗe Sidan na wayɨn̰ gɨyəŋ gɨ ni narɨn̰ cɨndɨni naŋ. Na cɨndi Sidan le, na sol ɨrɨmedo nɔm.

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

2 Korɛ̰t 3:11

Hɨn̰ gɨ hɨnga ga sɨma kardɨge sɨngɨɗɨ naŋ asɨn̰adɨge na wɨya nee na, kɛ na mɨna ma hɨnga ga kɨya sɔmɛ dan̰ tumoyge le, asɨn̰adɨge gɨ kondɨwa ɗɨn̰ tɔgɨ naŋ ga?

2 Korɛ̰t 3:14

Ama kan ga nee le ɨrɨmedɨge lugoŋ. Bɨrɨŋ gɨsɨn̰ labɨde hɨn̰ gɨ kan na ɗɨngɨsa kɔl gɨ da saɗe kɨbɨ pɨna ɓɨse gusu gɨ ɨlgi bɨge na, kɨbɨ badɨge ga tool cɨn̰ le woy ɨrɨmedɨge gɨŋ narge sɔlɛ duroy kɔl kuɗa. Kɨbɨ badɨge le kɨya ayaŋ na hɨn̰ gɨ kan na bugoŋ pɨna dan̰ Kɨris dɨm.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 6:12

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

Pilib 2:6

Kɨris le hɨnga nɔm ga a gusi, Gɨl gɨ ban naa Kumu hɔlɔlɔ. Ama ɓalɨn̰a gɨ ban ɓalɨn̰ dan̰ Kumu le, Ban ƴɨma kardɨge naŋ.

Kɔlɔs 1:15

Kɨris le na gɨlɨn̰a gɨ da Kumu, Gɨ ungo ɓala solii dan̰ cɨndi naŋ. Ban woy na hɨn̰ kɨye ba cay wase, Gɨ da hɨnga nɔm ga Kumu ɗe.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

1 Timote 1:11

Kɔl gɨ ni gɨle gɨ nee le, bugoŋ pɨna dan̰ Kɔl-gɨ-Ɗari gɨ bəŋge kɔbɔŋ bɨ gɨl gusoŋ-tɔgɛ gɨ da Kumu gɨ orɨn̰ dan̰ tumoy wolwa bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 6:4

Kalaŋ ga asɨn̰a gɨ da Kumu asɨn̰ kɨɗɨn̰ kuduroyge bɨ, wayge ɗarwa di sayga kobɨ Kumu kondɨ bɨ, wayge Turnɔ ɗe-kuduroy-bɛrɛ bɨ le,

2 Pɨyɛr 1:19

Lee gɨ ni lun̰doŋ kardi kɔl gɨ da ka-yɔɔ-kɔl-gɨ-Kumu-ba-yɔɔ ba yege le, osu ɗɨn̰ gɨ tumɔ coŋ. Hɨn̰ gɨ kɨŋ na bɨga kuduroygɨŋ kardi kɔl gɨ nee le na, kɨŋ lee na hɨnga ga kuɗa. Kɨya wa ban woy gɨlɨn̰ na hɨn̰ lamba di ƴee duroy dɨlɨm dɨŋ bɨrɨŋ kɨɗɨn̰ wol wo̰. Kɨɗɨn̰ ga woli le, na turɨmbɔlɔ gɨ na Kɨris gɨ kɨya lɔɔ gɨ na kɨya solɨn̰gɨŋ hɨnga nɔm.

1 Ja̰ 2:11

Ama waŋ waŋ gɨ na ƴɨma kurɨndi gɨ bara dan̰ tɨmdi di tama dan̰ kuduroyna, ban som na duroy dɨlɨm dɨŋ bɨ, or na duroy dɨlɨm dɨŋ bɨ, ban sɨla te gɨyəŋ koyi gɨ ban orɨn̰ nee naŋ bɨ, kɨya gɨ dɨlɨm bɨbɨ cɨndi.

1 Ja̰ 2:8

Ama naa hɨn̰ wo̰ kalɨn̰ ma, na te tumɔ di hɨrɨwa ma maŋ wal bɨgɨŋ bɨ, hɨndedo gɨl guso gusi Jesu bɨ, gusɨgɨŋ kɨŋ-gandi bɨ, kɨya wa dɨlɨm ay te ayaŋ bɨ, asɨn̰a gɨ cɨndi ay te asɨn̰e bɨ.

1 Ja̰ 5:19

Na solgɨŋ gɨ na na-gandi ƴɔbɨ ma na kalaŋ ga da Kumu. Ama kalaŋ ga a cay gɨsəŋ gaŋ nɔm le, woyge na te dɔnɔ di da Haban̰ Ba-lɔɔ ɨsɨna gɨŋ.