2 Korɛ̰t 4:10 - Gabri Maja

¹⁰ Jesu gɨl-cɨn̰ bɨ ma bɨ. Na-gandi kalɨn̰ ma, na kɨya gɨle-cɨn̰ hɨn̰ ban wo̰ a kɨɗɨn̰ gaŋ nɔm, ɗe sɔmɛ-bɨra gɨ da Jesu gɨl gusi kuyoŋdi-gusɨna gɨŋ bɨ.

2 Korɛ̰t 4:10 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 14:19

Lam wo̰ nee na, kalaŋ ga cay gɨsəŋ gaŋ kɨya sɔlɔŋ dan̰ cɨndɨge naŋ bɨrɨŋ. Ama kɨŋ na, kɨŋ kɨya sɔlɔŋ dan̰ cɨndɨgɨŋ kɨya gɨ ɨŋ som-bɨra bɨ, kɨŋ kalɨn̰ ma kɨŋ kɨya sɔmɛ-bɨra bɨ.

Magtubu di Pol wal bɨn̰ kalaŋ ga Rɔm 6:5

Hɨn̰ gɨ nana bugoŋ pɨna dan̰ Kɨris bɨ mara danayi a boy tɨmaydi dɨŋ bɨ na, leen̰ cɨndi na kɨya bugoŋ pɨna danayi a boy bɔyɛ lɨbedi gɨŋ bɨ.

Magtubu di Pol wal bɨn̰ kalaŋ ga Rɔm 6:8

Hɨn̰ gɨ nana mara pɨna dan̰ Kɨris na, na sol hɨn̰ gɨ nana kɨya sɔmɛ-bɨra danayi bɨ.

Magtubu di Pol wal bɨn̰ kalaŋ ga Rɔm 8:36

Walge duroy Magtubu di da Kumu dɨŋ yege hɨn̰: «Kol can̰ ji-bandi na, Ni woy kɨbɨ tɨma dɨŋ dan̰ te kɨɗɨn̰, Bɨrɨŋ ɗɔbɛ gɨ da tɨwa bɨ. Leenige leen̰ hɨn̰ gamge ga ni dɨɗe wo̰ bɨ.»

2 Korɛ̰t 1:5

Hɨnga ga ni gɨle-cɨn̰ ga da Kɨris usugoŋ cayna. Kɨris lee gɨ dɔbɛ bandɨ di ɗɨn̰ usugoŋ cayna hɨn̰ wo̰ bɨ.

2 Korɛ̰t 1:9

A kɨɗɨn̰ ga nee gaŋ le na, ni sol kuduroyni gɨ ni naa hɨnga ga da tɨma ɨni. Nərɨn̰ di andaŋ cayni le andaŋ hɨn̰ wo̰ ɗe ani na been̰ kuduroyni cay gusɨni gɨŋ gaŋ naŋ, ama ɗe ani na been̰ kuduroyni cay Kumu gɨ ba bɔyɛ kalaŋ ga madɨrdaŋ lɨbe.

2 Korɛ̰t 13:4

Na cɨndi, Kɨris le ɗe te dɔnɔ toyi daa marɨn̰ a cay sɨya-gɨ-dagɨli gɨŋ, ama ban som-bɨra dan̰ gɨyəŋ gɨ da dɔnɔ di da Kumu. Dan̰ te bugoŋ gɨ ni bugoŋ pɨna danayi le na, ni-gandi ni ɨran̰ dan̰ dɔnɔ toni naŋ, ama ni kɨya sɔmɛ-bɨra danayi dan̰ gɨyəŋ gɨ da dɔnɔ di da Kumu bɨ, na dan̰ gɨyəŋ gɨ da dɔnɔ di nee le mani kɨya lɔɔ hɨn̰ wo̰ duroygɨŋ bɨ.

2 Korɛ̰t 4:11

Na-gandi na somgɨŋ-bɨra, ama daa daa na somgɨŋ kɨbɨ tɨma dɨŋ kol cay Jesu. Hɨnga ga nee le lee gusɨge ɗe sɔmɛ-bɨra gɨ da Jesu na laa gusi a kuyoŋdi-gusɨna gɨ ba kɨya mare gɨŋ le bɨ.

Galad 6:17

Ay toy haw kɛ orɨn̰ tumɔ na, ɨŋ gey gɨ ungo pɨna wo̰ duroygɨŋ, na gɨ tɔbɔŋ duroy nee kɨya cay kɔl gɨ nee le naŋ ɨni. Kɨya wa dɨraŋ di woy gusɨnɨ le, gɨl gɨ ɨŋ naa gɨ da Jesu.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

2 Timote 2:11

Kɔl gɨ kɛ le, na kɔl gɨ cɨndi: Hɨn̰ gɨ na na maragɨŋ danayi na, Na kɨya sɔmɛ dan̰ cɨndɨnagɨŋ danayi bɨ.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.

Wasɨn̰a 1:17

Kɨɗɨn̰ ga ɨŋ sɨlga ungo gɨ nee le ɨni na, ɨŋ ba dugo tɨbayi hɨn̰ ungo gɨ ma wo̰. Ban dɨbɨ kobi gɨ bara a canɨ bɨ ye hɨn̰: «Hundɔrɔ naŋ. Ɨŋ na gɨ cay wase bɨ gɨ karu gɛs bɨ.