2 Korɛ̰t 3:6 - Gabri Maja6 Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi. အခန်းကိုကြည့်ပါ။ |
2 Korɛ̰t 3:6
45 ပူးပေါင်းရင်းမြစ်များ
Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.
Kɨɗɨn̰ ga kan diige dan̰ mapa le ɨni na, Jesu say ay dan̰ kobo ga ni nare le bɨge hɨn̰ gɨ ban ba leen̰ dan̰ mapa le bɨ yege hɨn̰: «Kobo gɨ ni nare ga kɛ le na saɗe kɨbɨ pɨna ɓɨse gusu gɨ hɨrɨwa gɨ ɨŋ lee dan̰ gɨyəŋ gɨ da kɨbarnɨ. Laagɨŋ hɨnga ga nee le a bon̰ tɨwa dɨŋ nɔm di kɨŋ kɨya son̰ agɨŋ hɨnɨn̰ canɨ.»
Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,
Ho’o, kɨŋ na magtubu di Kɨris wal dobɨ kobɨni gɨ ni na bɨn̰ kalaŋ le, gɨ nee le woy arɨn̰ cɨn̰ waŋ waŋ. Kɨŋ na magtubu di walage dan̰ kaŋdi hɨnga ga ɨndi naŋ, ama na di walge dan̰ Turnɔ di da Kumu di som-bɨra dan̰ tumɔɔ. Kɨŋ na kɔl gɨ walage duroy kɨbɨ garma gɨ habɨli gɨŋ naŋ, ama duroy ɗugon̰ ungo gɨŋ.
Gasɨn̰-kɔl ga walge a garma gɨ habɨli gɨŋ le, andaŋ na dan̰ asɨn̰a di gumu. A wɔlɛdi gɨ nee gɨŋ le cɨn̰ Moyis asɨn̰ dan̰ asɨn̰a di te wɨn̰je gɨ da Ɨsɨrayɛl ɓalage dɨbe cɨndɨge a cɨndi solii naŋ. Ama naa hɨn̰ wo̰ kalɨn̰ ma na asɨn̰a di kɨya pɨde. Hɨn̰ gɨ gasɨn̰-kɔl gɨ gɨye-lɔɔdo orɨn̰ dan̰ kalaŋ na tɨma dɨŋ le, na andaŋ dan̰ asɨn̰a di hɨn̰ wo̰ na,
Kɛ gasɨn̰-kɔl kɨya mɔndɛ hɨnga ga Kumu ye gɨ ɗi na kɨya lɔɔ le ga? Cə, na hɨn̰ wo̰ naŋ bɨrɨŋ! Tumɔ hɨn̰ gɨ kalaŋ na ɓalage wɔɔ sɔmɛ-bɨra gɨ dan̰ cɨndi dan̰ gɨyəŋ gɨ da kɔbɛ gɨ kan kobɨ gasɨn̰-kɔl nɔm gɨ Kumu bɨge na, kan ni kɨya bɨlege kalaŋ ga dan̰ durɔ ɗɨngar dan̰ gɨyəŋ gɨ da gɨye-lɔɔ gɨ nee le ɨni.
Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.
ကြော်ငြာတွေ