2 Korɛ̰t 3:1 - Gabri Maja

¹ Gajanaŋ kɨŋ gɨ yɔ gɨ ni na ay naa te gɨle gusɨnɨ coŋ. Naŋ, na hɨn̰ wo̰ naŋ. Na cɨndi kalaŋ ga pɨna orɨn̰ge dan̰ n̰agedi magtubu di kɨya lɔɔ tɨmon̰ kol cayge, ko na magtubu di ni orɨn̰ bɨgɨŋ wala, ko na magtubu di ni orɨn̰ kɨɗɨn̰ ga ɗaŋ gaŋ. Ama hɨnga ga nee le ni ɨran̰ dan̰ n̰agedɨge naŋ.

2 Korɛ̰t 3:1 ပူးပေါင်းရင်းမြစ်များ

Gɨye-lɔɔ 18:27

Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu.

Magtubu di Pol wal bɨn̰ kalaŋ ga Rɔm 16:1

Ɨŋ gey yogɨŋ kɔl gɨ ojɨ cay tɨmdɨna Pebe. Hɨndi na ɗe-gɨye duroy Ka-Daye ga somge a cay gulɔŋ gɨ Saŋkɨre gɨŋ.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 16:3

Kɨɗɨn̰ ga ɨŋ na bugoŋ ɨni na, kan ga kɨŋ ba torge le ɨŋ kɨya bɨge magtubu ɗe kan orɨn̰ge dan̰ gursu togɨŋ di kɨŋ ba hogu le a cay ƴaa-di-gumu di Jerusalɛm.

1 Korɛ̰t 3:10

Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

1 Korɛ̰t 4:15

Ko hɨn̰ gɨ gɨmdəŋ ga ka-gɨlgɨŋ gɨyəŋ gɨ ni gorɨn̰ te bugoŋ pɨna dan̰ Kɨris naa dubu-mɔjɨ kalɨn̰ ma, kɨŋ-gandi na baygɨŋ na pɨna hayi. Na ɨŋ-bandi pɨna hange ma na baygɨŋ gɨ ba woogɨŋ dan̰ gɨyəŋ gɨ da Kɔl-gɨ-Ɗari gɨ da Jesu-Kɨris le.

2 Korɛ̰t 10:12

Ni-gandi ni ɓala gɨ ni se gusɨni a kɨway kalaŋ ga pɨna ga hɨram gusɨge le naŋ bɨrɨŋ. Ni gey gɨse gusɨni danage naŋ. Kan som gɨsɨ gusɨge dan̰ gusɨge koge bɨ, gɨsɨ gusɨge duroyge bɨ. Dan̰ gɨyəŋ gɨ nee le na, kan gɨl gɨ kan naa ka-matɨr.

2 Korɛ̰t 10:18

Na cɨndi ungo gɨ Ba-gulɔŋ Kumu hɨramii le, ban ba-ƴɔɔ cɨn̰ Kumu. Ama ungo gɨ hɨram gusi koyi gaŋ le, ƴa cɨn̰ Kumu naŋ.

2 Korɛ̰t 10:8

Dɔnɔ di Ba-gulɔŋ bɨni ɗe ani na jɨbɨn̰ toygɨŋ ɗe agɨŋ na orɨn̰ dan̰ cɨndɨgɨŋ tumɔ. Ama na ɗe gɨ ani na mondɨgɨŋ naŋ le, hɨn̰ gɨ ɨŋ na gɨl gusɨnɨ tɔgɨ koldi ɗe na ɗɨn̰ cay kɨɗɨn̰ kalɨn̰ ma, dasi daŋ koldi naŋ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 5:12

Ni-gandi, ni gey na gɨle gusɨni ɗaŋ coŋ bɨgɨŋ naŋ. Ama ni-gandi ni gey bɨgɨŋ na gɨyəŋ ɗe agɨŋ na leen̰ tɨmon̰ ojɨn̰ cayni dan̰ caygɨŋ di ayaŋ daa. Hɨn̰ wo̰ na, kɨŋ kɨya ɓale dɨbe kɔl nee bɨn̰ ka-gɨle gusɨge dan̰ hɨnga ga woy cɨn̰ kalaŋ ƴɔbɨ, wala na dan̰ hɨnga ga woy a ɗugoy ungo gaŋ naŋ.